CHAPTER 8

MARTES ng umaga. Kasalukuyang nagbibigay ng instructions si Miguel sa grupo. Nakahilera ang mga itong nakatikas-pahinga sa harap niya. Full geared na silang lahat at handa na para sa pag-alis.

“At exactly ten hundred hours dapat ay nandoon na tayo sa area. Further instructions for this assignment will be given by Captain Francisco. Naghihintay siya doon,” wika niya sa malakas na tinig.

Lumapit si Rudy mula sa likod niya.

“Your precious angel is here, bud,” bulong nito. D-in-ismiss na niya ang grupo at nagtungo sa kubong tanggapan. Nakatayo si Annabelle roon at may bitbit na maliit na paper bag.

“Annabelle?” sambit niya rito.

Lumingon ang dalaga sa gawi niya at patakbong yumakap. “Miguel . . .”

“Bakit ka nandito?”

“Gusto lang kitang makita