Chapter 14

Sumapit ang gabi at pinatawag ang lahat na lumabas muna sa cottage dahil magkakaroon ng pagtitipon.

Nakaupo silang lahat sa isang pirasong tela na kinorteng bilog. Napapagitnaan siya ni Maya at Peter habang katabi naman ni Peter ang Kuya Gavin niya. Nasa tapat niya si Diane at katabi rin nito si David na kausap ang isa pa nilang kaklase. Tuwing nakakasalubong niya ang tingin ng una ay agad nitong iniiwas ang mga mata.

Nasa gitna nila ang isang artificial lights. Hindi kasi pwedeng magsunog sa lugar kaya imbes na bonfire, ito na lang daw ang pagtatiyagaan.

Nilingon niya si Maya nang marahan siya nitong siniko sa gilid.

"Bakit?" tanong niya.

"Kanina ko pa kayo nakikitang ganyan ni Diane. Anong ginawa mo sa kanya?"

"Kinompronta ko lang."

"Are you sure? Bakit parang takot na takot sa iyo?"

Nagkibit-balikat siya. "Siyempre natalo siya. Magtatak