Chapter 50

"Daddy's here!"  Cayleigh shouted. 

Napatingin sa akin si Nate. Nagtataka ang mga titig nito. Ngumiti lang ako sa kaniya bago napagpasiyahang umakyat sa kwarto para makapagpalit ng damit. 

Obvious namang hindi ko pa naipapaliwanag kay Nate ang lahat. Nasabihan ko na rin naman sila mama, sila Ash, Iza, Anika, Si Mommy at Daddy tungkol kay Akio at Cayleigh. 

Ayos lang naman sa kanila, as long masaya ang anak ko. 

Mamaya na lang siguro ako magpapaliwanag kay Nate. 

Bumaba na rin ako pagkatapos ko magpalit sa taas, wala na rin naman akong gagawin roon.

Pagbaba ko ay nakita ko si Nate, saktong nakatingin siya sa akin. Katapat niya si Akio at Cayleigh na naguusap. 

Maya maya lang ay tumakbo na si Cayleigh papunta kay Nate. May sinabi ang anak ko sa kaniya bago siya hilahin papunta sa kusina.