Chapter 4

"Ma, alis na po ako." Pagpapaalam ko kay mama sabay halik sa pisngi niya.

"Oh, mag-ingat ka, hah! Wag magpapagabi sa pag-uwi." Bilin ni mama.

At umalis na agad ako ng bahay, at baka maubusan ako ng sasakyan palabas ng barangay namin. Mahirap pa naman makahanap ng sasakyan dito sa amin. Nagmamadali akong naglalakad papasok sa campus ng makarating ako. Mabuti na lang at may nasakyan pa ako papunta rito. Kinuha ko muna yung phone ko sa bag.

"Arayye!"

Ang sakit ng dibdib ko. Sino ba kasi 'tong tanga na lalaking hindi rin tumitingin sa dinadaanan niya! Napapikit ako dahil sa sakit na nararamdaman. At ngayo'y unti-unti na ring humuhupa. Pagbukas ko ng aking mga mata ay sobra akong na surprise.