Chapter 17

“Zyle!” Napangiti ako ng makita siyang nakaupo sa kama ng nakangiti. Nakakumot siyang puti at mayroong sidetable na may iilang prutas at gamot sa gilid.

Inilahad niya ang kaniyang mga lamay, parang nanghihingi ng yakap. Napapailing na lumapit ako sa kaniya.

“Welcome back.”

Hinampas niya ang likod ko kaya napatawa ako. “Kamusta naman ang sleeping beauty namin?”

“Gago!” natawa ako ng batuhin niya ako ng unan.

“Pero hindi nga, ayos ka lang?”

“Oo naman. Sabi ng doctor dito muna ako para sa mga test. Saka para rin mamonitor muna ako. Takte, apat na taon rin akong tulog, ano. Para ngang hindi ko na alam maglakad.” Pareho kaming natawa sa sinabi niya.

Kakagising niya lang from coma last week pero mukhang okat naman siya.

Naupo ako sa upuan malapit sa kaniya.

“Zyle, kamusta ka na?”

“I guess I’m okay.” Napatango-tango siya.

Pareho kaming natahimik. Pakiramdam ko ay may gusto siyang sabihin pero nag-aalangan siya. Pero pagkalipas ng ilang sandal ay tumikhim siya.

“Balita ko ikakasal ka na?”

Tuma