Share

Chapter Eight

"Son hindi si manang ang gumawa ng almusal mo ngayon. Your wife cooked all of that." Nakangiting saad ni Daddy Troy. Napatigil naman sa pagkain si Travis at hindi makapaniwalang

tumingin siya sakin,

 "You cooked all of this?" Tinuro niya ang bacon, omelette at toasted bread na nasa harap niya.

 "Yes, tinulungan ko sila manang magprepare ng almusal. Maaga kasi ako nagising." Nahihiyang sabi ko. Tumango tango ito. 

 "Masarap. Buti na lang pala hindi ako pumasok ngayon, natikman ko ang luto mo. Thank you baby." Napatigil ako sa pagkuha ng omelette nang halikan niya ako sa noo, oh gosh! Ang ganda ba ng gising niya kaya siya ganito? Ang sweet at lambing niya sakin ngayon.

 "Honey ang ganda nila pagmasdan ano? Napakasweet." Kinikilig na sabi ni Mommy Kim. Nag-init ang pisnge ko dahil lahat sila nanonood samin.

 "Nakakatuwa ngang pagmasdan. Ipagpatuloy niyo lang 'yan, masaya kaming makita kayong ganyan pero sa ngayon, kumain na muna tayo. Kanina pa naghihintay ang pagkain." 

 Nagtanguan naman kami bilang tugon at kumain na. 

 Nasa kalagitnaan na kami ng pag-kain nang magsalita si Daddy Troy. 

 "Son, bakit nga pala hindi ka pumasok?" Tumingin ako kay Travis na abala pa rin sa pagkain. Tinigil nito saglit ang pagkain, binaba niya ang kutsara at tinidor. Nagpunas din ito ng bibig bago sinagot ang ama. 

 "Well, naisip ko dad na mag-pahinga muna. Lalo na't kakakasal pa lang namin ni Aaliyah. Gusto ko muna siya bigyan ng oras bago ako muling bumalik sa trabaho. Siguradong magiging busy na naman ako." Tumingin sakin si Travis at ngumiti. Hinawakan din nito ang kamay ko na nakapatong sa lamesa, tinigil ko kasi ang pagkain.

 "Gusto kong makilala ng lubos si Aaliyah, gusto ko siya maka-bonding. Okay ba 'yon sayo baby?" Oh gosh,

 "H-Ha? Ano.. oo naman." Bakit nauutal Eunice? Nakakahiya ka!

 "That's good. Mas mabuti ngang h'wag ka na muna pumasok at magbonding kayong mag-asawa. Ako na munang bahala sa kumpanya." 

 "No dad, don't worry si Camille namg bahala sa kumpanya. Gusto ko rin na nandito lang kayo mom and dad. Mag family bonding tayo, sa susunod na araw aalis na kayo. Tama na muna ang trabaho, mag relax muna kayo ni mom. Well, may mga dinownload akong movies kagabi, let's watch it." Ow, ayon ba ang pinagkakaabalahan niya kagabi? Kaya ba siya busy sa laptop niya? Aww ang sweet naman ng asawa ko.

 "That's a good idea son. Maganda ngang magrelax muna tayo." 

 "Napakasweet naman ng anak ko. Well, I'll call Erin. Papapuntahin ko sila dito para makapagrelax din sila. Okay lang ba sayo 'yon anak?" Naeexcite na saad ni Mommy Kim.

 "Of course mom."

 "Alright! Let's finish our breakfast then!"

 Nakakatuwa naman na may ganitong naisip na plano si Travis. Kakain na sana ako ulit nang mapansin ko ang seryosong titig ni Trish sa kuya niya. Napalingon ito sakin nang maramdaman niyang may nakatingin sa kanya. Umiling iling 'to sakin bago pinagpatuloy ang pagkain. Anong ibig sabihin non? Bakit ang seryoso ng tingin niya sa kuya niya?

 Kanina pa siya tahimik? Hindi rin siya nakikisali sa usapan namin. Hindi ata maganda ang gising niya? Hmm, hayaan na nga. Tatapusin ko na muna ang pagkain at naeexcite na ako sa movie marathon namin mamaya!

 Naging maganda ang takbo ng maghapon namin. Pangatlong movie na ang pinapanood namin ngayon, sobrang saya ng mga parents namin dahil ngayon na lang daw ulit sila nakanood ng movies. Ang dami rin inorder na pagkain ni Travis para samin. At itong buong maghapon, sobrang sweet niya sakin kaya mas lalong natutuwa at kinikilig ang mga nanay namin. 

 Hindi na lang ako umiimik dahil sa totoo lang kinikilig ako! Ganito pala ang isang Travis. 

 Matapos namin ang pangatlong movie, nagyaya na muna si Mommy Kim na kumain.

 Hanggang kinagabihan, nagyaya na silang magpahinga. Sobrang saya raw nila at wala silang inisip na trabaho ngayon, para daw silang bumalik sa pagkadalaga at binata. Natatawa na lang ako sa kakulitan ng parents namin. 

 Naunang umakyat si Trish sa taas. Hindi ako masyado pinansin nito, hindi rin siya lumalapit sakin dahil buong maghapon kaming magkasama at magkausap ni Travis. 

 Nagpaalam na rin sila mom na uuwi. Humalik ako sa pisngi nila at niyakap sila ni dad. Masaya daw sila para sakin. 

 Nang makaalis sila mom at dad, nagpaalam na rin samin sila Daddy Troy na aakyat. Magpapahinga na raw sila ni Mommy Kim. 

 Habang kami ni Travis ang naiwan dito sa sala. Tumayo ako para ayusin ang mga unan na nakakalat. Pero napatigil din nang magsalita si Travis.

 "Good job, Aaliyah. Nice act. Paniwalang paniwala natin ang mga magulang natin." Para akong nabato sa kinakatayuan ko. What? Act? Nilingon ko siya. Seryoso na ito ngayon habang nakatingin sakin. Bumalik ang nakakatakot na Travis. 

 "Hindi ko alam na magaling kang umarte Aaliyah. Bukas dapat ganito ulit, habang nandito ang mga magulang ko dapat sweet tayo sa isa't-isa. Kailangang maniwala silang okay tayo, naiintindihan mo? Ginagawa ko 'to para hindi sila maghinala. Basta sabayan mo lang lahat ng gagawin ko, okay?" Tumayo siya at muli akong tiningnan,

 "Mauuna na ako sa taas, magsashower pa ako. Umakyat ka na lang pag tapos ka na sa mga gagawin mo. Aayusin ko na rin ang higaan mo sa lapag. At isa pa, hindi masarap ang niluto mong omelette, masyadong maalat. Sinabi ko lang 'yon kanina para matuwa sila mom and dad.

Sa susunod 'wag mo na ako lulutuan okay? Hayaan mo sila manang ang gumawa ng almusal ko. Umarte ka lang pag nandyan ang parents ko pero pag wala manahimik ka lang. Sige na aakyat na ako, dalian mo dyan, baka saraduhan kita ng pinto pag nagtagal ka pa." Naglakad na ito paakyat sa taas, pinagmasdan ko lang siya. Nang mawala siya sa paningin ko ay napaupo na lang ako at doon naalala ko lahat ng pinag-usapan namin. 

 Hindi ko alam ang irereact ko, sobrang sikip ng dibdib ko. 

 Ang tanga tanga mo Eunice! Bakit kinalimutan mong may usapan nga pala kayo? Nadala ka sa mga ngiti at kasweetan niya! Hindi mo naisip na umaarte lang ang asawa mo! Isa ka rin sa naloko, hinayaan mo ang sarili mong mahulog sa kamandag ng asawa mo! Masyado kang marupok! 

 Akala ko naging okay na siya, akala ko lahat ng pinakita niya totoo! Akala ko tanggap na niya! Pero mali! Umaarte lang siya! 

 God Eunice, simula ngayon tandaan mo na na kapag nandyan ang magulang niyo dapat sweet kayo sa isa't-isa at kapag wala, para kayong strangers. 

 Ang sakit, umasa ako sa wala. Ang tanga tanga ko! Nakakainis! Ang saya saya ko pa man din kanina tapos malalaman ko na arte lang pala ang lahat!?

 Now, naiintindihan ko na kung bakit tahimik at masama ang tingin ni Trish sa kuya niya dahil alam niyang nagpapanggap ito! Buti pa siya alam niya! Buti pa siya natandaan ang mga nakwento ko sa kanya about sa sinabi sakin ng kapatid niya. 

 Kaya pala buong maghapon tahimik at walang gana ang itsura niya, kaya pala umiiling iling siya sakin! Bakit hindi ko nagets agad? Ayan! Nasasaktan ako ngayon, umasa! Nagmukhang tanga! Tumulo na naman ang mga luha ko.

 Bakit ganito? Simula nang mangyari samin ang ganitong set up lagi na lang akong umiiyak, lagi na lang akong nasasaktan. 

 Travis sobrang sama mo! Bakit ikaw pa ang minahal ko? 

 Pero sige, sasabayan ko 'yang arte mo! 'Yang palabas na gusto mo... 

 Tumayo ako at inayos na ang dapat ayusin. 

 Simula ngayon Eunice, itatak mo sa makitid mong kukote na lahat ng ipapakita sayo na kasweetan ni Travis ay pagpapanggap lang.. na arte lang..

Mga Comments (12)
goodnovel comment avatar
Jean Compra
hanggang kailan ka mag titiis eunice?
goodnovel comment avatar
Dids Boncodin Silvertino
kawawang Eunice
goodnovel comment avatar
Arlene Agnis Vigonte-ferrer
huhuhu,naiyak aquh...
Tignan lahat ng Komento

Kaugnay na kabanata

Pinakabagong kabanata

DMCA.com Protection Status