Chapter 1

KAUUWI lang ni Gianna galing sa trabaho. Sumampa siya agad sa kama dahil sa sobrang pagod. Pumasok ang asawa niyang si William at humiga sa tabi niya.

Hinalikan niya si William sa pisngi. "Tulog na ba 'yong mga bata?" tanong niya rito.

Tumango ang asawa niya. "Idlip ka na muna. I know you're tired." Niyakap siya nito.

"By the way, hon," ani Gianna nang may naalala siya. "Naalala mo 'yong best friend kong si Diana na lagi kong sinasabi sa 'yo? Lilipat na naman siya ng work. This time, dito sa lugar natin.

"Gano'n ba?" sabi ni William na hindi naman interesado sa sinabi niya.

"It's been six years noong huli kaming nagkita. I really missed her."

Bumuntong-hininga ang asawa niya. "You can invite her dito sa bahay if you want. Para na rin magka-bonding kayo kahit isang araw lang."

Napanguso na lang si Gianna sa sinabi nito na kahit isang araw lang. Pagkuwan ay nakaidlip din sila.

Naalimpungatan ang asawa niyang si William nang marinig ang iyak ng kanilang dalawang anak. Bumangon ito at lumabas ng kuwarto nilang mag-asawa upang puntahan ang katabing kuwarto. Hindi pa kasi dumating 'yong katiwala nilang si Manang Neneng na umuwi ng probinsiya nitong huling linggo. Baka sa susunod na araw pa ito makakabalik.

Tumunog naman ang cellphone ni Gianna kung kaya't nagising siya. Agad niya itong kinuha at sinagot nang hindi tinitingnan ang screen kung sino ang tumatawag.

"Hello!" bungad na bati sa kabilang linya.

"Hello?" sagot naman ni Gianna.

"Jing! Ano ka ba? It's me, si Ding!" masayang wika ng babae.

Nanlaki naman ang mga mata ni Gianna nang makilala na niya ang tumatawag. "Hala, Ding! Ikaw pala 'to! I'm sorry, hindi ko agad na-realize. Kagigising ko lang kasi. Nakaidlip ako eh." Natawa pa siya.

"Ay, okay lang 'yon! Kaya ako napatawag dahil I just want to inform you na bukas ako babyahe. Maybe by five or six in the evening na ako dadating."

"Talaga? That's great!" masiglang sabi ni Gianna sa balita ng kaniyang best friend.

"Oh, siya! Let's see and continue chitchatting tomorrow na lang. Inaantok na kasi ako," sabi pa nito na natatawa pa.

"Sige, Ding! Good night!"

"Good night, Jing!" sagot naman nito at in-end na 'yong tawag.

Matagal nang mag-best friend sina Gianna at Diana. Naging malapit sila sa isa't isa noong third year high school pa lamang sila dahil sa sila ay magkatabing nakaupo. Jing ang tawag ni Diana kay Gianna. Ding naman ang tawag ni Gianna kay Diana.

Nananabik na ang makita nila ang isa't isa dahil ilang taon na rin silang hindi nagkikita.

Ang kaibigan niyang si Diana Villagracia ay maganda, sexy at may pagka-naughty na klase ng babae. Alam mismo ito ng kaibigan niya pero hindi na lamang ito pinansin ni Gianna at tinatawanan na lang minsan. Si Diana ay liberated din at maraming lalaki ang pinapantasyahan ito lalo na sa mga kompanyang pinagtrabahuan nito. Madalas itong umakit ng mga boss nito at mayayamang lalaki upang magkapera dahil sa hirap ng buhay. 

Hindi rin itong nagtagal sa trabaho nito dahil matapos itong makuha ng mga lalaki ay sinisisante ito. Nais lamang nila ang katawan nito. 'Yon lamang ang habol nila rito. Kahit ganoon ay ayos lamang ito kay Diana dahil malaki naman ang perang nakukuha. Sa hirap ng buhay ngayon, iyon ang paraan nito upang mabilis magkaroon ng pera.

Si Gianna Manlapaz–Alvarez naman ay maganda rin, sexy, matalino ngunit simple lamang. Unlike her best friend, siya ay hindi liberated. Marami ring mga kalalakihan ang nahuhumaling sa kaniya. Kahit si Gianna ay may asawa at dalawang anak na, hindi ito halata.

Hindi pa nakikilala ni Diana ang asawa ng kaniyang kaibigan dahil walang komunikasyon ang magkaibigan noong panahong iimbitahan sana ni Gianna sa kaniyang kasal si Diana.

Sobrang nagmamahalan sina Gianna at William. May-ari si William Alvarez ng WAIO Restaurant na kilala sa kanilang lugar pati na rin sa buong bansa. Ito ay guwapo ngunit supladong lalaki ngunit tanging sa asawa't mga anak lamang ito mabait. Maraming nagkakagustong mga babae rito dahil sa katangkaran, kakisigan at matipuno nitong pangangatawan.

***

"NASA'N na kaya si Jing?" tanong ni Diana sa sarili nang hindi niya ma-contact ang kaibigan. Kanina na rin niya sinubukang i-text ito ngunit hindi naman nagre-reply.

Nagkasundo kasi sila ni Gianna na si Gianna na ang susundo sa kaniya at sa bahay nito muna siya manatili kahit dalawang araw lang para na rin magkausap sila nang matagal dahil sobra nilang na-miss ang isa't isa.

Nagtungo muna si Diana sandali sa comfort room sa terminal kaya iniwan muna niya saglit sa tabi 'yong mga dala niyang gamit. Nakasalubong pa niya sa daan ang isang matangkad, guwapo ngunit nakasimangot na lalaki nang siya'y pabalik na sa puwesto niya kanina. She even bit her lower lip dahil hindi niya maalis sa isipan niya ang lalaki, lalo na 'yong mapatingin siya sa bulge nito. Nakaramdam siya ng kakaibang init.

"Ang laki talaga. Kapag nakita ko siya ulit, dadakmain ko talaga 'yon," wika nito sa kaniyang sarili.

Sinubukan niyang tawagan ulit si Gianna ngunit hindi pa rin ito ma-contact. Kinuha na lamang niya ang kaniyang mga gamit at aalis na sana siya ngunit huminto sa harap niya ang lalaking nakita niya kanina lang. Nagulat siya at kinabahan.

"Is this you?" tanong ng lalaki at pinakita sa kaniya ang mukha ng babaeng nasa cellphone na hawak nito.

Nanlaki ang mga mata ni Diana. "Yes. That's me," sagot naman niya at napatingin ulit sa mukha ng lalaki.

Binura agad ng lalaki ang litrato ni Diana na s-in-end ng asawa nito sa messenger nito at binalik na sa bulsa nito ang cellphone nito.

"Wait. Paano mo nakuha 'yong picture ko?" namamanghang tanong ni Diana sa lalaki.

"My wife sent it to me kanina in case na hindi kita matawagan. I was calling your phone ngunit hindi kita ma-contact. Mali yata ang naibigay na number ng asawa ko kaya 'yong picture na lang ang ginamit ko para mahanap ka," naiinis na sagot ng lalaki.

Nagulat si Diana sa sinabi ng lalaki. "So you mean, ikaw ang asawa ng best friend kong si Gianna?" tanong niya upang kumpirmahin.

Tumango ang lalaki.

Hindi pa rin makapaniwala si Diana na ang lalaking nakatagpo niya kanina at nakausap ngayon ay ang asawa pala ng kaniyang best friend.

"Ang suwerte naman pala ni Jing dahil ang hot ng napangasawa niya," sabi ni Diana sa isip niya.

"Shall we go now?" saad ni William.

"Sandali. Nasa'n si Jing? Bakit ikaw ang sumundo sa 'kin?" nagtatakang tanong niya sa lalaki.

Nairita naman ito dahil panay tanong si Diana. "May urgent meeting sila kaya inutusan niya akong sunduin ka. Tara na, puwede?"

Tumango na lang si Diana at ngumiti.

Napansin niya ang kakaibang kinikilos at pananalita ni William na halatang naiinis ito kaya naisipan na lang niyang hindi na magtanong pa.

"Ang sungit naman ng lalaking 'to. Porket guwapo," aniya sa kaniyang isip.

Binuhat na ni William ang ilang gamit ni Diana at naunang pumunta sa kotse. Wala namang nagawa si Diana kaya binuhat na rin niya ang naiwang gamit at sumunod kay William sa kotse.

Tahimik lamang ang dalawa habang nagmamaneho ang lalaki. Inabala na lamang ni Diana ang sarili sa pagce-cellphone habang nakaupo sa back seat. Pinili na lamang niyang huwag magsalita dahil baka mairita at magalit si William. Nang mapagod sa kaka-cellphone ay itinago na lamang niya ito sa bag niya at tinitigan ang likuran ni William.

Labis siyang humanga dahil kahit likuran ng lalaki ay ang guwapong tignan. Gumalaw pa si Diana nang kaunti upang silipin si William. Dumako ang tingin niya sa hita ng lalaki. Lihim siyang napakagat ng labi dahil gusto niyang hawakan ang hita nito kahit na nakasuot ito ng pantalon. Pinagpawisan nang kaunti si Diana nang mapunta ang kaniyang tingin sa umbok ni William. Hindi niya mapigilang mag-isip nang marumi. Iniisip niya kung ano kaya ang itsura nito at gaano kalaki. Gusto niyang hawakan iyon ngunit malabong mangyari dahil sa ugali pa lang ng lalaki ay napapaatras na siya. Isa pa, asawa ito ng kaibigan niya.

Natigilan lamang si Diana sa pag-iisip nang huminto na ang kotseng sinasakyan nila.

"We're here," dinig ni Diana na anunsiyo ni William nang makarating sila sa bahay. Nagmadali itong bumaba at nagtungo sa likuran ng sasakyan upang kunin 'yong mga gamit ni Diana.

Nauna itong maglakad papasok ng bahay dala-dala 'yong gamit na binuhat nito kanina sa terminal papuntang kotse.

Kita pa ni Diana ang likuran ni William bago ito tuluyang nakapasok sa loob ng bahay. "Medyo malaki rin pala ang puwit ni William," nasabi niya sa kaniyang sarili.

Nakaramdam siya ng lungkot dahil hindi man lang siya pinagbuksan ng pinto ng sasakyan. Bumaba na rin siya at kinuha 'yong mga naiwang gamit niya.

"Grabe! Ang laki at ang ganda pala ng bahay nila. Sana all talaga," wika pa nito sa sarili bago pumasok sa bahay.

***

BANDANG 7:00 p.m. na nang makauwi si Gianna sa bahay galing sa trabaho. Medyo natagalan siya dahil may tinapos siyang importante roon sa bangko.

Habang kumakain ay panay ang kuwentuhan ng magkaibigan. Madaldal talaga ang dalawa lalo na kapag magkasama.

"Akyat lang ako sa taas, ha?" paalam ni Manang Neneng sa kanila upang puntahan ang dalawang anak ng mag-asawa.

"Sige po, manang," masayang sagot naman ni Gianna sa kanilang katiwala.

"Ilang taon na pala 'yong mga anak niyo, Jing?" tanong ni Diana. 

"One year old and a half 'yong boy na si Wyler. 'Yong girl naman na si Greisha is one month old," sagot ni Gianna sa kaibigan.

"Ang bilis palang nasundan, 'no?" natatawang sabi ni Diana.

Nagtawanan na lamang ang dalawa samantalang tahimik lang si William. Madalas naman kung mag-usap ang mag-asawa talaga ngunit hindi lang gusto ng asawa ni Gianna ang makipag-usap nang matagal sa mga taong hindi nito gusto. Gaya na lamang ni Diana.

"By the way, Ding, hindi ko pa pala naipakilala sa 'yo ang asawa ko," singit ni Gianna nang maalala niyang hindi pa niya naipakilala si William sa kaibigan. "He is William," sabi ni Gianna at napatingin sa katabing lalaki. "Hon, she's my best friend, Diana."

Tumango lamang ang asawa niya at hindi umimik. 

"Hon, bakit ang tahimik mo naman yata? Are you okay?" hindi napigilang itanong ni Gianna sa asawa.

"I'm fine. Kayo na lang mag-usap since reunion niyo ngayon," kalmadong tugon nito at natapos na ring kumain.

"Mahiyain siguro ang asawa mo, 'no?" hirit ni Diana at napatingin kay William.

"Ganiyan talaga 'yan, Ding," wika na lamang ni Gianna. "Don't worry. Dadaldal din 'yan kapag nasanay na siya sa 'tin," dagdag pa niya.

Ngumiti na lamang si Diana at sumulyap ulit kay William na sinamaan siya ng tingin nito nang magtama ang kanilang tingin. Awkward na napangiti na lang si Diana sa lalaki at nagpatuloy na lang sa pakikipag-usap kay Gianna tungkol sa kaniya-kaniyang buhay sa nakalipas na mga taong hindi sila nagkita.

***

HINDI makatulog sa kaiisip si Diana. Naiinggit siya sa buhay ng kaniyang kaibigan. Mas naiinggit siya lalo dahil may asawa na ito samantalang siya ay single pa rin kahit isang taon na lang at magte-trenta anyos na siya. Hindi naman siya nagmamadali talaga ngunit ngayon lamang niya napagtanto na dapat na siyang mag-asawa dahil baka mahirapan pa siya kapag ang tanda na niya kapag nagdadalang-tao.

Naalala niya ang asawa ni Gianna. Panay ang sulyap niya rito kanina dahil sobra talaga siyang nahumaling sa kaguwapuhan nito. Sumagi pa sa kaniyang isip ang umbok ng lalaki. Sa hindi niya malamang dahilan, ipinasok niya ang kaniyang kamay sa loob ng panty niya. Nag-iinit ang katawan niya dahil sa lalaki. Alam niyang bawal at mali ang kaniyang ginagawang pagnanasa at pagpapantasya sa asawa ng kaibigan ngunit parang nasasarapan siya sa tuwing dadako ang mga mata niya sa lalaki.

"Tulog na kaya sila?" tanong niya. "Mukhang tulog na yata. Alas dose na naman siguro at wala naman akong naririnig na mga tinig," dagdag pa niya.

Napagdesisyunan niyang tumayo at tignan kung anong oras na sa kaniyang cellphone. 11:45 p.m. na nang makita niya ang nasa screen nito.

Lumabas siya sa guest room na tinutuluyan niya ngayon at nagtungo sa harap ng pinto ng kuwarto ng mag-asawa.

"Ooohhh... hon..."

Nanlaki ang mga mata ni Diana nang marinig ang ungol ng kaniyang kaibigan nang ilapat niya ang tainga niya sa pinto.

"Fuck! Ang sarap mo talaga, hon... uugghh..." ang ungol naman ni William na nagpapainit kay Diana.

Naisipan na lamang niyang bumalik sa guest room at doon ay pinaligaya ang sarili.