Kabanata 6

SINILIP ni Tanya ang nangyayari sa loob ng silid kung saan pumasok ang dalawang sinundan na babae. Ang buong akala niya ay tulad ng inaasahan ang nasa loob niyon tulad ng mga naunang kuwarto na nakita kanina.

Napalagok siya ng laway. Magkagayonman, hindi pa rin niyon maiaalis ang takot sa puso niya at sa buong pagkatao.

Pero hindi siya dapat matakot, tao lang din ito at maraming maaaring makakita sa kaniya. Sumagi na agad sa isip niya ang susunod na mangyayari, mamamatay siya at ang kapatid kung basta na lang siyang aalis.

Nakagat niya ang ibabang labi at agad pinalis ang mga luhang muling nagbadya sa kaniyang mga mata. Naglakad siya sa loob ng silid na iyon nang muntik na siyang mapamura dahil sa malamig na airconditioning na naroon.

Walang nakapansin sa kaniya dahil kapwa abala ang mga tao. Napakislot na siya sa lamig. Hindi siya sanay sa ganoong temperatura lalo't napakanipis ng suot niya at halos kita na ang lahat sa kaniya.

Hindi na talaga niya kinaya kaya sunod-sunod ang pagbahing niya, napatakip na siya ng ilong at bibig. Nang matapos niyang maihulma ang sarili lalo na nang muling ipagpatuloy ang kaniyang naunsiyami plano, nagulat na lamang siyang makitang nakatuon sa kaniya ang lahat ng mga mata ng mga tao na naroon.

Naisip niya tuloy na baka may tao lang na dumating na nasa kaniyang likuran kaya nilingon niya iyon subalit wala naman.

"Excuse me, pwede ko bang makausap si Mr. Isidore Lanchester?" magalang niyang tanong. 

Bahagyang ngumiti siya na hindi naman umabot sa kaniyang mga mata dahil kaya niya lang din hinahanap ito ay upang maisalba ang buhay niya at ng kapatid. 

Nakarinig siya ng impit na pagtawa kung hindi niya lang nakita na ang babae iyon sa bandang dulo ay maiisip niyang may sinasakal na butiki sa loob niyon.

"Who are you?" mariing tanong ng isang babae na mahaba ang buhok. Ito lang ang malapit ngayon sa lalaking pakay.

"Bago lang ba siya?" nagtatakang usisa ng isa na naglakas loob na lapitan siya at hawakan sa braso. "I don't think that you should be here," anito. Ramdam niya ang matalim nitong kuko na halos bumaon na sa kaniyang balat, hindi niya maiwasang mapasinghap. Pilit na kumawala siya sa pagkakahawak nito.

Pero bago man niya iyon na magawa, bumahing na naman siya. Hindi pala dahil sa malamig na airconditioning kung bakit siya nagkakaganoon. Napagtanto niya na bunga iyon ng nakahihilong amoy na matapang na pabango ng mga babaeng naroon.

"Nandito ako para kausapin si Mr. Lanchester," pahayag niya nang hindi nililingon ang walang habas na babae sa tabi. 

Ngunit naramdaman niya ang paglapit nito sa kaniya. "Gusto mo na bang mamatay?" galit na bulong nito.

"Hindi," agad niyang sagot at lumapit sa lalaking batid niyang kanina pa nakamasid sa kaniya. 

Pilit niyang tinanggal ang ano mang bikig na pumipigil sa kaniyang magsalita. Natameme kasi siya nang mapagmasdan mabuti ng personal ang lalaki sa litratong hawak. Malayo kasi ang hitsura nito na ngayo'y nasa harap na niya kumpara kuhang larawan.

Maganda ang kakaibang kulay ng mga mata nito, matangos ang ilong, at may mala-perpektong hugis ng mukha. Bumagay din dito ang medyo tan na kulay ng balat. Kung may tamang salita upang madali itong i-describe–hot, iyon ang palaging bukang-bibig ni Anne sa kaniya sa tuwing nakakakita Ito ng magandang lalaki.

Tumikhim siya upang tanggalin ang ano mang bara sa lalamunan niya kahit alam niyang wala naman.

Hindi rin yata ito mukhang pilipino kaya duda siyang maiintindihan siya nito. Pero bahala na, medyo may kaunting alam naman siya sa wikang ingles basta hindi lang deretso at saka pilipit ng kaunti ang dila niya. Kaya puwede ng pagtiyagaan. 

Nang akmang magsasalita na siya nagtaka siya nang bigla itong tumayo at lumapit sa kaniya.

Nahigit niya ang hininga nang tumayo ito sa harap niya. Ibinaba niya tuloy ang tingin, nailang kasi siya sa mga mata nitong kulay abo nang makita niya ang sariling repleksyon mula roon.

Mayamaya lang ay naramdaman niya ang kamay nito na nakahawak ngayon sa braso niya. Dumaiti sa balat niya ang init nito at sigurado siyang nakaramdam ng kakaibang sensasyon.

Teka, kung ano-ano na ang tumatakbo sa isip niya samantalang may mas higit pa siyang kailangang gawin!

Marahas siyang kumawala sa pagkakahawak nito. Humugot siya ng lakas ng loob upang masabi ng tama ang lahat ng salitang sinabi sa kaniya kanina, pero wala talaga sa hinuha niyang basta na lang tatangayin nito.

"Two months ago, may nangyari sa ating dalawa," mariing simula niya. Medyo pumiyok siya dahil hindi naman totoo ang mga bagay na iyon. Nagtaas siya ng mukha, gusto niyang tumakbo nang muling matunghayan ang napakaguwapo mukha ng lalaking kaharap. Nakagat niya tuloy ang mga labing batid niyang sugat-sugat na. "I'm pregnant," pagsisinungaling niya.

Rinig na rinig niya ang malakas na kabog ng dibdib sa mga salitang tinuran pero iyon ay base lamang sa mga pinag-uutos sa kaniya. 

Nakita niya ang malalim na pagkunot ng noo nito dahilan upang makaramdam siya ng hiya. Pero imbes na magalit ito, nagtaka siya nang ilang sandali itong natahimik.

Nang iangat niyang muli ang mukha upang tingnan ang reaksyon nito nagulat na lang siyang bigla na lamang nitong siniil ng isang malalim na halik sa mga labi. Nanlaki ang mga mata niya at pilit itong itinutulak palayo sa kaniya. Nakaramdam siya ng kakaibang sensasyon na nagdulot sa kaniyang hindi iyon payagan lalo't hindi ito nakontento sa kaniyang mga labi may nais pa itong tikman.

Naging mas mapusok ang mga halik nito at wala na siyang ibang nagawa kung hindi hayaan ito.

Nagsimulang manghina ang mga tuhod niya at unti-unting nawalan ng lakas. Habol niya ang hininga nang matagal nitong sinakop ang kaniyang mga labi.

Pagod siya, at masakit na ang buong katawan. Wala na siyang lakas upang makaalis sa mga bisig nito na ngayon nga'y hawak na siya.

***

"Why are you here?" mariing tanong ni Isidore habang pinagmamasdan ang mapayapang mukha ng babae na ngayo'y walang malay. Ito ang dahilan kung bakit siya bumabalik sa naturang lugar kahit hindi lingid sa kaniyang kaalaman kung ano'ng puwedeng mangyari sa kaniya. 

This woman is the main reason why he can't have a normal night. He lusted her for so many years, but how the hell did she end up there!