Kabanata 27

Kabanata 27

"YOU'RE glowing," puna ni Madge kay Tanya, magkasama sila ngayon sa paglilibot sa isang restaurant na pagmamay-ari nito.

Nilingon niya ito sa kaniyang tabi. Nahuli niyang kanina pa ito nakamasid sa kaniya habang abala siyang libutin ng paningin ang napakagandang lugar. Ganito niya kasi ini-imagine noon ang restaurant na gusto niyang ipatayo oras na makapag-ipon siya at makapagsimulang mapalaki ang maliit na puwesto. 

Hindi naman mahalaga kung maging tunay na ang pangarap niya noong nagsisimula siya subalit ngayon ay sobrang excited na niyang makita ang kalalabasan ng design na binuo niya kasama si Madge. Laking gulat niya na malaman na dalawang beses itong grumaduate at may hawak na dalawang diploma, hindi lang kasi ito tapos ng restaurant management, isa rin pala itong arkitekto na lubhang hinangaan niya.

Sa totoo lang, lahat naman ng nakilala niya na malalapit na kakilala ng asawa ay pawang hindi