Chapter 40: Truths or Lies

CHENANIAH XYRAHʼS POV

Mula sa nakasabit na orasan sa aming dingding, sa bawat segundong lumilipas, ay sariwang-sariwa pa rin ang kahihiyan na namumuo sa aking isipan, sapagkat ang pinakamasayang gabi sana ni Raze ay nauwi sa imbestigasyon. Bilang resulta, kagaya sa kabigatan ng mga bato, ay nakararamdam ako nang kabigatan at katamaraan sa buong katawan dahil akoʼy kulang nang tulog kagabi. Hindi ako makabangon sa kamang kinahihigaan namin ni Naniel.

“Mommy, wala po ba kayong trabaho ngayong araw? Sa pagkakaalam ko, mahigit kalahating oras na ang nakalipas kayaʼt nangangamba ako na bakaʼy pagalitan ka ni Daddy Raze.” Niyugyog ni Naniel ang aking mga balikat kahit akoʼy balot na balot ng kumot. “Mommy, baʼt nagtatago kayo sa kumot na iyan? Mayroon po bang lumitaw na tigyawat sa iyong mukha kayaʼt nahihiya kang humarap sa amin?” dagdag niya.

“Wala akong masabi, Naniel,” katipiran kong tugon sa bata. “Walang sagot ang lumalabas sa bibig ni mommy sa iyo kayaʼt paumanhin,” malumanay kong pa