Kabanata 20

Mas masahol pa sa hayop

Ang magkunsinti

Sa maling asal

Na ginawa ng isang tao

1913

Kalansing ng mga kubyertos ang maririnig sa buong hapagkainan.

"U-umalis na nga po pala si Adam noong isang araw... May ensayo po sila sa Amerika," pagpapa-alam ni Ate Clarita sa aming lahat. 

"Kung gayon bakit hindi man lang s'ya nagpaalam sa'kin?" sagot ni ama. 

Napatigil sa pagkain si ate. Ang katabi ko, si Isagani, ay napatingin sa kan'ya. 

"Labis po s'yang nagmamadali dahil huli na raw po s'ya sa daungan, ama," aniya at nagpatuloy sa pagkain. 

Ibinaling ni ama ang atensyon kay Isagani. Mukhang wala s'ya sa tamang timpla dahil sa inilahad ni ate.

"Hijo, bakit hindi kita mahagilap noong isang linggo?" 

Tama si ama. Ni anino n'ya ay hindi ko nahagilap sa buong linggo kong pamamalagi sa