Kabanata 22

Balikan natin kung saan

Nagsimula ang lahat

Upang sa gayo'y

Magawa na nating bumalik 

Sa pinagmulan.

1913.

Inangat ko ang tingin sa kaniya.

Tahimik s'yang pumasok sa kwarto kung saan pwedeng magusap ang bisita at mga nakakulong. 

Mahigpit kaming binantayan ng mga sundalo at binigyang magusap ng kaunting minuto. 

Balisang umupo si Isagani sa'king harapan. 

Huminga muna ako nang malalim bago s'ya kausapin. "Kumusta ka? Maayos ba ang lagay mo rito?"

Ilang segundo na ang lumipas ngunit hindi pa rin s'ya sumasagot.

Ikinuyom ko ang nanginginig kong mga kamay. "M-magsalita ka naman," pinipigilan kong umiyak habang tinititigan s'ya. 

Nakatungo lamang s'ya at balisa.

"Nag-aalala na ako sa'yo... Alam mo bang tumakas ako sa'min kahit labag sa kagustuhan ni ama?"