Kabanata 23

Ang katapusan

Ay laging may simula

Ngunit may mga simulang

Hindi na nakikita ang katapusan.

1913.

"Hindi mo pa ba alam ang balita?"

"Anong balita?"

"Pumanaw na si Clarita, iyong magaling makipag-argumento sa propesor?" 

"S-sandali! Wala na siya? Paano?" 

"Ang sabi sabi, pinatay s'ya ni Ginoong Isagani ngunit bago iyon, ginahasa n'ya muna si Clarita." 

"Isagani? Hindi ba't si Catalina ang nobya n'ya? Nakatakda na ang kasal nila sa susunod na buwan 'di ba?"

Tumigil ako sa pagkain sa kapiterya ng aming Unibersidad. Palagi na lamang bang ganito? Mababaliw na ako sa mga bulong nila. Animo'y bubuyog na nagpapasakit ng tenga ko!

Pilit kong pinakalma ang sarili. 

"Aalis na ako." 

Sapat na ang aking boses upang patahimikin ang lahat. Hindi sila makapaniwa