The Witch has Fallen - 19

Bakit pakiramdam ko pinaparusahan ako ni Impo? Sa dinami rami ng pwede bakit ako pa?

Talaga bang ayaw niya akong pagbigyan sa gusto ko? Bakit niya ako ikukulong sa responsibilidad na hindi ko naman gusto?

"Impo, paki-usap ayaw ko po. Natatakot po ako sa Senyor." gusto niya akong maging sekretarya ng Senyor. Iyon pala ang tinutukoy ng Senyor na hindi ko alam at ang dahilan kung bakit sinama niya ako sa tahanan ng Senyor na hindi naman niya talaga ginagawa. 

"Tumigil ka. Sa Senyor natatakot ka pero sa mga tao hindi? anong klaseng pag-iisip mayroon ka ha?!" 

"Iba po ang Senyor at iba po ang mga tao, Impo." sinubukan kong depensahan ang sarili ko pero mas lalo lang siyang nagalit. 

"Mas pinipili mo ang mga tao kesa sa mga kalahi mo? Mas gusto mo pa silang makasalamuha at pagsilbihan? Paano kapag nalaman nila ang totoong ikaw? Ha? Sa tingin mo ganyan ka pa 'rin nila ta-tratuhin?! Halimaw ka sa paningin nila.!" 

"Bakit? Hindi po ba?" tanong ko pabalik sa kanya. "Halimaw naman talaga tayo ah." napapikit ako nang lumapat ang kamay ni Impo sa pisnge ko. 

"Tasya, ano ba tama na." pag-awat ni Nanay sa akin. 

"Hindi tayo halimaw. Hindi natin kasalanan na naging ganito ang tadhana natin. Pinanganak tayong ganito, kasalanan ba natin 'yun?. Sa tingin mo? Hindi ba dapat 'din silang tawaging mga halimaw? Kung tutuusin, mas halimaw pa sila sa atin. Wala silang pinapakinggan, sarili lang nila ang sa tingin nilang tama." 

"Hindi porket taliwas tayo sa nakararami, halimaw na tayo. Hindi lang tayo ang kumakain ng may buhay Tasya. Kumakain at pumapatay 'din sila ng inosenteng mga hayop. Dapat 'din silang tawaging halimaw diba?" 

"Kapag nalaman nila ang totoong ikaw, mag-iiba ang tingin nila sa'yo at saka mo lang 'din mapagtatanto na sila ang dapat tawaging halimaw." 

"Pagsisilbihan mo ang Senyor. Sa ayaw at sa gusto mo." napapikit ako sa inis. Kagat-kagat ko ang labi ko, pinipigilan ko ang sarili kong magsalita. Sarado na ang utak ni Impo. 

"Tasya, pagbigyan mo muna si Nanay, paki-usap?" 

"Pati ba naman ikaw 'nay?" gusto kong umiyak, bakit pakiramdam ko ako lang mag-isa at walang nakakaintindi sa akin?.

"Isang linggo lang Tasya. Kapag hindi mo parin gusto, ako na ang magsasabi kay Nanay." pagod akong tumango kay nanay. Wala akong magagawa, nagkasundo na pala silang lahat eh. 

"This is your table. You're the general secretary, so, everyone can use you." napakunot ang noo ko. 

"Everyone? teka, gamitin? ako? saan? tsaka akala ko ba sa Senyor lang ako magsisilbi?" naguguluhan kong tanong. 

"Alam mo? ang dami mong tanong. General secretary ka nga diba? ibig sabihin nun, pwede kang utus-utusan ng lahat.! boba nito!" huminga ako ng malalim. Kinuyum ko ang kamao ko. Baka hindi ako makapagpigil at tahiin ko bibig nitong babaeng 'to.

"May tanong ka  pa? Wala na. Okay bye." inis akong napairap nang lumabas na ito. 

Pabagsak akong sumalampak sa upuan ko. Tinignan ko ang mga papeles na nakaimbak sa table ko. 

Ano ba kasing gagawin ng secretary? ni hindi nga ako na-eelect na officer nung nag-aaral ako tapos ngayon gagawin akong secretary. 

Napakamot ako sa ulo ko. Tinignan ko ang mga papeles sa table. Sinubukan ko itong basahin pero wala akong naintindihan. Hindi na kasi ako nag-aaral, hindi na kasi ako pinapa-aral ni Impo kaya kasalanan ni Impo ito kung bakit hindi na gumagana ang reading comprehension ko. 

"Claudia!" napatayo ako sa gulat nang biglang may pumasok sa silid na inuukupa ko. Napahawak pa ako sa dibdib ko sa gulat. 

"Ay Claudia!, ay, uhm. Magandang umaga po, Senyorito." bahagya akong yumuko para sa pagbigay galang. Isa sa mga anak ng Senyor, hindi ko nga lang alam ang pangalan. 

"Where's Claudia? tsaka sino ka?" nagtatakang tanong niya. 

"Hindi ko po kilala si Claudia. Ako po si Annastasya." pagpapakilala ko. Nilagay ko ang kanang kamay ko sa bandang dibdib ko at bahagyang yumuko bilang pagbigay galang sa kanya. 

"Oh! no need to do that!. I guess you're the new secretary? I'm Vincent.!" nilahad niya ang kamay niya. Nagdadalawang isip pa ako kung pwede ko bang tanggapin ang kamay niya o hindi. Baka kasi labag sa kung anong patakaran dito. Hindi pa ako nakakapagdisisyon nang kuhanin niya ang kamay ko at siya na ang nag shake hands dito. 

"I need your help. Tara samahan mo ako." hindi na niya binitawan ang kamay ko at hinila na ako palabas ng maliit na opisina. 

"Po? teka lang. Hindi ko pa po napupuntahan ang Senyor. Ang bilin ni Beatrice kailangan daw muna akong magpakita sa Senyor." pigil ko sa kanya.

"Ah si Papa ba? actually, nandoon siya sa pupuntahan natin  kaya tara na." hindi na lang ako umalma at kinuha ko na lang ang nag ma dala ko. 

Sumakay kami sa kotse niya, tahimik lang ako buong byahe. Kinakabahan ako, baka kung saan at kung anong gagampanan kong role dito. 

Napakunot ang noo ko ang dumaan kami sa dati kong paaralan. Akala ko sa skwelahan ang punta namin pero dumeritso lang kami hanggang sa dumating kami sa "La Hermoso Funerario" pagbasa ko sa sign board. Teka, nakapunta na ako dito ah. 

Nakasunod lang ako sa kanya. Pumasok siya sa isang silid, may kinuha siyang ballpen at maliit na notebook sa akin. Kinuha ko ito at nilagay sa bag. 

"Distribute this to  the BOD's okay?" saad niya sa akin bago ibigay ang nasa mga anim hanggang sampong folders. 

"Po? BOD's? ano po 'yon?" nagtataka kong tanong. 

"Board of Directors. Hindi ka pa ba nate-train ni Beatrice?"umiling ako. Wala 'din akong balak magpatrain sa babaeng  'yun no. Ang sungit sungit. 

"I'll note that. Pagsasabihan ko ang Beatrice na'yon na dapat itrain ka. For now, ibigay mo na lang iyan sa mga makita mong nakaupo okay?" tumango ako bilang tugon. Lumabas na siya habang ako ay nakasunod lang sa kanya. Bakit ba parang nagmamadali siya?.  

Pagkapasok namin sa isang parang conference room, ay hindi pala parang dahil conference room nga talaga. Nagulat ako dahil may mga tao na at parang kami na lang ang hinihintay. 

"Sorry to keep everyone of you waiting. Uhm, shall we start?" Pumwesto na sa harap si Senyorito Vincent. Iminuwestra niya sa akin na idistribute ko na daw ang mga folders kaya isa isa ko itong binigay sa mga nakaupo sa pahabang mesa. 

"Magandang araw po, Senyor." Pagbati ko kay Senyor at binigayan siya ng isang copy ng folder. Tumango lang siya sa akin. 

Patuloy kong dinidistribute ang mga folders at bumabati din ako sa kanila. Pero nagulat ako sa panghuling bibigyan ko ng folder. 

Nandito din pala siya. Pilit kong tinago ang gulat ko at umaktong parang isa lang siya sa lahat. 

"Magandang araw po, Senyorito." pagbati ko sa kanya bago siya bigyan ng folder. 

Nanlaki ang mata ko nang imbes na folder ang hawakan niya ay kamay ko ang hinawakan niya. 

Dali-dali kong binawi ito. Tahimik lang siyang natawa sa naging reaksyon ko. 

Hindi ko alam kung saan ako uupo, para kasing bawal umupo kasama sila kaya napagpasyahan kong tumayo na lang sa gilid. 

Nilabas ko ang binigay na notebook at ballpen sa akin ng Senyorito Vincent. May kung anong dinidiscuss kasi siya sa harap, baka lang naman tanungin niya ako sa mga pinagsasabi niya dito kaya mag te-take down ako ng notes. Mabuti na yung handa. 

Nararamdman ko ang mga tingin sa akin ni Vin pero sina walang bahala ko ito. Mamaya may makahalata pa na magkakilala kami at malagot pa kami. 

"Hey, maupo ka nga." mahina nitong saad na rinig ko naman. Hindi ko ito pinansin at umakto na lang na walang naririnig. 

"Annastasya.." mabilis pa sa alas kuwatro akong lumingon sa kanya. Sinamaan ko siya ng tingin. Hindi naman siya natinag, he just motioned the seat beside him. Tinignan ko ang paligid, mukhang wala namang nakarinig at mukhang wala naman silang pakealam. Abala sila sa pakikinig sa sinasabi ni Senyorito Vincent sa harap. 

'Upo' he said without voice. Nagbuntong hininga ako bago naglakad at umupo sa tabi niya. 

Nagngiting tagumpay naman siya nang maupo na ako. 

Tinuon ko na ang atensyon ko kay Vincent pero parang may bubuyug na pilit akong winawala sa concentration ko. Napaigking ako nang hawakan niya ang kaliwa kong kamay sa ilalim ng mesa. 

Nakatingin lang siya sa harap at parang wala lang habang ang kaliwang kamay niya ay prenteng binubuklat ang folder sa mesa.

 Inis kong tinikom ang bibig ko. 

Ano ba kasing trip niya ngayon at kung ano-anong ginagawa niya? May tama ba siya ngayon? The last time I check, inis ako sa kanya dahil sa panghahalik niya ng walang pasabi at muntik pa kaming mahuli ni Impo.! 

___________

💛👀🍭