CHAPTER 6

"James, may doughnut sa ref. Baka gusto mo kumain?" tanong ko.

Alas-tres na kasi at kauuwi niya lang galing school, naka-uniform pa. Mukhang wala siya sa hulog para magsalita. Pagod siguro.

"O gusto mo ba magpa-deliver ako ng milktea?" pangungulit ko pa.

"Sige!"

Biglang nagliwanag ang masungit niyang mukha. Itong bata na ito, parang pinaglihi sa sama ng loob. Laging masungit. Nakasimangot lagi ang mukha.

Nagpa-deliver ako habang nagbibihis pa siya sa taas. Nakakatuwa rin ang batang 'yon. May sense of leadership. Lagi ring overtime sa school dahil may meetings, duties and what-so-ever. Buti na rin at naging active siya. Ganoon din naman ako dati. Mahiyain kasi siya kaya mabuti na ring natututo na siyang makipag-interact sa iba. Lagi kasing pc lang ang kaharap. DOTA, LOL, mga ganoon ang alam niya dati, pero ngayon, kahit puso yata ng babae ay nilalaro niya na.

"Malapit ka na lumipat ng school. Maiiwan dito ang mga friends mo o gusto mo ba, dito ka na lang tumira?" usisa ko.

"Sabi ni mama, sa Bulacan na lang daw," he simply said.

"Mahirap mag-adjust. Pag-isipan mo ring mabuti. Wala namang titira rito kapag umalis ka. Papayagan ka naman no'n kung gusto mo rito. Uuwi na lang ako kapag walang pasok."

He just shrugged. Junior high school pa lang siya kaya mahirap din siguro para sa kaniya. Saka baka agiwin ang bahay kapag walang tumira. Sayang naman.

"Bella, 'yong mga kaibigan mo nasa labas," sabi ni ate Linda.

Ha? Anong mayroon? Hindi ko naman sila inimbita. Hindi rin sila nagsabi. Mga sabog talaga ang mga iyon.

"Surprise!" salubong nila.

Napasimangot na lang ako. Hindi man lang nagsabi itong mga tangang ito. Bigla na lang sumusulpot.

"Bakit kayo nandito? Kabute ba kayo?" tanong ko.

"Wow, hindi ka ba masaya? Aalis na kayo rito, 'di ba? Sulitin na natin saka we need to unwind," sabi ni Lassie sabay pasok sa loob. "Nakaka-stress ang acads."

Sinabi ko bang pumasok sila? Trespassing! At kung makaupo sa sofa, parang kanila ang bahay.

"Nasaan 'yong iba?" tanong ko.

"Si Bia busy, si Allen hindi nagcha-chat, si Carlito may ganap sa school, si Bimby nasa work, si Sol bawal daw," mahabang litanya ni Avery.

"Hindi kayo nagsabi. Wala akong food sa ref."

"May pizza naman kaming dala at saka ice cream. Nagpa-deliver na rin ako ng carbonarra pati milktea rito para sa atin. Parating na 'yon," sabi ni DJ. Ang galante talaga nito. Walang dudang siya ang pinakamagastos sa aming lahat. "At saka buong January at February kang hindi nagparamdam. Puro ka seen sa gc."

"Busy ako. Mahirap na, baka bumagsak. Pare-pareho lang tayong iskolar ng bayan dito."

Inubos lang namin ang oras sa pagkukwentuhan ng kung anu-ano. Bihira lang din kami magkita dahil college na kami. Busy sa school at paglalandi 'yong iba. Magkakaiba rin kami ng kursong kinukuha at school na pinapasukan.  Hindi naman sila interesado sa Engineering, ganoon din ako sa Education. Some of them took Business Ad and Accountancy.

"Kamusta naman sa school niyo, DJ? Maraming masarap?" tanong ni Peter.

Siraulong 'to. Masarap daw?

"Oo naman, 'te! Dami ngang naghahabol sa 'kin doon, eh," pagmamayabang niya.

"Baklang 'to! Ang harot mo. Nakita ko may nag-confess sa 'yo sa secret files ng school niyo," sabi ko.

Nagugulat ako sa impluwensyang bitbit ng baklang maharot na 'to. Ang sakit sa ulo. Dami niya raw manliligaw.

"Hindi ko naman bet 'yon!" He just rolled his eyes.

"Patingin ng picture nang mahusgahan. Baka mayroon ka," sabi ni Echo.

Ipinakita niya sa amin ang naka-save na picture ng lalaki sa phone niya. Nahirapan pa siyang maghanap dahil sa daming lalaki sa gallery. Napakaharot talaga mula noon hanggang ngayon. Ang hilig sa gwapong wala namang talento o ano. Basta dalawa ang ulo, palag-palag na.

"'Teh, ang sarap!" tili ni Peter.

Kinurot naman siya ni Avery sa tagiliran, "Hoy! May girlfriend ka!"

Nagulat kami sa sinabi ni Avery at sabay-sabay pa kaming napatingin. Ang baklang ito, may girlfriend?

"Totoo ba?!" hindi makapaniwalang tanong ni Lassie.

"Patay tayo diyan," si Echo na natatawa.

"Mayroon! Pakita ko sa inyo," sabay labas ng phone niya. "Kaklase namin ni Avery. Matalino 'yan. Siya rin ang host noong English Week."

"Ay, talaga? Hindi ko napansin," sabi ni Lassie. "Paano mo nabingwit 'yan? Ang ganda, ha."

"Na-fall sa 'kin, eh," mayabang niyang sabi.

Napairap na lang kami sa lumabas sa bibig niya. Yuck. Sa bagay, ang tamis niya magsalita.

"Ang gwapo ng dean sa College of Education," sabi ni Avery. "Crush ko si Dean."

Tahimik lang ako sa gilid dahil mahirap na magkwento. Baka madisgrasya. But, oh, I must be normal! Sa prof lang ako nagkagusto, hindi sa Dean. Too old.

"Totoo. Nakikita ko kapag napapadaan ako sa building niyo," segunda ni Lassie.

"Pero sino talagang nilalandi mo ngayon, DJ?" pag-iiba ko.

I'm not comfortable with the topic. Baka madulas ako at masabing gusto ko 'yong prof namin sa Surveying. Mahirap na talaga. Maingay pa naman sila. Baka bigla akong mapag-trip-an.

"Mamaya na natin pag-usapan. You know what? Punta tayo sa STI? May bagong coffee shop doon saka hanap tayo pogi."

"Gabi na. May pasok pa bukas," sabi ko.

"Saglit lang. Libre naman ni DJ," sabay kindat ni Lassie.

"Ay, sige! Tara na," sabi ko at nauna pang lumabas.

"Hoy, 'yong kalat natin. Bruha ka, basta libre mabilis!" sabi ni Peter.

Itong si Peter akala ko boyfriend ang gusto. Sa sobrang lambot niya, akala mo hindi nagkakagusto sa babae.

Niligpit na lang nila ang mga pinagkainan namin. Bahay naman namin ito kaya sila na bahala sa kalat. Pumayag na rin ako sa gusto ni DJ dahil gusto ko rin naman lumabas. Buti nag-aya sila, para kahit papaano, maibsan ang stress ko.

"Order na kayo. Sagot ko."

"Galante naman. Mukhang may haharutin ka rito, ah?" natatawang sabi ni Bri. "Sino diyan? Ituro mo."

Mukha ngang mayroon. Hindi naman nag-aaya si DJ kung wala. Kinakaladkad niya lang kami sa kung saan basta may kaharutan siyang gagawin. Sanay na rin kami sa mga biglaang gala dahil sa kaniya.

Naglaro kami ng mga board game at kung ano pa roon. Nagtatawanan pa kami kasi ilang beses natumba ni DJ ang Jenga. Distracted yata sa mga taga-STI at UE. Hindi naman kagwapuhan. Parang tanga 'to. Tsk.

May malanding tawa kaming narinig mula sa kabilang table kaya sabay-sabay kaming napatingin. Saglit lang sila sumulyap, samantalang parang naiwan ang mata ko sa kanila. Halos sumabog ang dibdib ko sa kaba o sa kilig. Ewan!

I saw Sir Cy with another girl. Iba sa kasama niya last time. Dami namang babae nito.

"Fudge."

"Kilala mo?" tanong ni Peter.

"Ha?"

Umiwas ako ng tingin. Napatingin din sila sa tinitingnan ko kanina. Nanlamig ako sa paraan ng pagtingin nila sa akin.

"Hindi. Ang ingay lang," I answered.

Seryoso ka ba, Cy? Nagpakita ka na naman. At may babae na naman!

"Sus, gwapo naman. Parang may puso sa mata mo, oh. Landi," DJ said and rolled his eyes.

"Hindi ko nga kilala. Ang landi lang ng tawa. Parang kinukurot sa singit," sabay irap ko sa kaniya.

Totoo naman. Sagwa kaya pakinggan ng tawa niya. Parang—ah, basta!

"Hula ko nasa mid-20's 'yan," Echo said.

"So?" kunwaring sabi ko na parang hindi interesado.

"Landiin mo na, dali. Hingin mo number," natatawang sabi ni Lassie.

"Utot. Mag-break sana kayong dalawa." Padabog akong tumayo kaya napatingin sila sa amin. "Uwi na tayo."

"Uy, mas bet ang matanda," malakas na asar ni DJ na paniguradong narinig ng lahat ng nasa café.

Hindi na ako lumingon kasi nakakahiya. Nagtatawanan sila habang nakasunod sa 'kin. Mga hayop! Pagtulungan man daw ba ako. Parang sinabi nila na naghahanap ako ng sugar daddy.

"Duh, never."

"Never ka pa diyan. Balitaan mo kami, ha? Sa paraan ng tinginan niyo kanina, mukhang magkakilala kayo."

"Stop, Lassie. Hindi ako mahilig sa babaero lalo na sa professor," inis na sabi ko.

They remained silent for few seconds and I realized what I've said. Ok, my tongue! I want to cut it.

"Look, I don't like him," I defended but it seems like they wouldn't believe me.

"Sure, Belle Amethyst Engracia," Avery said and smiled sweetly. "You're not a good actress."

What the fudge?

Maling-mali talaga na sumama ako sa kanila. Imbes na mabawasan ang stress ko, nadagdagan pa yata.