Share

Kabanata 9



"Sure ka?! Nako Avy! Paniguradong babakuranan ka ng Aivan na 'yan! Nako nako!" Ani Lizette habang ngumunguya ng french fries, "Eh bakit naman kasi pinayagan pa ni Tito Blake 'yang Aivan na 'yan?! Naloka naman ako!"

Napahinga ako ng malalim habang nakatitig sa cellphone ko, "Excited na excited pa naman si Aivan habang kausap ko kanina sa cellphone."

"Eh gaga ka kasi!" Napa-aray ako nang hilahin ni Liz ang buhok ko, "Paanong hindi magiging excited? Eh, araw-araw mong kinakausap si Aivan, malamang excited 'yun na makita ka! At isa pa, apat na taon kayong hindi nagkita! Sigurado ako na kaya excited ang lalaking iyon ay dahil gusto ka na niyang asarin!"

"Kaya nga eh." Sabi ko, 'yon din kasi ang nasa isip ko. "Sobra pa naman ang lalaking iyon. Konting may mapansin, ginagawan agad ng malisya."

"Hayaan mo na nga siya, Avy..." Sabi ni Liz, "Siguro naman, lulubayan ka na niya noh? Teenagers na kaya kayo! Lagpas na nga sa teens, actually."

Sa aming klase ay parang lumilipad ang isipan ko. Hindi kasi talaga maalis sa isipan ko ang sinabi ni Aivan na uuwi na siya rito sa Pilipinas.

Paano kung guluhin niya ako?

Guluhin na naman niya ako?

Hanggang sa maka-uwi ako sa dorm ko ay parang lumilipad ang isipan ko.

Kumain lang ako ng hapunan at pagkatapos ay ginawa ang ilang mga assignments ko. Nang mahiga ako sa kama ko ay saka lang ako nagbukas ng facebook ko at sakto sa newsfeed ko ang status update ni Aivan.

Aivan Gonzales 
1 hour ago near New York, USA.

Bye New York! — Travelling from New York, USA to Manila, Philippines.

1,037 likes 175 comments 17 shares


1,037 likes 175 comments 17 shares

Nagulat ako nang mabasa ko iyon.

Akala ko ba next week pa siya uuwi? Bakit parang mas napa-aga pa yata ang uwi niya? Mas lalo tuloy akong nakakaramdam ng kaba. Baka kasi pagdating niya rito sa Pilipinas ay ako agad ang puntahan niya.

Mabuti nga at hindi na ako ginulo pa ni Aivan sa facebook messenger, siguro ay nasa eroplano na ang lokong iyon kaya ngayon ay wala nang nagcha-chat sa akin. Siya lang naman kasi ang bumubulabog sa facebook ko.

Kinabukasan.

Maaga akong nagising. Sabado nga pala ngayon, ibig sabihin ay wala akong pasok. Balak ko sanang pumunta sa SM mamaya para doon na lang muna mananghalian pagkatapos ay saka ako uuwi sa bahay.

Tuwing sabado kasi ay umuuwi talaga ako sa bahay nila Daddy at Tita Cassandra, ang araw ng sabado at linggo lang kasi ang natatanging free day ko.

Gusto ko na rin namang makita si Allen, ang bunsong kapatid ni Aivan. Mabait kasi ang batang iyon hindi katulad ng kapatid niya na tila sinumpaan ng tadhana sa sama ng ugali.

Naligo na ako at pagkatapos ay saka nagluto ng aalmusalin ko. Nagprito lang naman ako ng hotdog at itlog at saka nagsangag ng kanin.

Nasa aktong kumakain ako nang marinig kong may kumatok. Para bang tumigil ang mundo ko nang marinig ko iyon. Wala naman kasing bumibisita sa akin tuwing sabado, si Liz kasi ay bihira lang naman akong puntahan dito sa dorm ko.

Pagbukas ko ng pinto ay laking gulat ko nang makita ko si Zach, "Anong ginagawa mo dito?" Nagtatakang tanong ko.

Tumabi naman ako para makadaan siya papasok ng dorm ko, "Pumasok ka na muna." Sabi ko pa.

Pagpasok niya ay umupo naman siya sa sofa, "Hindi rin naman ako magtatagal dito, Avy.." Sabi niya.

"Ano bang sadya mo?" Ang tanong ko.

"Kanina, nagja-jogging ako, nakita ko si Tito Blake sa hardin ng bahay nila. Kausap niya si Tita Cecilia at Tito Danilo, noong makita ako ni Tito Blake, tinanong niya ako kung nakakausap ko raw si Aivan.." Sabi niya sa akin.

"Anong sabi mo sa kanila?"

"Sabi ko hindi." Sabi ni Zach kasabay ng pag-iling, "Huling beses kong naka-usap si Aivan last month, inaway niya ako dahil hindi ko sinabi sa kanya na may nanliligaw pala sa'yo."

Napakunot naman ang noo ko, "Bakit? Ano bang mayroon at naitanong ka ni Daddy?"

"Kasi hindi na tumatawag si Aivan... Tapos ang sabi pa ni Tita Emilyn kay Tito ay hindi na raw umuuwi si Aivan."

"Ha?" Kunot-noong tanong ko. "Hindi ba alam ni Daddy na uuwi na si Aivan?" Tanong ko pa.

Kibit-balikat si Zach, "Siguro hindi pa. Galit si Aivan sa Papa niya, eh. In-unfriend at binlock ni Aivan lahat ng family members niya sa facebook di ba? Kaya wala sa pamilya niya ang nakaka-alam na uuwi na siya ng Pilipinas."

Napahawak naman ako sa noo ko nang marinig ko ang sinabi niya.

Ibig sabihin ay matagal na palang hindi nakakapag-usap si Daddy at si Aivan? At bakit nagawang magsinungaling sa akin si Aivan na pinayagan na pala siya ng Daddy niya na umuwi ng Pilipinas kahit na ang totoo ay hindi.

"Ano kaya kung sabihin ko kay Daddy na pauwi na si Aivan dito?" Suwestiyon ko sa kanya.

Muli siyang kumibit-balikat, "Ikaw bahala, Avy. Pero sigurado ako na kapag nalaman ni Aivan na ikaw ang nagsumbong kay Tito Blake ay talagang malilintikan ka. Alam mo ang ugali ni Aivan, loko-loko iyon."

Napabuntong hininga naman ako habang nakatitig sa cellphone ko, "Kinakabahan ako, Zach. Baka dito siya dumiretso sa dorm ko." Kinakabahang sabi ko sa kanya.

"Talagang dito siya dideretso, ikaw lang naman ang pwedeng malapitan niya rito bukod sa akin... Ang kaso nga lang nitong huling pag-uusap namin nag-away kami, kaya sigurado ako na sa'yo dideretso ang gagong iyon."

Wala ako sa sariling napayuko, para bang hindi ko na alam kung ano ang pwede ko pang gawin.

Kinakabahan kasi ako sa posibleng mangyari sa oras na puntahan niya ako dito sa dorm ko.

"'Wag ka mag-alala, Liz.... Hindi ka na naman siguro sasaktan non, baka naman nagbago na kasi si Aivan? Ang bibig lang siguro niya ang walang pinagbago dahil walang preno ang pagsasalita niya."

"Sana nga iyon lang," dahil kung pati ang ugali niya ang hindi nagbago ay talagang dapaet na akong kabahan.

"Tawagan mo na lang kami ni Liz kapag nagkaroon ng problema. Pupuntahan ka kaagad namin dito."

Tumango ako at saka ngumiti, "Sige. Salamat sa pagpunta at pagbibigay sa akin ng impormasyon. Nang dahil sa'yo ay nalaman ko na nagsisinungaling na naman pala si Aivan."

Huminga naman siya ng malalim bago magsalita, "Ngayon lang kasi siya siguro naglakas loob na lumayas ng tuluyan, dahil sa pagkakaalam ko ay nagtatrabaho si Aivan sa Amerika na hindi alam nila Tita Emilyn, at talagang nag-iipon siya para maka-uwi na dito sa Pilipinas."

Bahagya pang napa-awang ang labi ko sa aking narinig, "Hindi ko alam na nagtrabaho pala siya,"

Ngumisi naman siya, "Mataas ang pride ng gagong iyon, kaya hindi niya talaga ipapaalam sa'yo. Ayaw niyang kinakaawaan siya lalo na kapag ikaw."

"Ha?"

Muli siyang kumibit-balikat, "Sige, tawagan mo nalang ako kapag nagkaroon ng problema." Sabi niya at tumayo na, "Parating na siguro si Aivan, sa ngayon nasa airport na siguro siya ng Maynila." Sabi niya pa pagkatapos tumingin sa wrist watch niya.

"Mag-ingat ka pauwi."

Tumango naman siya at saka ibinaling ang tingin sa akin, "Ikaw ang mag-ingat."

Pag-alis ni Zach sa dorm ko ay agad rin naman akong naligo at pagkatapos ay nagbihis na ng maayos na damit. Plano ko kasi talagang pumunta ng SM para doon mananghalian at para makabili ako ng mga pagkain.

Nang makarating ako sa SM ay sa McDo kaagad ako dumiretso, tanghali na rin kasi. Nag-order lang ako ng two-piece chicken at nag-take out ng isa pang order na para naman kay Aivan. Sa tingin ko kasi: sa dorm ko talaga siya didiretso. Wala naman siyang ibang mapupuntahan gayong hindi pala niya kinakausap si Daddy at hindi man lang siya nakapagpaalam.

Pero pag-uwi ko sa dorm ay wala pa rin si Aivan hanggang sa makatulog ako.

Kinabukasan, wala pa rin si Aivan. Hindi ko naman maiwasang hindi mag-alala dahil baka may iba nang nangyari kay Aivan.

Saan naman kaya pumunta ang isang iyon?

Pagkatapos kong magsimba ay pumunta na muna ako sa bahay para bisitahin sina Mommy at Daddy Blake pati na si Allen.

"Nakakausap mo pa ba si Aivan?" Tanong sanakin ni Daddy.

Umiling ako, "Hindi po eh."

"Ilang araw na kasi siyang hindi umuuwi sa bahay ng Tita niya sa Amerika." Sabi niya sakin, "Baka naglayas na naman eh."

Napatahimik ako at parang hindi ko na alam ang sasabihin, "Susubukan ko na lang po siyang tawagan. Ilang araw na rin po kasi siyang hindi tumatawag sa akin."

Araw ng Lunes.

Katatapos lang ng ikalawang subject ko, breaktime ko ng thirthy minutes. Kaya may panahon pa ako para kumain ng almusal ko. Hindi kasi ako nakapag-almusal kaninang umaga dahil sa pagmamadali.

Habang kumakain ako ng pizza sa canteen ay may naririnig akong mga bulongan sa mga katabi kong babae.

"Ang gwapo noh? Nakakaloka bes!" Sabi ni girl na maputi.

"Oo bes! My gad! Gusto ko ngang magpabuntis eh, kahit bingot bubuhayin ko!" Sabi ng babaeng kulot.

"Ang gwapo talaga ng transferee na 'yon. Nakita n'yo ba 'yung girlfriend niya?" Sabi pa ng isang babae na medyo blonde ang buhok.

Sa puntong iyon ay tuluyan na akong napatingin sa tatlo. "Hello? Sino tinutukoy niyo?" Tanong ko sa kanila.

Ngunit nawala naman ang pagkakangiti nila nang sumingit ako, "Che!" Sabi nila at sabay-sabay na tumayo.

Bwiset naman!

Nagtatanong lang, tatarayan pa ako. May naiisip naman kasi akong lalaki na pwede nilang pag-usapan, sino pa ba? Hmmm...

Habang itinutuloy ko ang pagkain komay may umupo sa harapan ko kaya napatigil ako at nang makita ko kung sino iyon ay tuluyang nanlaki ang mata ko sa gulat.

"A—Aivan..."

Ngumisi siya at pagkatapos ay kinuha ang hawak kong pizza at siya na ang umubos non, "Gulat ka noh?" Tanong niya habang ngumunguya.

Agad naman akong umiling. "H—Hindi noh!"

Ngumisi naman siya, "Hindi naman halata sa mukha mo." Sabi niya.

Hindi ko alam pero sa tingin ko ay talagang namumula ang pisngi ko. "S—Saan ka ba tumuloy? Di ba noong isang araw ka pa umuwi?" Tanong ko pa sa kanya.

Hindi naman siya sumagot, bagkus ay tumayo na siya at hinawakan ang kamay ko. Hinila niya ako kaya ngayon ay sabay na kaming naglalakad, ngayon ko lang napansin na nakausot na pala siya ng uniform ng school namin.

Sa kakahila niya sa akin, hindi ko namalayan na nakarating na pala kami ng comfort room, pumasok kami sa CR ng panlalaki kaya 'yung mga taong naroon ay nagulat nang makita ako.

Itinaas ni Aivan ang kamay ko, "Itong babaeng ito....." Napatigil si Aivan pero nakataas pa rin ang kamay ko dahil sa kanya, tumingin muli siya sa mga lalaki. "Avygail ang pangalan nito, at kung sino man ang lalaking lalapit dito... Bubugbugin ko."

Sabay-sabay na lumabas ang lalaki nang marinig nila si Aivan, kaya agad kong binitawan ang kamay niya at saka siya hinampas, "Ano bang ginagawa mo?! Naloloko ka na ba?!"

Ano akala niya sa akin? Katulad pa rin ng dati na hindi na lalaban sa kanya? Haller?!

Lalabas na sana ako ngunit hinawakan niya ang baywang ko at isinandal ako sa pader ng CR, nang tingnan ko siya ay napaka-seryoso ng mukha niya.

"Naka-black list ba ang pangalan ko sa dorm na tinutuluyan mo?!" Asik niya sa akin.

Napahinga ako ng malalim, "Ha? Hindi ah."

Sumama naman lalo ang tingin niya sa akin. "Hindi ako pinapapasok ng security dahil bawal daw ako doon! Ano bang problema? Ipina-black list mo ako di ba?!"

"H—Hindi..."

Sino naman kayang pwedeng gumawa non?

"Kausapin mo ang security mo, bayad naman ang dorm di ba? Binayaran ng Papa ko para sa'yo kaya kahit na tumira ako doon, wala kang karapatang magreklamo." Mariing sabi niya.

"I—Isusumbong kita kay Daddy!"

Ngumisi naman siya at hinawakan ang magkabilang pisngi ko, "Eh di, isumbong mo. pero bago mo magawa iyon, lulumpuhin muna kita sa kama nating dalawa."

Related chapters

Latest chapter

DMCA.com Protection Status