Kabanata 3

Maaga akong nagluto ng hapunan para sa amin. Ngayon na kasi ang unang pasok ko ulit sa bar nina Gab.

" Nay aalis po ba kayo?" Tanong sa akin ni Samuel na nakaupo sa lamesa. Tumingin ako sa kanya na nakasimangot.

Mataman akong ngumiti at nilapitan siya. Hinalikan ko siya sa pisngi at kinulong sa dalawa kong palad ang kanyang mga pisngi.

" Samuel anak diba gusto mo magaral?" Tumango ito ng mabilis. " Kaya kailangan magtrabaho ni Nanay." Ngumuso ito at mas lalo akong naawa sa anak ko.

Hinalikan ko ito sa noo at saka naghapag ng makakain. Tumabi ako sa kanya para sana subuan siya dahil matagal na kaming walang bonding ng anak ko.

" Samuel magaral kang mabuti ha para paglaki mo, kaya mong makisama sa lahat ng tao." Sabi ko habang sinusubuan ang anak ko.

"Gabriella kain na." Sigaw ko kay Gab na nagaayos pa ng damit.

" Ayan na." Sabi niya sabay labas sa kwarto nito.

Kapag katapos naming kumain ay naghanda na kami ni Gab sa pagalis, gaya ng dati iniwan ko nanaman siya kay Aling Tinay siya lang kasi maaasahan ko pagdating kay Samuel. Dati pa man kasi ay malapit na siya sa pamilya namin at dating kaibigan ni Nanay. Malapit din naman siya sa anak ko at tinuring na itong apo, madalas nga ay siya pa ang bumibili ng gatas at damit nito sa twing wala akong pambili.

" Bakla ang layo ng iniisip mo." Ani Gab habang tinatahak namin ang daan patungo sa bar. Nakasakay kami sa lumang kotse ni Gab.

Tumingin ako sa kanya na seryoso sa pagmamaneho. " Naaawa lang ako kay Samuel, iniwan ko nanaman kasi siya."

Bumuntong hininga ito at hinawakan ang braso ko. " Wag kang magalala ano ba, maiintindihan din tayo ng anak mo. Balang araw kapag nakapagtapos siya at lumaking mabait maiintindihan niya lahat ng sakripisyo mo para sa kanya."

Ngumiti ako doon at tumango. Ilang minuto lang ay nasa tapat na kami ng bar. Lumabas ako sa kotse ni Gab, dumaan kami sa likurang garahe nito para hindi na kami pumasok sa main entrance.

Nakasuot ako ng fitted black silky pants and may logo ng bar na white spaghetti strap na kita ang cleavage ko, flat shoes lang ang suot ko para hindi hussle magbigay ng orders. Nagayos din ako at naglagay ng light make up. Sanay na ako sa ganitong damit dahil kung tutuusin ay mas daring panga ang iba kong kasama.

" Auntie Anna." Salubong ko sa Auntie ni Gab na nakasuot ng kumikinang na dress habang may hawak na calculator at ballpen.

Lumaki ang ngiti nito ng makita ako. " Oh my god Sapphira. As always maganda kapa rin. Mas lalo kang gumaganda." Bati nito sa akin at hinalikan ko ito sa pisngi.

" Kayo din po Auntie ang ganda niyo ho." Tumawa ito mg malakas at hinampas ako ng bahagya sa balikat.

" Hay nako Sapphira wag mo nga niloloko si Auntie baka maniwala yan." Biro ni Gab na kakatapos lang magpark ng sasakyan niya.

Tumawa kaming tatlo at napailing nalang ako. Auntie Anna is a beautiful lady lalo na noong bata bata pa siya, pero ngayon mayroon narin siyang wrinkles dahil sa katandaan.

" Kamusta na si Samuel ang tagal mo na siyang hindi pinapasyal sa bahay. "

" Maayos naman ho Auntie, excited nga po sa pasukan. Sige po kapag nagkaroon ng oras si Gab ipapadala kopo siya sa inyo."

Gumaan ang buhay ni Auntie ng sumikat ang bar niya, dito lamang siya kumukuha ng pantustos niya araw araw. Kapag nga nagkukulang kami sa gastusing bahay ay sakanya lang ako nanghihiram ng pera, kaming dalawa ni Gab naman ang nagbabayad.

" Aba bakla ako pa inutusan mo?" Tumawa ako sa reaksyon ni Gab at napailing.

" Oh alam mo na ba na sa VIP bar ka? Doon iyon sa kabila okay? Mas okay ka doon." Ani Auntie habang nagsusulat ng kung ano sa isang maliit na notebook.

" Opo sinabi na ho sa akin ni Gab."

" Oh papano maiwan na kita okay?" Aniya at pumasok na sa opisina niya. Nagkahiwalay na kami ng landas ni Gab dahil siya sa ordinary bar siya magsstay habang ako ay sa VIP bar kung saan pili lang ang mga waitress dito at mga personalidad na pwedeng pumasok.

Mga elite na tao kasi madalas ang mga nagiinom at nagpaparty dito kumpara pa sa mga KTV nila na nasa second floor dito kasi ay kilalang personalidad sa tv, business man or politician ang madalas umiinom. Dito kasi ay may privacy pinagbabawal ang mga paparazzi sa mga sikat na tao dahil maaari silang makulong at nasa rules and regulation iyon.

Sumalubong sa akin ang ingay ng musika. Mukhang kanina pa nagkakasiyahan marami rami narin ang mga tao. Marami naring nagsasayawan sa gitna dahil sa lakas ng tugtog.

" Sapphira. " salubong sa akin ng bartender. Kilala ko na halos ang mga nagtatrabaho dito lalo na si Gino dahil matagal na siya dito. Except lang sa mga waitress dahil nagpapalit lagi sila ng mga ito.

" Gino, kamusta kana." Tanong ko at kumuha ng order pad at ballpen sa tabi niya.

" Hindi ko alam na ngayon kana pala magsisimula." Tumingin ako sa kanya na lumabas ang dimple ng ngumiti ito sa akin. Gino is a good man.

" Nasupresa ka ba?"

Natawa ito sa tanong ko at napailing. May pinupunasan itong mga baso. " Maganda kapa din Sapphira." Biro niya, napailing nalang ako at ngumiti sa kanya.

May nagbuzz na ilaw sa board sa tabi niya kung saan malalaman mong may nagoorder na table.

Tatawagan na niya sana ang isang waitress na kasamahan namin sa crowd ng itinaas ko ang kamay ko sa harapan niya.

" Gino ako na." Sabi ko at ngumiti sa kanya.

" Hindi pa tayo naguusap e." Bigo nitong pahayag.

" Ano ka ba we need to work." Sabi ko at kinawayan siya.

Tinignan ko muli ang board para makita kung saang location ang nagbuzz para malaman ko ang pupuntahan ko dahil may kalakihan ang bar na ito.

Nasa bandang dulo ang table na nagbuzz medyo may kadiliman doon dahil dim ang ilaw ngunit ng makalapit na ako ay naaaninag ko na ang mga taong naroon.

Napahinto ako ng makitang pamilyar ang mga nagiinuman naroon. Lahat sila ay may kasamang babae at mukhang nagkakasiyahan. Hindi ako pwedeng magkamali sila iyon.

Napalunok ako at naglakad ng mabagal. Pero napahinto muli ng tumama ang tingin ko sa isang pamilyar na hubog ng katawan na nakaupo sa dulo habang may babaeng bumubulong sa kanya. Hindi niya pa ako nakikita.

Nakaupo lang siya ng tuwid natatawa sa sinasabi ng babae habang ang kaliwang kamay niya na nakapatong sa side ng sofa at may hawak na beer. Ang isang kanang kamay naman niya ay naglalaro sa maliit na bewang ng babaeng morena. Napakunot ang noo ko ng mamukhaan na isa itong sikat na modelo sa isang sikat na brand ng clothing line pero kung makahawak sa dibdib ni Tross ay parang linta. At ito namang lalaking ito ay wala man sa kanya. Papano na iyong Trinity? Iba nanaman ang babaeng kasama niya ngayon. Babae lang din ba niya iyon at niloko?

Umirap ako sa nakita ko. Gusto ko nalang magbackout pero nakita na ako ng isang kasama nila. Hindi nga ako pwedeng magkamali sila nga iyong sa grooms party.

Nagbuntong hininga ako at lumapit sa kanila.

" Ano po order niyo Sir?" Parang may nagbabara sa lalamunan ko habang sinasabi iyon. Hindi ako makatingin sa kanila dahil feeling ko ay makikilala nila ako.

Naramdaman ko ang mabigat na tingin ni Tross sa akin na nasa kaliwang bahagi ko. Pero nagfocus lang ako sa tatlo niyang kasama na tulad niya ay may haliparot ding kasamang babae na mukhang kilala din sa larangan ng pangmomodelo. Wala lang dito iyong groom. Buti pa iyon ay seryoso sa babae. Habang itong apat na mga ito ay mukhang babaero.

Inalis ng isang nakawhite polo shirt ang kamay niya sa likod ng babae at ibinigay ang buong atensyon niya sa akin. He was amused I wonder kung bakit.

" If I order you to seat with us? Pwede ba?" Malumanay na sabi nito. Nagsigawan ang dalawa niyang kamasang lalaki habang ang babae naman sa upuan nila ay inirapan ako.

" Zack I can't believe it waitress yan." Anas ng katabi niyang babae.

" Sorry Sophie, I was just amazed." Aniya at nginisian ako.

" Bro what is your order? " Tanong ng isa pang lalaki na tumingin sa gawi ni Tross kaya napatingin din ako.

Marahas niya akong tinititigan. Kaya binalik ko nalang ang tingin ko sa harapan ko.

" Sapphira." Napahinto silang lahat ng tawagan ako ng isa sa mga lalaking kasama nila. Tumingin ako dito na nakasuit pa rin at parang kakagaling lang sa opisina. Gulat ang mukha niyang binasa ang nameplate ko sa kaliwang parte ng damit ko.

Kumunot noo akong sinalubong ang tingin niya. " Bakit po?" Mas lalo akong nagtaka ng pareho silang tatlo na lalaki ang nakatingin sa akin.

Tumikhim si Tross kaya napunta lahat ng atensyon namin sa kanya. " Another bucket of beer and strawberry milkshake for girls. " aniya na hindi man lang ako sinulyapan.

Nang mabalik ang ulirat ko ay isinulat ko ang sinabi niya. " May dagdag pa po ba kayo?" Tanong ko sa iba sabay ng paglahad ng kamay ko.

Isinawalang bahala ko iyong reaksyon nila kanina at mukhang alam na nila na ako ang housekeeper ni Tross, maaaring nasabi na niya. At bakit naman niya sasabihin sa kanila? Mukhang hindi naman iyon sobra kaimportante. Pero ang importante ay hindi nila ako naalala. Doon tayo magfocus.

Umiling lang silang tatlo habang mataman akong tinitignan. " Okay Sir." Sabi ko at inulit lang ang order saka ko na sila iniwan, binigay ko sa bartender ang order nila. Hinayaan ko na iba nalang magserve sakanila dahil ayoko rin naman na makasalamuha pa sila.

Sa laki ba naman ng Manila at nakita ko pa siya dito.

Hindi na ako muling gumawi sa lugar nila at ang kinukuha kong orders ay iyong sa kabilang dulo para hindi ko nalang sila makita.

Maganda ang unang gabi ko sa bar tama nga si Gab dahil marami akong nakilalang mga tao na sikat sa industriya ng showbiz. Yung iba ay lasing pa kaya naman.

Madaling araw na ng makauwi kami ni Gab sa bahay. Mahimbing na ang tulog ni Samuel ng puntahan namin siya kina Aling Tinay.

" Kamusta ang gabi mo?" Salubing ni Gab sa akin habang nagkakape ako sa lamesa.

Ngumiti ako at tumango. " Maayos naman. "

" Buti naman ipapasyal ko mamaya sa park si Samuel para naman makapamasyal siya bago magpasukan." Aniya na nagtitimpla ng kape.

" Salamat Gab." Umupo siya sa tabing upuan ko.

Tumingin siya sa sala kung saan seryosong nanonood ang anak ko ng mga disney movie.

" Lumalaki na si Samuel, Sapphira." Aniya sa seryosong tono, kapag ganito pa naman ang tono ng boses niya ay seryoso siya talaga.

Sinulyapan ko din si Samuel na matamang nakaupo sa lumang sofa. Ngumiti ako ng makita ko siya tumawa sa kanyang pinapanood.

" Oo nga." Binalik ko ang tingin ko kay Gab na nakatingin din kay Samuel. " Ang bilis ng panahon Gab."

Ngumiti si Gab na para bang maiiyak na sa mga alaala. " Naalala ko pa noon nung isang taong gulang palang siya. Hindi siya makatulog kapag wala ka. Ngayon hay nako." Aniya na humalakhak at sinabayan ko pa. " Ang kulit kulit na."

" Tito Gab ano po nakakatawa?" Nagulat nalang kami ng nasa tabi na namin si Samuel at nakangiti sa amin.

" Ang cute mo kasi Samuel, manang mana ka sa akin alam mo nung pinaglilihi ka ng Mommy mo ako lagi niyang kinukurot sa pisngi kaya sa akin ka nagmana." Biro ni Gab, tumawa nalang ako sa sinabi niya at napailing.

" Bat sabi nong ibang tao kamukhang kamukha ko daw po si Nanay, edi sa kanya ko po nakuha yung kacutan." Napahinto ako sa pagtawa at tumingin kay Gab na nakasimangot at masama ang tingin sa akin.

" What? Hindi ko siya tinuruan Gab." Natatawa kong pahayag at hinalikan sa pisngi ang anak ko. " Talagang honest lang ang mga tao." Sabi ko pa sabay ng tawa ko.

" Whatever." Aniya at nagkunwaring galit pero tumawa rin kalaunan.

Binitawan ko ang cart na dala ko sala at inilibot ang buong paligid. Hindi tulad noong isang araw kapag pumupunta ako dito ay makalat ngayon ay may kakaunting gulo lamang.

Napabalikwas ako sa tayo ko ng marinig ang pinto sa likuran ko na bumukas. Kumabog ang dibdib ko ng maamoy ang fresh mint na mukhang kakatapos niya lang maligo dahil sa gulo ng buhok niya ay may pumapatak pang tubig nito na dumadaloy sa hubad niyang katawan habang nakatago lang ng tuwalya ang pangibabang parte niya. Napalunok ako at tumingin sa ibang direksyon para hindi niya malaman na inuusisa ko siya.

" Maglilinis na ho ako." Wala sa sariling saad ko at tinalikuran siya para kunin ang mga gamit panlinis ko.

Nanginginig ang kamay ko sa hindi malamang dahilan at mas lalong kumakabog ang dibdib ko ng malamang hindi man siya umalis sa kinatatayuan niya. Ano bang balak niya? Ibalandra ang katawan niya sa harapan ko? Umirap ako at nagumpisang ayusin ang mga sofa.

Narinig ko ang pagbuntong hininga niya at pumunta sa kusina.

My god! Napasapo ako sa noo ko at napailing. Wala ba siyang balak magdamit man lang? He is disturbing me for pete's sake.

Hindi ko maiwasang sulyapan siya habang kumukuha ng pitsel sa ref. Humarap siya sa direksyon ko kaya nagtama ang mga mata namin, mabilis akong umiwas at kunwari'y nagwawalis.

Nagulat ako sa lakas ng tunog ng baso niya na nilapag niya sa lamesa. Kaya napatingin akong muli sa gawi niya at nagsisi din dahil seryoso parin siyang nakatingin sa akin.

Nakagat ko ang labi ko sa kahihiyan dahil nahuhuli niya akong tumitingin sa kanya. Ibinigay ko nalang ang buong atensyon ko sa pagaayos ng sala niya.

Naramdaman ko ang pagdaan niya at pumasok muli ito sa kanyang kwarto at saka palang ako nakahinga ng maluwag.

Bakit ba kasi nandito pa siya? Hindi pa ba siya late sa office niya where in fact nasa kabilang building lang naman. Nagkibit balikat ako oo nga pala, siya nga pala may ari nito.

Kinuha ko ang maliit na hagdan at pangspray sa kanyang up down window. Nasa kalagitnaan ako ng paglilinis ng up down window nito ng lumabas siya sa kanyang kwarto napatingin ako sa kanya at napanganga ng makita kong nakasuot siya ng dark blue polo at slacks. Para siyang adonis na lumabas sa magazine, tapos seryoso pa ang mukha niya sa pagaayos ng kanyang sleeves.

Tinapunan niya ako ng tingin kaya napabalikwas ako sa pagkakatayo sa hagdan ng huli na ng mawala ang balanse ko. Napapikit ako at handa ng salubungin ang matigas na sahig. Pero nanginig ako ng maramdaman ang matigas na mga bisig ang sumalo sa akin. Sumalubong sa akin ang mamahaling pabango nito na para akong nahihilo sa sobrang bango.

" Are you okay?" Iminulat ko ang aking mapupungay na mga mata at napakagat sa labi ko ng makita ang kanyang nagaalalang mukhang nakatingin sa akin.

Ngayon lang ako napalapit sa kanya ng ganito at ang mga mata niyang nangungusap at ang mahahaba niyang pilik mata ay nababagay sa kanya. Ang tangos ng ilong at ang panga niya lalo na ang kanyang manipis na labi.

Napahawak ako sa ulo ko dahil sa nakikita ko. " Nahihilo ako." Wala sa sarili kong pahayag kung tutuusin ay okay naman ako dahil hindi naman ako tumama sa sahig at nasalo naman niya ako sa tamang oras. Pero hindi ko makayanan ang intensidad na nararamdaman ko ngayong magkalapit kami. Parang sasabog na ang dibdib ko dahil sa sobrang lapit ng mukha namin at nagtatama na ang matipuno niyang katawan sa aking katawan.

Walang salita niya akong binuhat at inihiga sa sofa.

" Did you eat your breakfast?" He asked unconciously. Umirap ako.

Moron! Nahihilo ako kasi sobrang lapit mo sa akin.

" Okay naman ako S-Sir." Tumingin siya sa akin at nakita ko ang pagtaas baba ng adam's apple niya. He licked his lower lip and sighed.

" Okay." Yun lang ang narinig ko sa kanya at tumayo ng mabuti. Umiwas siya ng tingin at inayos ang polo niyang nalukot dahil sa pagbubuhat niya sa akin.

Naglakad na siya patungong pinto at hindi man lang ako tinapunan ng tingin. Napaawang ang labi ko ng sinarado na niya ang pinto ng wala man lang sinabi.

What do you want him to react Sapphira? To care for you? Ang tulad niyang mayayaman ay walang pakealam sa mga gaya mo.

Napapikit ako at humiga ng maayos sa sofa. Bakit ba naaapektuhan ako  sa mga inaasta niya sa akin. Kung tutuusin ay sanay naman ako na binabalewala. Pero may kumikirot sa dibdib ko kapag nararamdaman ko ang pagbabalewala niya sa akin.

Tinanong naman niya ako kung ayos lang ba ako. Pasalamat pa nga dapat ako kasi tinulungan niya ako. Pero bakit taliwas ang nilalaman ng dibdib ko. Naiinis ako dahil umalis man lang siya ng walang paalam. Pinilit ko nalang alisin iyon sa aking isipan, at hindi ko na namalayan ay nakaidlip na pala ako.