Chapter 18

HINDI naman niya puwedeng aminin sa Senyora ang totoong dahilan nang pananamlay ng binata. "La, mag bibihis na po muna ako."

"Sige iha, pero maya-maya lang bumaba ka na para sa pananghalian."

"Opo La," yumuko pa siya bilang pag galang na sagot.

HINDI sumabay sa kanila mananghalian si Duwayne, siguro ayaw siyang makita. Nag pasalamat na lang siya dahil hindi siya inusisa ng lola nito.

Pagkatapos kumain ay nag tungo sila ni Senyora Candeda sa terasa. Nang maupo siya sa rocking chair sa teresa, dinala ni Aling Lilia ang naiwanan niyang mainit na kape sa kusina, coffee lover siya kaya kahit tirik ang araw ay nag kakape siya.

"Kakahiya naman sayo Aling Lilia, babalikan ko naman sana itong kape ko nakalimutan ko lang." Anya pagkaabot niya ng kanyang kape.

"Wala iyon ineng," pagkasabi niyon ay muli itong bumaba para tulungan ang kasama nitong si Aling Teresa na nasa kusina.

Humihigop siya ng kape nang biglang mag salita ang senyora.

"Alam mo