Share

My Crush, My Groom (Tagalog)
My Crush, My Groom (Tagalog)
Author: Gixxserss

Chapter 1

This story is a work of fiction. Names, characters, places and incidents are products of the author's imagination or are used fictitiously. Any resemblance to actual events or locales or persons, living or dead, is entirely coincidental.

No part of the book should be reproduced or transmitted into any form without the consent of the author, except where permitted by law.

Copyright©

All Rights Reserved®

________________________________________________________________________

"Bilisan niyo, guys. Okay na ba ang banners niyo?" masinsinan kong tanong sa mga kagrupo ko.

"Ate, wala pa 'yong sa'kin eh. Kanina ko pa china-chat ang best friend ko, iniwan ko kasi sa kaniya kanina," sagot niya at napakamot siya ng ulo habang tingin ng tingin kung saan. Napabuntong- hininga na lang ako.

"Sige-sige, hintayin mo siya baka nag-cr lang. Okay na ba 'yung sa'kin?" pinakita ko sa kanila ang gawa kong banner kagabi, actually napuyat nga ako kakagawa nito. Kulay yellow na kartolina at black naman ang nakadikit na mga letra at nakalagay na, 'Gooooooo, Darrel'. Yes, literal talagang madami ang letter O. Bakit ba? Ako naman ang gumastos.

"Syempre, Ate. Ikaw yata laging may iba at magandang banner sa'tin." Sabi naman ng isa pang kagrupo kong si Bea. Actually hindi talaga kami close, nagsasama lang kami 'pag may performance sina Darrel. Hindi kami nag-uusap 'pag nadadaanan namin ang isa't-isa, iisipin mo talagang ampa-plastic namin.

"May kasamang pagmamahal kasi ang gawa ko." Pagmamalaki ko habang nagpapacute. Kapag masaya ka kasi sa ginagawa mo lalo itong gaganda at gaganda talaga ang kalalabasan nito.

Tumawa silang lahat. "May nakakatawa ba do'n?" tanong ko.

"Wala naman, Ate. Nakakatuwa ka lang." Sagot niya. Ipinagsawalang bahala ko na lang ang sinabi niya. Kailangan kong maghanda mamaya dahil panigurado mauubos ang boses ko sa kakasigaw.

"Alam niyo na ang isisigaw niyo mamaya ah?" tanong at paninigurado ko.

"Kanina mo pa kaya pinapaalala," tumawa siya sandali saka nagsalita ulit, "Ika-sampung paalala mo na 'to, Ate." Napakagat-labi ako sa sinabi niya. Hindi ko namalayan eh, gusto ko lang na maging maganda ang cheer namin sa kaniya at syempre nagpapapansin lang slight.

"Sorry naman. Nae-excite talaga ako eh." Napa-cross arms ako sabay lingon sa stadium. Sobrang laki talaga nito. Kungsabagay madami naman kasi talagang estudyante dito

.

"Ate! Ayon na sila bilis." Waahhhh si Darrel. Nakasuot siya ng itim na leather Jacket. Nakataas ang buhok. Ang gwapo niya.

Magkakasama kaming tumakbo papunta sa loob. Gusto kong nasa unahan ako. Matatabunan ako ng matatangkad 'pag nasa likod ako eh.

"Bilis, Ate!" sigaw niya.

Hinihingal akong bumaba sa hagdan. Ayokong umupo dito sa bench. Gusto ko 'yung malapit ako sa kaniya. May nabunggo akong babae kaya napalingon ako dito at humingi ng tawad.

"Sorry." Paumanhin ko pero hindi niya ako pinansin at deretso lang siya na naglakad. Wala lang siguro sa kaniya 'yon. Bahala na. Dali-dali akong pumwesto sa harapan ng stage. Hindi mawala ang ngiti ko.

*****

Nakakalungkot naman. Matatapos na ang kanta nila. Matagal na ulit silang magpe-perform.

"DAAAARRRREEELLLLL WOOOOO. ANG GWAPO MO."

Namamaos na ako sa kakasigaw sa pangalan niya. Sobrang addict ko ba? Na sa tuwing kumakanta siya ay kinikilig ako at napapasigaw?

[Make it with you by Ben and Ben]

Heeyyy.

Have you ever tried.

Nanlaki ang mga mata ko ng makita ko siyang kumindat sa'kin." KYAAAHHHHHHH." Nagtitilian lahat ng taong nandito sa stadium. Sa sobrang kilig ko hinawakan ko sa balikat ang kasamahan ko at niyugyog ito.

"Nakita n'yo 'yon?" Tanong ko sa mga member ko. Halos namula ako sa ginawa niya.

"Nakita n'yo? Kinindatan ako ni Darrel." Dagdag ko pa.

Tumango siya at nag thumbs up sa'kin. Sobrang lapad ng ngiti ko habang nagtatalon kami.

"Waaahhhh.. Darrel ang gwapo mo." Sigaw ko habang iwinagayway ang banner na hawak ko. Sariling gawa ko 'to nuh! Hindi ko 'to pinaprint o ano.

Really reaching out for the other side.

I maybe climbing on rainbow.

"Lakasan niyo pa! Sabay-sabay tayo.. 1, 2, 3. I love you Darel!" sigaw naming lahat. Ang gwapo niya talaga. Nagmukha kaming tanga pero okay lang hindi kami magpapatalo sa ibang fans club nuh!

But Baby here goes..

Dreams are for those who sleep

Life is for us to keep

And if you're wondering what this song is leading to,

I want to make it with you.

Tinuro niya sa babae sa kanang bahagi. Magandang babae. Napairap ako dahil sobra talaga siyang tumili. Nakakainis.

"KYAAAHHHHHHH." Tili niya habang nagtatalon paikot. OA nito.

I really think that we could make it, Girl.

Patapos niyang kanta at kumaway-kaway sila sa mga fans habang ngumingiti.

"Salamat Thorn University. See you next activity. My Fans, The Gang Fans Thank you for supporting us. We love you all."

"I love you, Darrel!" sigaw ulit namin kahit namamaos na ako ay todo cheer padin ako. Gano'n ako ka solid, walang makakatibag.

Nagpalakpakan lahat ng tao sa Stadium ng umalis na sila sa stage. Unti-unti nading nagsialisan ang mga tao. Kami nalang ng Fans Club niya ang natira at naghihintay sa paglabas niya nakasanayan na kasi naming magpicture bago umalis.

"Ayan na siya." Bulong ko saka habang nakaguhit ang ngiti sa mga labi ko.

"Hi, guys." Bati niya.

Kumindat pa siya kaya halos nahimatay ang kasamahan ko.

"Hi, Darrel." Bati ko pabalik sabay kaway sa kaniya. Hindi niya man lang ako pinansin. Tsk.

"Picture na tayo." Sabi niya habang ngumingiti kaya nagtipon-tipon agad kaming lahat para makakuha ng picture.

Siya ang may hawak kaya siya ang nasa unahan. Limang shots ang meron kami bago siya umalis.

"Send ko nalang sa Gc natin mamaya ah?" sabi ko sa mga ka grupo ko habang excited at masayang ngumingiti.

"Sige, Ate! Ipopost ko 'yan mamaya para ma inggit sila." Matamis siyang ngumiti sa'kin habang parang nag-iimagine.

"Iwawallpaper ko 'yung pinakamaganda kong kuha. Panahon na para palitan ng bago. 1 week ko ng wallpaper yun eh. ”Sabi pa ng junior high naming ka member. Grabi papalitan agad? Grabi naman siya. Gusto niya siguro 'yong fresh.

"Ako din ide-develop ko 'to at ipapa-frame, ilalagay ko sa kwarto." Ngiting tagumpay. Yes po, Opo. Madami akong picture namin sa kwarto ko actually nakatago talaga siya sa walk in closet ko. Baka kasi makita ni Mom at Dad. Madami din kong poster niya. Ang gwapo eh.

Naramdaman kong uminit ang pisngi ko ng maalala kong kinindatan niya ako habang kumakanta siya kanina. Iihhhhhhh. Minsan lang 'yon sana may mag-post ng gano'n, kukunin ko talaga. 

Ako si Penelope Sarmiento. Masasabi mong maingay at palaging nakangiti. Isang lalaki lang ang kinahuhumalingan ko at 'yon ay si Darrel Lim. Isang suplado pero ang ganda ng boses niya kaya sobrang idol ko siya.

A/N: Please leave feedbacks and reviews:)

Mga Comments (2)
goodnovel comment avatar
Rochelle Amago Geraldez
Thank u umpisa p lng maganda n
goodnovel comment avatar
July
kilig eh, teenager lang😊
Tignan lahat ng Komento

Kaugnay na kabanata

Pinakabagong kabanata

DMCA.com Protection Status