KABANATA 4 — RICHARD

SPENCER

"Hi! Mister President! Hahaha" pang-aasar sa'kin ni Larah.

"Ano bang mga plataporma mo mister PRESIDENT!" pag-gatong naman ni Raffy at sabay silang nagtawanan.

Hindi ko alam kong kaibigan ko ba ang dalawang to o ano. 

Hahaha. Alam ko namang tunay sila sa akin. Minsan talaga nagkakampihan kami, kaya kawawa 'yung isang walang kakampi. At ngayon ako 'yung minalas sa aming tatlo at walang kakampi.

Mag-iisang buwan na rin nang makilala ko ang dalawang to dito sa University and honestly napakasaya rito dahil na rin sa kanila 'yun.

Sa totoo lang, hindi pa ako nagkakaroon ng matalik na mga kaibigan. Noong elementary at high school kasi, minsan lang ako kung pumasok sa school, kadalasang modular ako dahil nga sa sakit ko. 

Ganito pala ang feeling na magkaroon ng mga matatalik na kaibigan, 'yung hindi ka iniiwan sa lahat, 'yung lagi kayong magkasama sa mga kalokohan, lagi kang belong kumbaga.

Inaasar nila ako kasi ako yung ibinoto ng lahat para maging classroom president. 

Baka nagtataka kayo kung bakit ako naaasar, hindi ko naman gusto kasi 'yun! 

Ito lang dalawang kaibigan ko bago pa pala nag plano si ma'am ng election sinabihan na nila ang lahat ng kaklase namin na ako ang iboto bilang president dahil alam kasi nilang ayoko. 

Gusto ko sanang umatras kanina pero itong si ma'am namin nagbigay naman ng isang patamang speech na kesyo dapat tanggapin ang mga responsibilidad na iniatas sa atin dahil pinagkatiwalaan tayo, huwag daw maging immature. Kaya ayon, hindi na ako nakapag-object. Napasubo tuloy ako!

"Tumigil nga kayo, naiinis ako sa inyo. Alam nyo namang wala akong alam sa ganito diba." sinalubong ko ang aking mga kilay at sinimangutan silang dalawa dahil sa inis. 

Tumingin ako sa malayo para ipakitang naiinis talaga ako pero tawa lang sila ng tawang dalawa dahil alam rin nilang hindi ko kayang magalit.

"Galit ka n'yan?" ani Raffy. 

Inirapan ko lang ito.

"Ay Raffy galit pala sa atin si Spencer sayang, sasabihin ko pa naman sa kanya na mag-aapply din tayo sa music club na pinagsasabi niya." ani Larah. 

Medyo nasiyahan ako sa sinabi niyang 'yun, malapit na kasi ang club fair kaya niyaya ko sila no'ng isang araw na sumali kami sa music club. No'ng una ayaw nila pero mapilit talaga ako kaya pag-iisipan daw nila. 

Hindi pa rin ako nagpadala, ano ako marupok. Nagkunwari akong nakatingin sa malayo habang kumakain lang. Nandito kasi kami ngayon sa cafeteria ng University.

"Oo nga no. Sayang rin dahil wala siya sa mood na sumama sa atin na mag-beach sa sabado." sabi ni naman ni Raffy.

Bigla namang nabuhay ang dugo ko sa sinabi niyang iyon. Nasabi ko kasi sa kanilang hindi pa ako nakapunta ng beach at gustong-gusto kong pumunta. Na open up ko yun sa kanila kasi na kwento rin ni Raffy na meron silang Resort sa Mati City at doon sila nagbabakasyon kung hindi sila makapunta ng ibang bansa.

Tumayo silang dalawa at aktong aalis ng hindi magpapaalam. Alam talaga nila kung pano ako paamuhin, nakakainis 'tong mga 'to.

"Pag umalis kayo, di ko na talaga kayo papansinin. Mga kupal talaga!" 'di ko sana sila kakausapin, pero pupunta daw kami ng beach eh. Okay! Ako nang marupok.

"Akala namin 'di mo na kami kakausapin eh." ngiting asong sabi ni Raffy.

Bumalik sila sa pagkakaupo. Habang ako naman, hindi ko na mapigilang mapangiti dahil medyo na e-excite ako sa mga pinagsasabi ng dalawang 'to. Nagpatuloy kaming tatlo sa pagpaplano para sa sabado at pagkatapos ay nagkwentuhan naman kami ng kung ano-ano.

Habang nagkakatuwaan at naghaharutan kami ay napansin naming biglang natahimik ang ibang mga studyante sa loob ng cafeteria. 

Tumigil din kami sa aming ginagawa at nakiramdam na rin kung anong nangyayari. 

May nagbubulungang mga babae at ang mga mata nila ay nakatutok lang sa iisang direksyon. 

Sinundan namin ng tingin at sa isang nakapilang lalaki napunta ang atensyon namin. Bumalik ako ng tingin sa mga babae kanina, halatang kilig na kilig ang mga ito.

"Si Richard pala akala ko naman kung sino." biglang bulong ni Larah.

Medyo naliwanagan ako kasi narinig ko na rin ang pangalan niya dito mismo sa cafeteria na ito no'ng enrollment pa. Pero hindi ko naman siya kilala at hindi ko pa siya nakita. Na curious rin ako no'n kasi sabi nila sikat itong artista.

Talaga namang napakaganda ng kutis at may hitsura rin ang sinasabi nilang Richard, halatang alagang-alaga niya ang sarili, pang artista talaga ang datingan niya. 

Di nagtagal ay may nagpapa-picture na rin sa kanya at 'yung iba naman siguro nahihiya kaya kinukuhanan na lang siya ng picture sa di kalayuan — paparazzi ang datingan.

"Totoo pala na dito na nga siya nag-aaral." sabi naman ni Raffy.

"Kilala niyo siya?" pagbulong na sambit ko sa kanila.

"Bakit hindi mo siya kilala? Sang planeta ka ba galing. Teen star 'yan ngayon, taga rito kasi 'yan sa atin nagpahinga lang no'ng namatay sa car accident ang ka-loveteam niyang si Nathalie Mendoza. Na cancel nga ang project nila pagkatapos ng aksidente." pagpapaliwanag sa akin ni Larah.

"Ahh. Talaga?! Kawawa naman pala siya, girlfriend n'ya ba 'yun?" pagtatanong ko ulit.

"Hindi! Siguro no'ng first year high school. Pero after a year may iba nang boyfriend si Nathalie Mendoza — si Aaron Villanueva." wika sa amin ni Larah.

Magkakilala ba sila? Ang dami namang alam ni Larah sa buhay niya.

Well, hindi naman malayong mangyari kasi mayayaman naman sila. Gano'n talaga siguro lahat ng mayayaman magkakakilala sila dahil sa mga connections.

Habang iniisip ko 'yun ay napansin kong papalapit ang lalaking pinag-uusapan namin sa table kung saan kami nakaupo.

"Hi guys. May I?" masiglang bungad sa amin nito. Tumingin ito sa akin at medyo nailang naman ako sa tingin niya kasi parang kilala niya ako kahit hindi ko pa siya kilala.

"May I what?" malditang tugon ni Larah sa kanya.

Medyo nagulat ako sa asal na pinakita ni Larah sa lalaki. Napatanong tuloy ako sa sarili kung bakit siya gano'n.

Tinignan ko si Raffy at nahalata nitong nagulat ako, suminyas naman ito na parang okay lang ang lahat at 'wag na akong mabahala pa.

"You know what Larah, never mind. I will sit anyway." inirapan nito si Larah at umupo na sa tabi ko.

Naliwanagan naman ako na talagang magkakakilala sila, kaya sinawalang bahala ko na lang. Nasa harapan namin si Raffy at Larah habang magkatabi kami ni Richard. Patuloy pa rin sa pag-irap si Larah kay Richard habang kumakain ito.

Aasarin ko sana si Larah pero naisip kong 'wag na lang, meron kasing ibang tao. Baka ma offend ang kaibigan ko.

"Hi bro, what's up?" bati ng lalaki kay Raffy.

"Good, good! Long time no see bro. Haha" ngiting tugon naman ni Raffy sa kanya.

"You know what larah, baka mahulog eyeballs mo sa kakairap. Segi ka." biro nito sa nakasimangot na si Larah.

"And you know what? We're so happy kanina, until you came here." 

"Ba't kaba galit na galit sa akin? Ha? Tungkol parin bato sa pagsese..." biglang napatigil si Richard nang tutukan siya ni Larah ng tinidor.

"Segi, subukan mong pagpatuloy! Isasaksak ko to sayo, 'diba sinaksak na kita ng lapis dati sa preschool! Gusto mo tinidor naman?" 

Bigla naman akong kinabahan kay Larah, utak kriminal talaga 'tong isang 'to.

"Oo naaalala ko 'yun, kaya nga hindi kita niligawan kasi kung magiging tayo baka  ikaw pa ang pumatay sa akin."

Kitang kita ko ang naging reaksyon ni Larah sa sinabing 'yun ni Richard. Halatang namula ito at di makaimik. Saka ko lang napagtanto na meron palang nakaraan ang dalawang to.

Tinignan ko si Larah para sana asarin pero hindi ko na natuloy dahil sa nagulat ako sa sunod na sinabi ni Richard.

"Anyway, bakit ba ako nakikipag-away sayo! Hindi naman ikaw pinunta ko dito eh. Hi Spencer, I'm Richard by the way!" lingon sa akin nito.

Tinignan ko siya ng may pagtataka kung bakit niya alam ang pangalan ko, lumingon naman ako sa dalawa kong kaibigan pero pareho lang kaming tatlo ng reaksyon.

"Oww, sorry! I already know you, because na kwento ni kuya Bryell sa akin." 

"Si doc Bryell?" paglilinaw ko sa kanya.

"Yeah, Doctor Bryell Mendoza! Brother of Nathalie! Your Doctor!." paglilinaw niya sa lahat-lahat.

Namangha ako sa sinabi niya. Talagang napaka liit ng mundo.

"Talaga ba?" gulat kong wika.

"Hmm, hmm!" pagtango nito sa akin.

So 'yung kinukwento ni doc Bryell sa akin na kapatid niya ay si Nathalie? Pero bakit hindi ko alam na namatayan pala sila. Sigurado akong malalaman ko 'yun kasi mag bestfriend sila ng ate ko.

Bakit medyo magulo! Kailan ba sila na aksidente? Bakit walang na-kwento si doc na namatay na pala kapatid niya?

"And he also tell me about your condition at kung kaninong pu... Nevermind!" ani Richard pero biglang itong tumigil at di tinapos ang sinasabi niya.

Magtatanong pa sana ako kung ano 'yung hindi niya naituloy pero biglang nagreact si Larah at Raffy.

"What? What do you mean about his condition? Spencer may sakit ka?" pag-aalalang tanong ni Larah.

"Hoy! Ano 'yun? Ba't hindi namin alam?" dagdag naman ni Raffy.

Nag-explain ako sa dalawa! Para maliwanagan ang mga ito.

Pagkatapos ko sa kanila ay bumalik ako sa pagtatanong kay Richard.

"Oy, Richard! Ano 'yung sasabihin mo dapat kanina?" tanong ko pero mukhang nakalimutan ata.

"Na ano? Na may sakit ka?"

"Hindi 'yun! 'Yung isa pa."

"Ha? Wala naman ha!"

"Wag nalang baka mali lang ako ng dinig." 

Hindi ko na pinilit pa baka hindi rin kasi  importante, talagang umiiral lang itong curiousity ko.

"I'm done, mauna na siguro ako. See you around guys." pagpapaalam ni Richard sa aming tatlo. 

"Bye rin sayo miss brutalful!" bumulong pa ito kay Larah bago tuluyang umalis. Ginantihan rin naman niya ito ng pagpalo sa pwet ni Richard na ikinatawa ng ibang studyante.

"Aray, pinapahiya mo ko sa lahat ha. Babawian talaga kita! Bhlee." pagdila niya rito para mang-asar.

Tatayo sana si Larah para batukan siya pero nakatakbo na ito palabas. Tawang tawa naman kami ni Raffy sa dalawa, para kasi silang mga batang nagbabangayan at nag-aasaran.

Nagpatuloy kami sa masayang kwentuhan, Inaasar din namin si Larah kay Richard. Pero sa totoo lang, hindi pa rin mawala sa isip ko ang sasabihin sana ni Richard! Parang tungkol kasi ito sa sa akin. Idagdag mo pa ang palaisipan na 'di ko nalaman ang pagkamatay ng kapatid ni doc Bryell samantalang updated lagi ang ate ko sa buhay niya. At bakit ikukwento ako ni doc kay Richard? Anong meron?