Ask him out

Chapter Seven

Ask him out

"Woah! I was going to buy that book online dapat eh! I'm glad meron ka palang copy n'yan! May I borrow that one?" Lumitaw ang isang matipid na ngiti sa labi ni Eros nang matapos na niyang basahin ang chat ni Clarisse sa kaniya. Kasalukuyang nakaupo lang ito sa kama at nakatungong nakatingin sa cellphone niya.

"Pag-iisipan ko," reply naman ni Eros sa kaniya. "Signed copy 'yon kaya hindi ko basta 'yon pinapahiram."

"Ililibre kita ng lunch," sunod na reply ni Clarisse.

"Nagbabaon ako," ani Eros sa chat nila.

"Anubayan! Maingat naman ako sa mga libro eh!"

Hindi pa rin naapektuhan si Eros ng pagpupumilit ni Clarisse. "Kailangan ko pa rin pag-isipan."

"Okay, suko na ko. Mas mabuti na rin 'yon kaysa tumanggi ka sa akin ng 100% talaga. Hihintayin ko 'yang sagot mo ah. Pero sana mapahiram mo talaga ako ng libro mo."

Dahil sa isang friend request, hindi akalain ni Eros na may isang taong makakarelate na rin siya sa mga taste niya sa mga bagay-bagay. Ngayon niya lang naramdaman ang bagay na 'yon dahil madalas kinukutya at sinasabihan siyang weirdo or pacool dahil sa mga bagay na gusto niya.

Pero ngayon, hindi man halata pero pareho lang pala sila ng hilig ni Clarisse sa mga mystery at thriller na mga libro. Kaya sa hindi inaasahang pagkakataon ay naging madalas na ang pag-uusap nila tungkol sa mga bagay-bagay na nagkakasundo silang dalawa.

"Ayieee! Sabi na eh, soulmate kayong dalawa!" Napasimangot bigla si Eros nang marinig niya bigla ang matinis na boses ni Shawna sa gilid.

Nilingon niya ito. "Ang epal mo talaga kahit kailan."

Pero infairness, ngayon lang may ginawa si Shawna na nagkaroon ng magandang epekto sa buhay niya. Kung hindi siya pinilit nito na i-accept ang friend request ni Clarisse. Siguro ay wala siyang taong makakasundo ngayon.

Balikan natin ang araw na iyon. Nang sabay nilang nakita ang pangalan ni Clarisse sa friend request ng social media account ni Eros.

"Humaygad!" Napatutop si Shawna sa bibig niya atsaka siya naglabas ng naghu-humirintadong tili sabay yugyog sa balikat ni Eros. "Owemji! In-add ka niya kaagad! Yieeee!"

Samantalang si Eros ay walang emosyon lang na pinagmamasdan ang nagwawalang si Shawna. Tinatamad na kasi siyang sawayin ito kaya hinihintay na lang niyang tumigil ito sa pagyugyog ng balikat niya.

Pero mukhang walang balak na tumigil si Shawna sa pagtitili at pagyuyugyog sa balikat niya kaya iritadong tinanggal na niya ang mga kamay nito sa magkabilang balikat niya.

Sinamaan niya muna ito ng tingin bago niya akmang ide-delete ang friend request ni Clarisse pero mas mabilis pa sa isang segundo na kaagad hinawakan ni Shawna ng mahigpit ang kamay ni Eros.

"Ano ba! Bitawan mo nga yung kamay ko!" singhal sa kaniya ni Eros.

"Ayoko." Nang-aasar na tinignan siya ni Shawna at lumitaw ang malawak na ngisi sa bibig niya. "I-a-accept mo ang friend request ni Clarisse."

"Ayoko!" gaya sa kaniya ni Eros pero nandidilat naman ang mga mata nito. "Sino ka para sundin ko?"

"Hindi mo naman ako kailangan sundin." Nanlaki naman ang mata ni Eros nang si Shawna na mismo ang umaaccept sa friend request ni Clarisse kay Eros.

"Too bad, naaccept mo na ang friend request niya. Hihi!" pang-aasar muli ni Shawna. Padabog naman na inalis ni Eros ang kamay niya sa pagkakahawak nito.

"Huwag mo nang subukan i-unfriend siya dahil baka magkaroon ka pa ng issue sa school mo dahil sikat na estudyante lang naman ang i-u-unfriend mo," pagpapaalala sa kaniya ni Shawna dahilan para irapan na lang siya ni Eros.

"Alam ko," inis na sagot nito. "Aware naman ako sa kaimature-an ng mga halos estudyante sa school namin."

Pero lumipas ang ilang araw, sa hindi inaasahang pagkakataon ay biglang nakatanggap si Eros ng message request mula kay Clarisse.

"Hey, I'm sorry if biglaan yung tanong ko. But I just wanna ask, do you know this book? Nabasa mo na ba 'to? Sorry, I'm just so curious talaga dahil nakita kong nagreact ka sa post na 'to."

At dahil sa chat message na iyon. Doon nagsimula ang pagiging madalas na pagkukwentuhan nina Eros at Clarisse.

Ngayon ay mabalik uli tayo sa present time. Muling tumunog na naman ang phone ni Eros kaya naantala ang pagbibigay niya ng death glare kay Shawna na as always wala pa rin talagang epekto sa kaniya.

"Hey! Yayain na lang kitang kumain sa labas! May gusto kasi akong i-try na kainan malapit sa school natin."

Napakunot-noo bigla si Eros dahil sa chinat sa kaniya ni Clarisse. Napansin naman kaagad ni Shawna ang reaksyon niya kaya kaagad itong lumapit.

"Oh! Oh! Bakit ka lumalapit?" Binigyan siya ni Eros ng nagbabantang tingin. "Chismosa ka ah!" Pagkatapos ay binalik na nito ang tingin sa cellphone niya.

"Ano ba kasing sinabi niya?" naiintrigang tanong sa kaniya ni Shawna pero wala siyang natanggap na tugon mula sa kaniya at seryoso lang na binabasa ang sumunod na chat ni Clarisse.

"Busy kasi ang dalawang friends ko kaya hindi ko sila makakasabay sa pag-uwi. Dali pumayag ka na! I don't take no as an answer."

Hindi namalayan ni Eros na nasilip na pala ni Shawna ang chat message. Para itong giraffe na humaba ang leeg at parang tarsier naman na nanlalaki ang mga mata. Nang mapalingon sa kaniya si Eros ay bigla itong napaigtad sa gulat at kaagad na napaatras.

"Ikaw! Tch! Kahit kailan ka talaga!" muling singhal sa kaniya ni Eros sa nandidilat na mga mata at binalik na muli ang tingin sa phone niya.

"Niyaya ka niya mag-date?" tanong sa kaniya ni Shawna sa nang-aasar na tono sabay taas-baba ng kilay niya.

"Hindi. Niyaya niya lang akong kumain sa labas."

"Oh? Niyaya ka nga niyang mag-date."

Sinamaan na naman niya muli ito ng tingin. "Ang babaw mo mag-isip." At for the ninth time, balik na naman sa phone ang focus niya.

"Oh, eh bakit ayaw mong pumayag?" tanong sa kaniya ni Shawna. "Kakain lang naman kayo sa labas." Kumurba naman ang labi niya nang may mapagtanto na naman siya. "Huwag mong sabihing natatakot ka na ma-issue kayong dalawa?"

"Bakit naman hindi?" sagot sa kaniya ni Eros. "Eh mababaw naman talaga mag-isip ang mga tao."

"Sus! Generalization ka na naman!" nakangiwing komento ni Shawna. "Bakit big deal ba sa 'yo ang kumain sa labas kasama ang babae?"

"Hindi," kaagad na sagot ni Eros. "Ano namang meron kung magkasamang kumain sa labas ang isang babae at lalaki? Bakit may ibig sabihin na kaagad 'yon?"

"Oo nga," pagsasang-ayon ni Shawna. "Oh bakit ka naman naghe-hesitate d'yan? Saka hindi niya kasama yung dalawang bestfriends niya. For sure sa kasikatan niya marami rin siyang iba pang mga kaibigan pero ikaw ang napili niyang makasama kasi mas komportable siya sa 'yo dahil sa pareho niyong hilig sa pagbabasa ng mga patayan na kuwento." Nag-hand signs pa siya habang sinasabi ang word na patayan.

"Hindi mo naman ako kinokonsensiya niya'n?"

Napahagalpak ng tawa si Shawna dahil sa sinabi ni Eros. "Ah basta! Kawawa siya dahil wala siyang kasama kasi for sure tatanggihan ka niya kasi wala kang puso."

Napabuntong hininga na lang si Eros at muling napairap na naman sa kawalan. At talagang pinanindigan niya ang pangongonsensiya sa akin.Walangya talaga 'tong babaeng 'to.

"Papayag ako basta sasama ka," seryosong sabi naman ni Eros sa kaniya. Dahil do'n ay binigyan siya ni Shawna ng nagtatakang tingin.

"Luh? Bakit kailangang kasama pa ako? Ano ako? Nanay mo?"

"Ah ayaw mo?" ani Eros. "Sige icha-chat ko na si Clarisse na hindi ko siya masasamahan." Mukhang nahawaan na si Eros ng pagiging manipulative ni Shawna.

"Huh?" Mukhang naguguluhan pa rin si Shawna. "Ang weird mo, moment niyo yung dalawa bakit kailangan pang kasama ak—!"

"Ano? Ayaw mo ba?" naiinip nang tanong ni Eros kaya si Shawna na ngayon ang napabuntong hininga.

"Okay! Sige na nga! Sasama na ako! Happy?" Humalikipkip si Shawna at napanguso. Dahil do'n ay natawa si Eros. Isang tawang tagumpay dahil sa wakas si Shawna naman ngayon ang nakokontrol niya.

Samantalang napatulala sa gulat si Shawna dahil sa biglang pagtawa. Ito kasi ang unang beses na narinig niya ang sinserong pagtawa nito kumpara nung una na palaging pa-sarkastiko.

Mahinang natawa na rin si Shawna. "Gwapo ka naman palang tumawa eh."

Dahil sa sinabi niya ay mabilis na naglaho na parang bula ang masayang ekspresyon ng mukha niya at napalitan ng pagsimangot. Ngayon si Shawna naman ang sumunod na tumawa sa kanilang dalawa.

"Ito naman. Cinocompliment ka lang."

~*~

"Eros!" nakangiting tawag sa kaniya ni Clarisse at sinabayan pa niya ito ng pagkaway.

Pinark naman ni Eros ang e-bike niya sa parking lot ng isang maliit na kainan na tinutukoy ni Clarisse. Mabilis na naglakad kaagad si Clarisse malapit sa kinaroroonan niya habang hindi pa rin nawawala ang magandang ngiti nito sa labi.

"Akala ko i-ghoghost mo na ako ngayon dahil hindi ka nagre-reply sa mga chat ko sa 'yo sa messenger."

Nagpalinga-linga sa paligid si Eros at sinuri ng mata niya ang isang maliit na kainan. Sa labas pa lang ay amoy na amoy na niya ang pinagsamang takoyaki at milktea. Kahit hindi tuloy siya masyadong gutom ay bigla siyang nakaramdam ng pagkatakam. Matagal-tagal na rin kasi niyang hindi tinireat ang sarili niya ng mga ganitong pagkain dahil sa pagtitipid niya. Pero ngayong araw ay pagbibigyan niya muna ang sikmura niya.

Mahinang tinapik siya ni Clarisse sa kanang balikat niya kaya bigla siyang napalingon rito.

"Tara na," yaya nito at nauna na siya sa paglalakad papasok sa kainan na iyon.

Nang mapadako naman ang tingin ni Shawna na himalang tahimik lang sa isang silid ay nagsalita naman ito bigla.

"Oo na, nandito lang ako. H'wag masyadong pahalata na kinakabahan ka, okay?" nang-asar na naman muli ito. "Naiintindihan ko na ito ang first time mo na may makasamang babae na matagal kaya hindi na ako aalis."

Pero imbis na ngiting nagpapasalamat ay masamang tingin ang isinukli sa kaniya ni Eros. Gusto niya sana itong singhalan ng, "Hindi ako kinakabahan!" Pero hindi na niya binalak pang ituloy iyon dahil bukod sa baka mapahiya siya dahil magmumukhang baliw na naman siya. Mas lalo lang siyang aasarin ni Shawna dahil magmumukha lang rin siyang defensive.

Sinamahan niya muna sa pag-order si Clarisse. "Ikaw Eros, anong sa 'yo?" tanong nito sa kaniya habang nasa counter sila ngayong dalawa.

"Pili ka lang kung anong gusto mo, libre ko naman 'to."

Dinapuan muna siya ng tingin ni Eros bago napatingin sa menu sa taas ng iba't ibang klase ng luto ng takoyaki at iba't ibang flavor rin ng milktea. "Suhol ba 'to para sa librong gusto mong hiramin sa akin?"

Natawa naman si Clarisse sa tinanong niya. "Kind of!" kibit-balikat na sagot nito sa tanong niya. "So, ano na? Sabihin mo na kung anong order mo."

Sa huli ay wala ring nagawa si Eros kundi magpalibre lang din kay Clarisse. Medyo nagdiwang rin siya sa loob-loob niya dahil hindi nabawasan ang pera niya. Kaya lang syempre may nag-fe-feeling konsensiya niya ang nanggugulo na naman sa kaniya.

"Hoy Eros!" saway sa kaniya ni Shawna. "Nakakahiya ka! Bakit ka pumayag na ilibre ka niya?" Napailing iling na lang ito habang natatawa.

Nang makaupo na silang dalawa pareho ni Clarisse ay binuksan naman kaagad ni Eros ang bag niya. Nang makuha na niya ang gusto niyang kuhain ay maingat niya naman itong nilapag sa lamesa. Nagulat naman si Clarisse nang makita niya kung ano ang nasa lamesa. Maingat na pinadausdos ni Eros iyon palapit sa kaniya.

Marahang natawa si Clarisse. "Mukhang inaasahan mo na talaga na ililibre kita ngayon kaya nakapag-isip isip ka na kaagad." Natatawang kinuha na nito ang libro at maingat na pinasok sa bag niya. "Don't worry, iingatan ko ang libro mo. Maayos ko 'tong ibabalik sa 'yo."

"Basahin mo na kaagad 'yan pag-uwi mo para maibalik mo na kaagad 'yan sa 'kin."

"Of course," nakangiting sagot ni Clarisse sa kaniya.

Pagkatapos ng pag-uusap nilang iyon ay bigla na lang natahimik silang dalawa. Dahil hindi masyadong maingay ang kainan na iyon a ang tanging lofi-music lang na pinapagtugtog ang ingay na nangingibabaw sa buong paligid.

To the rescue naman si Shawna na sagipin ang awkward silence na namamagitan sa kanilang dalawa ni Clarisse. Pasimple niyang siniko si Eros. "Ano na? Mag-isip ka naman ng topic! Ano? Gusto niyong umabot sa pasko 'tong awkward na katahimikan n'yo?"

Pero bago pa gumawa ng paraan si Eros para mawala ang katahimikan na namamagitan sa kanila ay biglang tinawag naman sa counter ang number ng order nila. Tumayo kaagad si Eros bago pa subukang tumayo ni Clarisse. "Ako na kukuha, tutal libre mo naman 'to."

Ngumiti si Clarisse sa kaniya sabay tango. "Sige, thank you."

Pumunta na sa counter si Eros at kinuha ang mga order nilang dalawa ni Clarisse. Pagkatapos ay saka na niya ito nilapag sa lamesa nila. Ngumiti naman ng malawak si Clarisse at kaagad dinampot ang milktea at humigop rito.

"Hmmm! Ang sarap ng pagkakatimpla ng milktea nila! Magiging madalas na ang pagtatambay ko dito for sure!" Inumpisahan na niyang subukang kainin ang takoyaki. "Ngayon, try naman natin ang takoyaki nila!"

Sinubo na ni Clarisse ng buo ang takoyaki at napatango tango na lang siya nang malasahan na niya ito. Mukhang katulad sa milktea ay nagustuhan niya na rin ang ibinebentang takoyaki sa kainan na pinagtatambayan nila ngayon. "Masarap din yung takoyaki nila!" masayang komento niya. Napatigil naman ito nang makita niyang wala pang tinitikman si Eros ni isa sa mga na-order nila. "Oh ano pang hinihintay mo? Bakit wala ka pang kinakain d'yan?" inilapit niya kay Eros ang plato na naglalaman ng takoyaki. "Kain!" yaya niya.

"May naalala lang kasi ako sa 'yo," sabi ni Eros at saka niya sinubukang isubo rin sa bunganga niya ang isang takoyaki. Tulad ni Clarisse ay nasarapan din siya sa lasa at pagkakaluto nito. "May kakilala ako na mahilig rin sa takoyaki at milktea."

Sabay na napakunot-noo si Shawna at si Clarisse. Pero si Shawna ang naunang nagtanong. "Teka! Sino 'yon?"

"Oh?" reaksyon ni Clarisse habang busy sa pag-kain ng takoyaki. "Sino?"

Biglang naghesitate si Eros na sabihin kung sino 'yon kaya ito na lang ang isinagot niya, "Wala. Basta kakilala ko lang. Kalimutan mo na yung sinabi ko."

Binigyan naman siya ni Clarisse ng nagdududang tingin. "Sus! Nahihiya ka lang i-share sa akin eh!" Atsaka ito muling humigop ng milktea.

"Dali na. Sino 'yon?" tanong sa kaniya muli ni Clarisse. "Nacucurious ako kung sino yung taong tinutukoy mo. Madami pa tayong inorder at 'di rin madaling ubusin 'tong milktea natin kaya matagal-tagal pa tayong magtatambay dito kaya mas masaya kung magkukwento ka na lang muna."

Nagdadalawang isip pa rin si Eros kung babanggitin niya ba iyon kay Clarisse.

"Magkuwento ka na lang," sabi ni Shawna. "May point naman siya eh. Hindi niyo mae-enjoy ang pagkain niyo kung walang kasalong kakwentuhan."

Kaya wala na ring choice si Eros kundi sabihin kay Clarisse ang bagay na isinisikreto niya sa mga taong nakakakilala sa kaniya sa school.

"Yung taong tinutukoy ko, hindi naman siya nabubuhay."

Napatakip sa bibig si Clarisse at namilog ang mga mata niya. "Oh my god! You mean, patay na siya?" gulat na bulalas nito. "I'm sorry! Hala! Hindi dapat kita—!"

Napahinto si Clarisse sa pagsasalita nang marinig niya ang marahang pagtawa ni Eros. Mula sa gulat ay napuno naman ng pagtataka ang ekspresyon ng mukha niya.

"Hay nako, Eros." Napahawak na lang sa noo niya si Shawna nang marealize na niya kung sino ang taong tinutukoy ni Eros.

"Hindi mo naman kailangan mag-alala or maguilty kasi hindi naman siya nabuhay in the first place," sabi sa kaniya ni Eros. "Isa lang siyang fictional character."

"Ah gano'n ba?" Pakiramdam tuloy ni Clarisse ay parang napahiya siya dahil sa reaksyon niya kanina. "Anubayan, ang exaggerated pa naman din ng reaksyon ko."

"Oo nga 'no," pagsang-ayon ni Shawna habang nakangalumbaba. "Para ngang totoong nabuhay si Lorraine Villarosa sa on-going novel natin dahil sa kaniya. Ang dami nilang pagkakapareho." Kumibit-balikat siya pagkatapos. "Kaya lang hindi nga lang ganyan ang pagkakaimagine ko sa physical features ni Lorraine."

"So, saang libro mo pala nabasa ang fictional character na naaalala mo sa akin?" tanong sa kaniya ni Clarisse.

"Hindi ko siya nabasa sa libro," tugon ni Eros. "Sariling character ko siya."

"Sariling character? You mean, writer ka?"

Tumango-tango naman si Eros bilang tugon.

"Wow! Ang cool mo naman!" nakangiting compliment sa kaniya ni Clarisse na bago naman sa pandinig ni Eros. Ngayon lang kasi siya nakatanggap ng magandang komento mula sa taong bago lang nalaman na nagsusulat siya.

"Future author ka naman pala!" nakangiting sabi sa kaniya ni Clarisse. "Pabasa mo naman sa akin yung mga sulat mo."

"Saka na hindi pa ako masyadong magaling saka wala pa akong natatapos," sabi sa kaniya ni Eros.

"Kahit first chapter lang! Send mo sa 'kin mamaya!"

Hindi tumugon si Eros kaya tumingin nang nakikiusap sa kaniya si Clarisse.

"Sige na oh! Pabasa na kahit 'yon lang!" pakikiusap nito.

"H'wag na. Madi-dissapoint ka lang."

Samantalang si Shawna ay binigyan naman si Eros ng nang-aasar na tingin na sinabayan pa niya ng pagngisi. "Sus! Pahumble ka pa d'yan!"

"Hindi 'yan! Ano ka ba!" pamimilit naman ni Clarisse.

Napabuntong hininga na lang si Eros. Lingid kasi sa kaalaman kasi ni Clarisse ay may isa pang babae ang namimilit sa kaniya na ipabasa kay Clarisse ang mga isinulat niya. "Sige na," ani Eros. "Ipapabasa ko na sa 'yo."

"Yun oh!" Ngumiti naman sa tuwa si Clarisse dahil sa sagot ni Eros sa kaniya atsaka siya muling sumubo pa ng takoyaki.

Kung hanggang saan-saan na nakarating ang topic nilang dalawa hanggang sa napagpasyahan nang umuwi ni Clarisse. Dahil sa muling pangongonsensiya ni Shawna kay Eros ay nagpresinta tuloy ito na ihahatid na lang siya sa bahay niya para makauwi na siya kaagad dahil delikado kung magtatambay pa siya rito at hihintayin ang driver niya na sunduin siya.

"Salamat, Eros." Ipinakita na naman nito sa kaniya ang maganda nitong ngiti nang makababa na ito sa e-bike niya. "Ingat ka sa pagda-drive ah." Atsaka niya marahang tinapik ang balikat nito. Tumango na lang si Eros bilang tugon atsaka na pumasok si Clarisse sa yayamaning mansyon nito.

Pinagmasdan muna ni Eros ang mansyon na tinutuluyan ni Clarisse. Sandali niya munang hinangaan ito bago na niya muling pinaandar ang e-bike niya.

~*~

Maganda ang naging mood ni Eros pagkatapos ng kanilang pag-tambay nina Clarisse sa kainan ng takoyaki. Naging productive siya bigla at talagang buhos na buhos ang creative juices niya sa utak kaya tuloy-tuloy ang mga pagtipak niya sa kaniyang keyboard dahilan para ang munting tunog nito ang mangibabaw sa apat na sulok ng kaniyang kwarto. At pagkalipas lang ng dalawang oras, sa wakas ay natapos na niya ang unang kabanata ng kaniyang romance-novel.

Nang matapos na niya ang rough draft ng kaniyang first chapter ay sinend na niya ito kay Clarisse.

Napatigil siya nang mapagtanto niya na tanging keyboard lang niya ang nag-iingay sa kwarto niya. Himala yata, bakit wala si Shawna para guluhin at asarin siya rito sa loob ng kwarto niya.

Samantalang si Shawna ay kasalukuyang nasa ibang kwarto pala tumatambay ngayon.

"Ang weird niya. Sabi ba naman sa akin na para daw akong sariling character niya? What the heck?" usap ni Clarisse sa dalawang kaibigan niya na ka-video call niya ngayon. "Akala ko, masyado lang akong judgemental na weirdo siya pero gano'n nga pala talaga siya. Ang dami niyang mga fantasies sa edad niya ngayon. Feeling ko nakikipagusap ako sa isang 14 years old na teenager na nagpapaka-mysterious."

"Talaga ba? Ano titigilan mo na ba paglapit mo sa kaniya?" tanong sa kaniya ng isa niyang kaibigan.

"Hindi pa pwede eh," tugon ni Clarisse habang pinagmamasdan ang hawak niyang libro. "May hiniram akong libro sa kaniya. Hihintayin ko munang matapos basahin 'to ng kapatid kong kasing weirdo rin niya."

"Nga pala," ani Clarisse. "Nabasa niyo na ba yung sinend niyang rough draft daw ng sinusulat niya?" Pinagdiinan pa nito ang salitang 'rough draft'.

"Oo nabasa ko na," sagot naman ng isa. "Ang trying hard nga ng pagkakasulat. Hindi naman maganda."

Natawa naman si Clarisse. "Akala ko ako lang. Owemji!" At muli na naman itong tumawa kasabay ng pagtawa rin ng mga kaibigan nia.

"Pero sigurado ka ba talagang magkakagusto rin sa 'yo ang weirdo na katulad niya?"

Sandaling napaisip si Clarisse pero maya't maya ay unting lumitaw ang kakaibang ngiti sa labi niya. "Hindi ko alam. Pero gusto ko rin malaman."

Ikinuyom naman ni Shawna ang dalawang kamao niya habang nandidilim ang paningin niyang nakatingin kay Clarisse na patuloy pa ring pinagtatawanan si Eros sa harap ng mga kaibigan niya.

Related chapters

Latest chapter

DMCA.com Protection Status