Share

Chapter Seven

JADE

Isang araw na ang nakalipas matapos ang pangyayaring iyon. Hindi naman na ako nilapitan pa ni Jordan para magpaliwanag at kahit pa gawin niya yun hindi ko siya papakinggan, sapat na ang nakita ko hindi ko na kailangan ng paliwanag ng walang hiya na yon.

Tungkol naman doon sa babae, syempre hindi ko siya sinugod kinabukasan dahil ngayon ko yun gagawin. Naghanap pa ako ng information about sa kanya at napag alaman ko rin na Roxanne Cait ang pangalan nito. Alam rin pala ni Arnold ang tungkol sa dalawa, pero hindi alam ni Jordan na alam ito ng kaibigan niya. Madalas daw mahuli ni Arnold ang dalawa na magkasama at tuwing may training ay sumasama ang babae.

Tungkol naman sa amin ni Nerd,  matapos ang araw na yon. Hindi naman na kami ulit nagpansinan pa. Parang wala lang ang nangyari non hindi niya rin ito kinuwento kina Dana at Roan kahit na nakakausap niya ang mga to dahil narin sa kagrupo niya ang mga ito sa Thesis.

Tungkol naman sa mga kaibigan ko, hindi ko pa nasabi sa kanila ang nangyari sa amin ni Jordan. Kahit sa buong campus ay wala pa rin na kumakalat about doon. Syempre kapag ako ang pinag-uusap malaking balita yun para sa kanila, pero this time wala pa ata talagang nakakaalam.

"Jade, saan ka ba pupunta?" tanong ni Dana.

Saan pa? E'di sa classroom ng babaeng haliparot na 'yon.

Bago ako umalis kanina sa classroom pagkalabas ng first subject, padabog akong tumayo halos lahat ng classmate ko ay napatingin sakin at ramdam ko ang titig nila hanggang sa makalabas ako ng classroom. At eto, nakabuntot sakin ang mga kaibigan ko dahil baka may awayin nanaman ako kasi halata raw sa itsura ko ang maitim na awra. What the heck? Ano ang maitim na awra ang sinasabi ng mga ito?

Hindi ko pa rin sila pinapansin ngayon at hanggang sa makarating na kami sa classroom ng babae. Sarado ang pintuan dito sa likod, ganun rin sa unahan. Huminto muna ako sa harap ng pinto dito sa likod.

"Sino ang pupuntahan mo dito? Hindi naman dito ang room ni Jordan." nilingon ko si Dana at doon ko lang napansin na ang iba sa mga classmate ko ay nakabuntot rin pala sa akin.

What the heck??

Hindi ko sila pinansin at binalingan ng tingin si Dana. Maganda nang maraming audience ngayon, para malaman nila na ang nagtapon sakin ng tropical shake ay isang malanding babae.

"You will know," sagot ko.

'Ha?' lang ang naisagot nito at malakas ko nang tinulak ang pintuan dito sa likurang pinto. Nakuha ko lahat ng atensyon nila, wala ang prof. Nasaan kaya nakaupo ang babae yon? At nang hindi ko talaga ito makita, nagtanong na ako.

"Asan si Roxanne Cait?"

Agad silang napalingon sa babaeng kakapasok lang sa silid, dumaan ito sa unahang bahagi ng classroom. Pansin ko lang, bakit salungat kami lagi ng pinapasukan na pinto? Well, salungat rin naman din kasi ako sa kanya. Hindi ako malandi kagaya niya, slut.

"Jade sino ba 'yan?"

Hindi ko pinansin ang tanong ni Roan na halos pabulong na. Ngumiti ako kay Roxanne nang madako ako ng paningin nito.

"Oh, there you are." nanlaki ang mata nito at napahakbang pa patalikod nang umabante ako.

"Bakit parang nakakita ka ng multo?" pang aasar ko dito. Hindi na kasi maipinta ang itsura nito. I crossed ny arms, at naglakad palapit sa kanya siya naman ay patalikod ang ginawa hanggang ang white board na ang masandalan nito.

"Ops, dead end." hindi parin nawawala ang ngiti ko sa labi. Ngiti na may bahid ng galit. Umingay ang paligid.

"Sa tingin mo anong nangyare?"

"Baka tinapunan niya ulit ng tropical shake."

Hindi umaalis ang tingin nito sa akin hanggang malapitan ko na siya nang tuluyan. Itinaas ko ang kanang palad ko at akmang sasampalin siya. Inilihis nito ang ulo saka pumikit. Napa ismid na lang ako, takot na takot ka gurl?

"Oh my ghad!"

"Ano kayang ginawa nito ni Roxanne para dayuhin pa siya dito ni Queen?"

Nahalata niya atang walang sasampal sa kanya kaya dahan dahan itong nagmulat ng tingin. Ibinaba ko naman ang palad ko saka hinarap ang mga kaklase nito. Sa likuran ay nakita ko parin ang mga kaibigan ko at ilan sa mga kaklase ko, nakatayo parin sila doon at tila may pinapanood.

"Gusto niyong malaman kung anong ginawa nito?" lahat sila ay tumango. Tangina natatawa ako, bakit parang sobrang special ako sa mga estudyanteng nasa eskwelahan na ito.

"Well-" naputol ang pagsasalita ko nang maramdaman ang paghawak sakin ni Roxanne. 

"P-please.. Pakiusap, patawarin mo ako hindi ko naman s-sinasadya." napaismid ako sa sinabi nito. Hindi sinasadya? Fuck you. 

"Ah, talaga?" sa kanya na ako ngayon bumaling habang ang mga braso ko ay pinag ekis ko sa unahan ng dibdib ko. "Hindi mo sinasadyang yakapin si Jordan?" narinig ko ang bulungan sa paligid.

"Hindi mo sinasadyang halikan si Jordan?" mas umingay pa.

"Hindi mo sinasadyang makipag relasyon sa lalaking alam mong may girlfriend?" at mas lalo pang umingay ang paligid.

"Ha?! Hindi mo sinasadya?!" lumakas na ngayon ang boses ko. Tangina bumalik kasi ang imahe nila na naghahalikan. Fuck.

Nakayuko lang siya, umiiyak at hindi nagsasalita kita ko pa ang balikat nito na tumataas baba. Hindi ako maaawa sa kanya dahil mas naaawa ako sa sarili ko. Hindi dapat siya bigyan ng awa.

"Totoo ba yun?"

"Ang bobo naman ni Jordan pinagpalit ang Gold sa Bronze."

"Dapat ako na lang talaga ang boyfriend nito, e."

"Kawawa naman si Queen."

"Napaka bobo ni Jordan!"

"Ang landi nama nito ni Roxanne."

"Sabi ko na nga nasa loob ang kulo nito."

Binalingan ko ng tingin ang mga classmate nitong si Roxanne at lahat naman sila ay natigil sa pagbulong bulungan.

"Payag ba kayo na inagawan ng boyfriend ang Queen niyo?" lahat sila ay nagsisagutan ng 'hindi' ang iba naman ay umiling lang. "Paano kung sa inyo ginawa yun? Papayag ba kayo girls?"

Lahat sila ay malakas na sumigaw ng 'hindi'. Lalo pa atang napaiyak si Roxanne dahil rinig na rinig ko na ang paghikbi nito. Pero wala akong paki, mas malakas ang iyak ko sa kanya noong nakita ko silang dalawa ni Jordan.

"E, kayo boys? Payag ba kayong lokohin ang Queen niyo?" malakas din silang sumagot ng hindi. Ngumiti muna ako magsalita. "Kung ganoon, kayo na ang bahala sa babaeng to at kay Jordan." sumeryoso ang mukha bago naglakad palapit sa mga kaibigan ko.

Nakita ko ang mabilis na pagtayuan ng mga classmate ni Roxanne hanggang sa marinig ko ang malakas na pagtili ng babae. You deserved it. Hindi ka kasi nag iisip, sa dinarami rami ng pwedeng agawan ako pa talaga ang napili mo.

"Jade kawawa naman yung babae," ani Dana bago ako makalabas. Nilingon ko siya.

"Sa akin, hindi ka naaawa?" mabilis nagbago ang ekspresyon ng mukha nito at parang natauhan sa sinabi ko.

"Ipaghihiganti kita, tara na mga alagad!" sigaw nito saka tumakbo palapit sa kumpulan, nagsisunod naman ang mga kaklase ako.

Napangiti na lang ako. Mukha akong kontrabida sa inaasta ko, but I don't care. Hindi naman yan mangyayari sa kanya kung hindi niya pinasok ang sitwasyon na ito. Baka akala nila ay maloloko pa nila ako, haha doon sila nagkamali.

I turned my back and left the room with a smile, curved in my lips. Taste my oh so sweet revenge, Roxanne. Taste it.

Related chapters

Latest chapter

DMCA.com Protection Status