1

Hindi pinalipas ni Papa ang hapon na dito muna ako sa mansyon kaya namang nag-impake ako matapos niyang ipag-utos ito. Nakasilip si Thylene mula sa tagiliran ng pinto ng kwarto ko. Dinaanan ko siya ng tingin habang inaayos ang gamit sa kwarto ko.

"Well, deserve mo 'yan. Huwag kang mag-alala maganda naman ang bahay na matutuluyan mo. In fact, mas bagay ka pang tumira sa lansangan." Sabi nito matapos niyang lumapit habang pinagmamasdan ang ginagawa ko.

Naiintindihan ko ang pinanggagalingan ng galit niya. Nagpatuloy lang ako sa ginagawa ko hanggang sa ziniper ko ang maleta aking maleta. "Baka gusto mo ng alalay para ibaba ang gamit mo. I can help you."

Ngumiti siya pero hindi abot sa mata. Dinaanan ko lang siya ng tingin habang bitbit ang mga gamit ko. Pumunta ako ng rest area kung saan nandoon si Mama. Nakaupo siya sa mahabang upuang kahoy habang pinagmamasdan ang mapupulang rosas.Nilapitan ko siya saka hinagkan sa noo. "Aalis na po ako, Ma."

Hinapl