Kabanata 60

In Limbo

Agad nanginig ang kamay ko nang makita ang kalagayan ni Gabby. Napuno ng dugo ang kanyang buong mukha at maging sa likurang bahagi ng kanyang ulo habang nakahandusay sa hallway. Sa likuran ko ay may babaeng nakahandusay din at mukhang wala ng malay.

"Gabby..." natataranta kong tawag sa kanya. Natatakot din akong hawakan siya dahil baka mas lalo lang lumala ang kanyang sitwasyon.

Pinilit kong mag-isip ng spell para makatulong sa kanya ngunit walang pumapasok sa isip ko. Sa huli ay napag desisyunan ko na lang na tumawag ng emergency hotline para makatulong sa amin.

Nakompirma kong wala na ngang malay ang babaeng narito nang dumating ang ambulansya. Nang tinanong ako ng mga pulis kung ano ang nangyari ay wala akong maisagot. Maliban sa ngayon ko lamang nakita ang babaeng iyon ay wala rin akong maalala sa mga nangyari. Kanina lang ay nasa bungad ako ng La Verde tapos ilang oras lang ang nakalipas ay narito na ako sa aming paaralan. Alam kong sumanib sa akin si Tharia pero hin