I know What You Did Last Week
Napabalikwas ako ng bangon ng maramdaman ang mahinang alog sa balikat ko. Nagtataka akong tiningnan ni Gabby na kasalukuyang naka upo sa gilid ng kama ko.
"Are you okay?" Umatras ako nang akmang hahawakan niya ang aking noo. Agad rumehistro ang pagtataka sa mukha niya.
Imbes na sumagot ay tumakbo ako papuntang banyo at doon umiiyak. Mas lalo pa akong humagulgol nang maamoy ang lavender scent sa buong banyo.
Lunes na naman ba ngayon?
Napasabunot ako sa sarili kong buhok. At pabagsak na naupo sa malamig na sahig ng banyo.
Ano na naman ang ginawa ko sa loob ng limang araw?
Gusto kong iuntog ang ulo ko sa pintuan habang humagulgol nang dumaan ang matinding kaba sa dibdib ko.
"Faith, what's happening to you?" iritableng aniya habang kinakatok ang pinto.
Hindi ko siya pinansin. Niyakap ko ang aking tuhod at doon humikbi na parang bata.
"What did you do, Gabriella?" Napaangat ako ng tingin nang marinig ang naiiritang boses ni Tita sa labas.
"Nothing, mom! I just wake her up! Bakit parang kasalanan ko na naman?"
"I told you not to annoy her. She's been through a lot. Which part of it you don't understand—"
"I don't understand why you need to forget me just to take care of her. I'm still your daughter, Mom."
Dali-dali akong tumayo at pinunasan ang mga luha nang marinig ang sagutan nila sa labas. Ngunit pag bukas ko sa pintuan ng banyo ay siya ring paglabas ni Gabby sa kwarto.
"I'm sorry about that, Faith—"
"No, tita," putol ko sa sasabihin pa niya, "ginising lang talaga ako ni Gabby kasi nanaginip ako ng masama."
"Faith, that's the very reason why you hate us for waking you up," paliwanang niya sabay giya sa akin papunta sa kama ko.
Kumunot kaagad ang noo ko habang inaabot ang baso ng tubig na nasa side table. Ngayon ko lang din napansin na may maliit na lamesa na sa pagitan ng kama namin ni Gabby. Dati ay magka dikit lang ang mga kama namin dahil single bed lang naman itong akin.
May dalawang magkahiwalay na walk in closet na rin ang naroon. Halatang bagong gawa lang iyong isa dahil wala pang mga gamit iyon sa loob ngunit kilala ko ang malaking maleta na nakalatag sa sahig 'non.
Lumiit tuloy ang kwarto ni Gabby dahil sa bagong walk in closet na mabagyang mas malaki pa kaysa sa kanya.
"Are you okey?" agaw ni Tita sa atensyon ko.
Kuno't noo akong napatitig sa kanya, hindi pa rin maintindihan ang bagong ayos ng kwarto namin ni Gabby. "A-anong nangyari nitong mga nakaraang araw, Tita?" pumiyok ako. Nag umpisa na namang mag tubig ang aking mga mata.
Huminga siya ng malalim. "It's normal for your age to fight, Faith. Pero kahit saang anggulo ko tingnan ay hindi pa rin maganda ang ginagawa ni Gabby sa'yo."
Nakagat ko ang pang ibabang labi bago yumuko. "Hindi ko po maintindihan, Tita."
"Me too. I know Gabby's spoiled but," naguguluhan ding aniya. "what she did was too much."
"A-ano bang ginawa ni Gabby, Tita?"
Manghang napatitig siya sa akin. "Oh, dear." Niyakap nya ako. "Don't worry, I'll talk to Gabby,"
Huminga ako ng malalim dahil hindi naman iyon ang sagot na gusto kong marinig.
Inalalayan ako ni Tita na mahiga ulit sa kama bago inayos ang kumot sa katawan ko. Ngumiti pa siya bago iniwan ako sa kwarto para makapag pahinga.
Ramdam ko nga ang matinding pagod ng katawan ko kahit kung tutuusin ay kagigising ko pa lang. Oo nga't pagod ang katawan ko ngunit ang utak ko naman ay hindi na natigil sa pag iisip kung ano ang ginawa ko nitong mga nagdaang araw. Kahit ang lakas ng kabog ng dibdib ko ay hindi rin nag bago. Ito na yata ang normal para sa akin.
Awtomatiko akong napabangon nang marinig ang pag alis ng sasakyan ni tita. Siguro ay papasok na siya sa trabaho. Tumakbo ako sa banyo at mabilis na naligo. Habang nagsisipilyo ay pinagmasdan ko ang sarili sa salamin. Malalim na ang aking mga mata at nangingitim ang paligid nito. Mas bakas na rin ang buto ko sa dibdib dahil sa kapayatan.
Lumabas ako sa banyo at kumuha ng susuotin sa loob ng maletang naroon sa sahig ng walk in closet. Hindi ko pa rin maintindihan bakit narito ang gamit ko samantalang doon ko ito inayos sa closet ni Gabby.
Sinuot ko ang plain gray tshirt at maong pants. Halos madapa pa ako pababa sa hagdan dahil hindi ko pala natali ang sintas ng itim na chuck taylor sa sobrang pagmamadali.
Dumeretso ako sa paaralan kahit late na ako para sa first period. Ang totoo ay wala na akong pakialam, gusto ko lang makausap si Gabby para malaman kung ano ang nangyari sa amin nitong nakaraang araw.
Hindi ko rin alam kung papaano siya kakausapin na hindi ako nag mumukhang tanga sa paningin niya.
Pumasok ako sa second period. Pagpasok ko pa lang ay sinundan kaagad ako ng tingin ng mga ka-klase ko hanggang sa maka-upo ako.
"Are you okay now, Faith?" tanong ni Cassie nang maupo ako sa tabi niya.
"Nasaan si Gabby?" tanong ko pabalik sa kanya.
Kumunot ang noo niya bago hindi makapaniwalang umiling. "After what she did to you? Seriously?"
"Seriously, what?"
"Muntikan ka nang malunod last Wednesday, Faith. How come you still looking for that bitch?"
Napalunok ako ng sunod-sunod. Bakit ako malulunod eh marunong akong lumangoy?
"One week suspension is not enough after what she did. Mabuti nalang at naroon si Levi kung hindi baka sumunod ka na sa lola mo sa kabilang buhay. It's fucking 75 ft. Mygod!" maarteng kwento niya.
"I'm sorry pero kailangan ko nang umalis," paalam ko bago lumabasa ulit ng classroom.
Narinig ko pa ang ilang tawag ng mga kaklase ko pero hindi ko na pinansin.
Pumunta ako sa classroom nila Levi at walang pasabing hinila siya palabas doon. Mabuti at wala pa ang instructor nila para sa second period. Narinig ko pa ang ilang kantiyaw ng mga kaklase niya dahil sa ginawa ko ngunit hindi ko na pinansin.
Hindi nag reklamo si Levi nang inalis ko siya doon. Kusa pa nga siyang nagpatianod kaya batid ko ring kahit siya ay gusto rin akong makausap.
"Anong nangyari?" bungad ko sa kanya nang makarating kami sa school swimming area.
Huminga siya nang malalim. "I know what you did last week," wika niya na hindi nakatingin sa akin.
"Sabihin mo sa akin," pagsusumamo ko habang hinuhuli ang kanyang tingin.
Alam kong hindi maganda ang huling nangyari sa amin pero hindi niya naman kailangang iwasan ako ng ganito. Pinangako ko naman sa kanya na hindi ko siya pipilitin kung ayaw niya akong tulungan.
Kailangan ko lang naman malaman ang nangyari sa akin noong nakaraang linggo. Pagkatapos 'non ay hindi ko na siya guguluhin.
"Please, Lev. Parang mababaliw na ako," ulit ko nang matulala na naman siya sa kawalan.
"Hindi ko alam kung bakit mo pino-provoke si Gabby para saktan ka, Faith."
Kumunot ang noo ko at napatingin sa pool na wala na ngayong tubig.
Narinig ko ulit ang paghugot niya ng malalim na hininga na tila ba pagod na pagod na sa mga nangyayari.
"Wala akong matandaan, Levi. Ang huling naaalala ko lang ay iyong iniwan mo ako sa opisina ni Lola." Napapikit ako nang maalala ulit ang nangyari doon. Agad namawis ang noo ko dahil sa nabuhay na kaba sa akin. Masyado pang malinaw ang imahe ng babaeng iyon sa aking isipan.
Nang tingnan ko ulit si Levi ay kuno't-noo na siyang nakatitig sa akin. Tinitimbang kung nagsasabi ba ako mg totoo.
Nagbaba siya ng tingin at umiling. Parang hindi makapaniwala.
"Hindi ko na nakikitang nakasunod sa'yo ang anino since last week pa, Faith. How come na wala kang maalala?"
XxXCGTXxX
Gabby knows "Anong ibig mong sabihin?" Hindi ko alam kung panunumbat ba ang nakikita sa mga mata ni Levi ngayon, pero totoong nasasaktan ako sa ginagawa niya. Siya nalang kasi ang inaasahan kong masasandalan ko ngayon pero pakiramdam ko ay sinisisi niya ako sa mga nangyayari. Ang dami kong gustong itanong sa kanya,sobrang dami kong gustong sabihin at isumbong sa kanya pero sa reaksyon na nakikita ko sa mga mata niya ay parang unti-unting nawawala ang pag asang mayroong nalang ako ngayon. Tuluyan akong nanlumo nang narinig ko ulit ang marahas na pag hugot niya ng malalim na hininga. Ayun na naman yung pakiramdam na tila pabigat ako sa kanya. Na napipilitan lang siyang makita ako dahil sa diary na nabasa niya sa library ng lola ko. Akmang tatalikod na sana ako nang marinig ko siyang tumikhim. "Noong hinalikan mo ako, hindi m
Ako ba? Maka ilang ulit akong lumunok bago pinulot ulit ang laptop sa sahig. Mabuti nalang at hindi nila napansin ang ginawa ko. "Okay ka lang ba?" Dinig kong tanong ni Levi pero hindi ko alam kung para ba 'yon sa akin o kay Gabby. Natatakot rin akong lumapit sa kanya dahil baka may nagawa nga akong hindi maganda nitong nakaraang araw kaya naging ganito bigla ang pakikitungo niya sa akin. Natigil ako sa pagwawalis nang mapansin ang pamilyar na libro sa ilalim ng single coach sa gilid ng pinto. Yumuko ako roon at inabot iyon. Ganoon nalang ang gulat ko ng makitang diary iyon galing sa opisina ni Lola. Humarap ako kay Levi bitbit ang libro. "Lev—" "What the fuck! I already burned that fucking stuff!" Kumunot ang noo ni Levi na napatitig kay Gabb
Ruby Nagising ako dahil sa nakapasok sa sinag ng araw mula bintana ng opisina ni lola. Kaagad nabuhay ang kaba ko nang mapagtantong sa sofa ako nakahiga dahil ang huling naalala ko ay nakasandal ako likod ng pintuan. Agad akong napabangon at tiningnan ang kalendaryo sa cellphone ko. Nakahinga lang ako ng maluwag nang makompirmang isang gabi lang ang nag daan at mag aala-sais pa lang ng umaga. Napasandal ulit ako sa sofa habang pilit na inaalala ang nangyari kagabi. Napalunok ako nang maalala ang mukha nang babaeng sumakal sa akin. Nakita ko na siya noon, dito rin sa opisina ni lola. Siya ang huling nakita ko bago ako nawalan ng malay noong isang linggo. Siya iyong babaeng may suot na pulang kapa at may hawak na punyal na gawa sa kahoy habang lumuluha ng dugo. Ngunit bago pa man ako tuluyang mawalan ng malay dahil sa pagkakasakal niya sa akin ay may pu
Josephine Pagkatapos kong mabasa ang liham ni lola ay kaagad akong nag tungo sa address na nakasulat doon. Mga limang oras lang naman ang byahe kapag sasakay ng bus kaya habang maaga ay lumuwas na ako. Nagdala lang ako nang kaunting pera habang ang iba ay iniwan ko sa opisina ni lola. Baka kasi dumating na 'yong Benedict Marshall at hindi na ako makapasok sa bahay. Magtatanghangli na nang makarating ako sa address na iniwan ni lola. Medyo malayo kasi iyon sa syudad at kailangan pang punuin ang tricycle bago aalis. Naglagkit tuloy ang balat ko dahil sa init at alikabok. Medyo luma na ang bahay, gawa sa kahoy ang itaas habang konkreto naman ang pundasyon. Dalawang palapag ang bahay at medyo sira na rin ang ibang parte sa taas nito lalo na ang ilang bintana ay may iilang butas na, ngunit maganda pa rin naman ang bahay. Mukhang luma ngunit napapalibutan ng mg
Destiny "I'm sorry," sabi ko nang tuluyang makalapit sa akin iyong lalaking nurse na nag pakalma kay Josephine kanina. Kung hindi pa nila tinurukan ng pampakalma ay hindi pa siya tumigil sa pagsigaw. Umupo siya sa harapan ko ngunit hindi nagsalita. Tinitigan lang niya ako nang matagal na para bang isa akong kriminal. Hindi ko tuloy alam kung saan ako titingin. Maging ang mga paa ko ay hindi ma-permi sa iisang pwesto. "Who are you?" Napalunok ako nang sa wakas ay nagsalita siya. Simpleng tanong lang naman iyon sa banayad na pamamaraan ngunit ang panliliit ng kanyang mga mata ay tila hinuhusgahan na ako. "Lexcel Faith M-marshall..." habol ko ang aking pag hinga. Pakiramdam ko ay guilty ako. Kung may masamang nangyari kay Josephine ay ako lang ang dapat sisihin. "I know, nabasa ko sa visitor's log." "Oo," wala sa sar
First time mo ba? "Holy shit!" bulalas ko. "Hey, Faith, anong nangyayari sa'yo?" Medyo na himasmasan ako nang mapagtanto kung sino ang kasama ko. "Sorry po, binangungot po yata," paumanhin niya sa mga kalapit naming pasahero. Nakahinga ako ng maluwag nang mapagtantong nasa parehong araw pa rin ako. Nitong mga nakaraang araw ay natatakot na akong matulog dahil baka may gawin na naman akong mga bagay na hindi ko matandaan. Hindi pa malinaw sa akin kung ano ang nagawa ko kay Gabby pero nasisigurado kong nasaktan ko siya base na rin sa galit na mayroon siya sa akin. "Sino ka nga ulit?" tanong ko sa aking katabi. Ngumiti siya. "Alam mo bang delikado 'yang ginagawa mo, Faith? Sumasama ka na nga sa taong hindi mo kilala, natutulog ka pa sa balikat nila." Pisti.  
Mefar, Pruyebas, 1561 Pareho kaming naka upo ni Ree sa sahig habang kumakain ng cup noodles at tinapay. Ito nalang talaga ang nakakakain ko simula ng umalis ako kina Gabby. Unhealthy, parang buhay ko. "Oo nga pala, Faith, may ipapahiram ako sa'yo. Hiram lang kasi kay Lola Pina talaga ito, pinahiram lang din niya sa akin. Basahin ko raw kaso wala naman akong maintindihan," ani niya habang may kinakalkal sa bag niya. Nilunok ko muna ang nginunguya ko bago inabot ang librong hawak niya. "Grimoire?" basa ko sa nakasulat sa cover. Gawa sa kahoy sa takip nito at may susian pa sa gilid ngunit hindi naman naka-lock. "Ang astig no? Parang artifact,” aniya "Para saan naman daw ito?" "Ang sabi ni Lola, diyan daw niya natutunan lahat ng engkantasyon at mga pang gagamot na alam niya ngayon. Minana pa raw niya iyan sa kanyang guro noon
Pupunta Tayo Hindi ko alam kung ilang oras akong umiyak basta't nagising nalang ako dahil sa ingay na naririnig ko hindi kalayuan sa hinihigaan ko. Marahan akong bumangon at uminom ng tubig na nakahanda sa ibabaw ng lamesa malapit sa sofa. Ngayon ko lang napag-tantong umaga na pala. Hinilot ko ang aking sentido dahil masyadong masakit ang aking ulo, siguro ay dahil sa pag iyak. Ramdam ko rin ang pamamaga ng aking mga mata kahit na hindi ko man ito makita. "Natutulog pa nga. Saka, Hindi magandang magpapasok ng mga hindi kakilala." "Excuse me? Who are you ba? Kapag hindi ka tumabi riyan ay tatawag na talaga ako ng police. Nasaan ang kaibigan ko?" Agad ako