SAKSI

Kaya naman, nuong gabing malaman ang kalagayan ng Reyna ay nag pasya ang Hari na ipag paliban ang kanyang mga gawain at sa halip ay naroon siya sa kanyang asawa upang samahan ito at bantayan.

Samantala, kinabukasan ay agad namang nag pahanda ang Hari ng isang pag diriwang at dahil nga sa kamamatay lang nuon ng dating Hari at napakarami parin nuong mga dapat na isaalang-alang sa palasyo ay naging payak lamang ang naging pag hahanda.

Nakaupo nuon ang Reyna sa kanyang taburete habang nakaharap sa malabong salamin. Tinitignan niya ang kanyang sarili habang nakahawak sa kanyang tiyan. Nuong mga sandaling iyon ay tila ba nakaramdam siya ng biglaang pag aalinlangan sa kanyang sarili dahil sa iniisip niya kung magiging isa ba siyang mabuting Ina sa kanyang magiging anak.

Batid ng Reyna na walang dudang magiging mabuting Ama ang kanyang asawa para sa kanilang anak, gayunpaman, hindi siya sigurado sa kanyang sarili sapagkat nung mga sandaling iyon ay napakaram