Kabanata 10 Sa Kwarto sa Taas ka Matutulog

Kinilabutan si Arianne Wynn sa balitang ito. Natapos na ba ang business trip niya? Bakit nakabalik na agad siya?

Namuo ang takot sa kanyang puso.

Mabuti nalang at hindi siya sumama na mag-ice skating kasama si Tiffany. Malas lang siya dahil nasira ang bike chain niya...

Pumunta si Arianne sa kubeta, nababalisa siya habang naliligo dahil alam niyang hahanapin siya ni Mark Tremont.

Pagkalabas niya ng kubeta, habang naglalakad siya sa sala ay may nasulyapan siyang anino na nakaupo sa sofa.

May suot itong light grey loungewear, mas casual ito kumpara sa kanyang full suit attire, nakakatakot ang itsura niya kapag suot niya ang kanyang suit. –

Makikita sa kanyang mga mata na malayo ang iniisip niya habang nakatingin siya kay Arianne.

"Halika dito."

Nakayukong lumapit at tumayo ng diretso si Arianne sa tabi ni Mark Tremont.

"Nakabalik ka na pala."

"...Nilalamig ka?" Tatanungin sana ni Mark Tremont kung bakit late nang umuwi si Arianne, pero nag-iba ang kanyang tanong nang makita niya ang kamay ni Arianne na may bitak.

Nagulat si Arianne at hindi niya sinubukang tingnan ang mga mata ni Mark Tremont. "Um… okay lang ako…"

Kinuha ni Mark Tremont ang kumukulong black tea na nasa coffee table at walang ano-ano'y pinasa niya ito kay Arianne.

Walang pagbabago ang kanilang emosyon. "Hindi ka na pwedeng umuwi ng late sa susunod." Hindi tinanggap ni Arianne ang tsaa.

Ito ang unang pagkakataon na hindi nagalit si Mark Tremont dahil late siyang nakauwi, hindi rin siya nanghingi ng rason kay Arianne.

Tiningnan ulit siya ni Mark Tremont. Gamit ang nakakatakot na tingin ni Mark Tremont, napainom at napaubos niya kay Arianne ang tsaa.

Hindi masyadong mainit ang black tea, pero nanlambot ang tuktok ng dila ni Arianne pagkatapos niyang inumin ang tsaa.

Pagkatapos niyang ubusin ang tsaa, huli na niyang nalaman na ang baso na ininuman niya ay kay Mark Tremont pala.

"Uh… ako na maglilinis nito para sayo…"

Bago pa siya makapagsalita, mabilis na naglakad papunta sa kusina si Arianne habang hawak niya ang maligamgam na baso.

Dumilim ang mga mata ni Mark Tremont at sumimangot ang nakakaakit niyang manipis na labi.

Sobra ba talaga ang takot na nararamdaman ni Arianne kay Mark Tremont?

Ilang beses hinugasan ni Arianne ang baso. Biglang lumapit si Mary, sinara niya ang gripo at sinabi niya, "Ari, anong ginagawa mo? Masisira na ang baso sa sobrang linis!"

Matagal na nakatulala si Arianne bago siya nagising at maingat niyang hinawakan ang baso.

"Wala… ibabalik ko na 'to sa kanya."

"Dalian mo na," utos ni Mary.

Wala pang lakas ng loob si Arianne para lumapit kay Mark Tremont. Hindi naman gagamitin ni Mark Tremont ang baso, pero hindi niya sinabi na ayaw na itong kunin.

Nangangamba si Arianne na makita muli ang poot at galit sa mga mata ni Mark Tremont…

Napakunot si Mark Tremont habang tinitingnan niya ang batang babae na paalis ng kusina, pagkatapos nitong linisin ng paulit-ulit ang baso.

Mahigpit ang puting sweater ni Arianne sa kanyang mapayat na pangangatawan – kumain ba siya ng marami kanina?

Habang nasa harapan siya ni Mark Tremont, narinig ng lalaki ang mahinhin na boses ni Arianne, "Gus… gusto mo ba ng tsaa? O gusto mong palitan ko ang baso?"

Hinawakan ng malakas at payat na mga kamay ni Mark Tremont ang baso at dahan-dahan niyang sinalin dito ang black tea.

Malaki ang pinagkaiba ng kanilang mga kamay, ang isa ay malambot at maputi habang ang isa, makikita ang hirap na dinanas nito.

"Sa susunod, si Henry na ang magdadala sayo sa school. Huwag mong ipahiya ang pangalang Tremont."

Naramdaman na sana ni Arianne ang malasakit sa kanya ni Mark Tremont, pero bigla siyang nabuhusan ng malamig na tubig sa mga huling sinabi ng lalaking ito.

Akala niya kilala niya ang lalaking ito at hinanda niya na ang kanyang isip sa mga mangyayari...

Nagaalala lang pala si Mark Tremont sa kahihiyan na binigay niya sa pangalang Tremont.

"Hinaharangan mo yung ilaw," sabi ni Mark Tremont habang nakatingin siya sa kanyang magazine.

Tiningnan ni Arianne ang lamp na nasa taas ng ulo nila. Paano niya hinaharangan ang ilaw?

Naisip ni Arianne na baka sinasabi ni Mark Tremont na masakit siya sa mata para sa lalaking ito.

Aalis na sana si Arianne nang bigla siyang napahinto sa sinabi ng lalaki. "Hindi ko sinabi na umalis ka."

Humarap ulit si Arianne sa kanya at umupo sa sofa, sinigurado niya na malayo siya sa lalaking ito nang makita niya na kinuha at ininom nito baso ng tsaa.

Normal ang ekspresyon sa mukha ni Mark Tremont at okay lang sa kanya na iniinuman niya pa rin ang baso na ininuman ni Arianne kanina!

Naisip muli ni Arianne ang nangyari sa kanila sa kwarto ni Mark Tremont at naramdaman niyang umiinit ang kanyang mga pisngi.

"Simula ngayon, sa kwarto sa taas ka matutulog."

Walang ideya si Mark Tremont kung anong nasa isip ni Arianne.