Kabanata 26 Payag Ako

“May yellow snake grass na nakahalo sa drogang nilagay nila kaya pansamantala nitong pinaparalisa ang vocal cords, pero hindi naman ito nagtatagal. Nakakapagsalit rin siya.”

Tumango si Gideon at pinahatid niya kay Matthew ang doktor palabas.

Pagkaalis nila, tumungo siya sa kama at tinignan ang babaeng nakahiga roon.

Mas tahimik si Nell ngayong nakahiga na siya. Tila ba natutulog lang ang babae.

Ang mamula-mula niyang mukha ang natatanging bakas na may nagdurusa ito at nasasaktan.

Pinanood siya ni Gideon nang wala sinasabi bago ito tuluyang umalis.

Ilang segundo ang makalipas, ang tunog ng umaagos na tubig ay maririnig mula sa banyo.

Binuksan ni Nell ang kanyang mga mata nang maramdaman niyang isang malaki at matangkad na anino ang nasa malapit niya.

“Ilalagay muna kita sa malamig na tubig, ha?”

Tinignan siya ni Nell saka ito tumango.

Binuhat na siya ni Gideon at saka dinala sa banyo.

Ang malaking bathtub ay puno na ng tubig. Nang ilagay siya ni Gideon, nanginig sa lamig si N