Chapter 1

Ava Sofia's POV

They say that your loved ones will always be with you, wherever you'll go, but most of them didn't mean that. I mean, hindi lahat kayang gawin iyon, may taong iiwan at iiwan ka pa rin kahit saan ka magpunta or kung andiyan ka lang sa tabi nila palagi. 

Bigla kong naibaba ang mga paa kong nakapatong sa desk ko nang biglang may sumipol at kumatok sa cubicle ko. Napabuga ako ng hangin at sinamaan ng tingin si Jerelyn, our Magazine Content Editor.  

"Ano? Natakot ka ba?" natatawa niyang tanong. 

Nakita niya siguro na kinabahan ako nang makita ko siya. Paano ba naman kasi bigla-biglang kakatok, nagbabasa kasi ako ng isang article about sa love na nakita ko sa internet! Akala ko si Mrs. Acosta na! Mamaya mapatawag pa ako no'n ng wala sa oras!  

"Oo, gaga ka!" sagot ko sa kanya. 

"Ganyan talaga kapag single, Kdrama is life!" she exclaimed. 

Inalis ko na 'yong pinapanood ko at umayos ng upo bago harapin si Jerelyn. Sabay naman kaming natawa. "Hindi ako nanunuod, katatapos lang! Nagbabasa kaya ako. May kailangan ka ba?" ani ko. Pinakita ko pa ang hawak na libro.

Mabilis naman siyang tumango. "Pinapatawag ka raw sa taas!" 

 "Totoo ba iyan? Bakit naman ako tatawagin?" nakanguso kong tanong. 

Nakita ko ang pagngisi niya sabay kibit-balikat. "Baka nakita nila na panay nood ka ng Kdrama?" 

"Jerelyn naman!" 

Humagalpak siya ng tawa. "Aba'y ewan ko talaga, umakyat ka na lang sa taas nang malaman mo na. Balik na ako sa pwesto ko dahil madami na naman akong kailangan i-edit na content!"  

Napakamot na lang ako sa ulo ko and put my desktop on sleep mode. Tiningnan ko muna ang sarili sa salamin na nakapatong sa desk at inayos ang buhok ko. Bakit naman kaya ako ipapatawag? Nahuli na kaya ako dahil lagi akong nanunuod sa youtube at dramacool? Kinabahan naman ako bigla sa aking naisip. Ang bilis kasi ng internet kaya tuwang-tuwa ako manuod dito sa office. Kung hindi man ako nanunuod, nagbabasa lang ako ng mga kung ano-ano na articles.

Mabilis akong nakarating sa itaas, naghagdan na lang ako dahil two floors lang naman ang pagitan. Nadatnan ko ang Editor in Chief namin na si Mrs. Acosta sa lobby at may kausap. Agad naman niya akong napansin at nginitian, sumenyas pa siya na saglit lang. Umupo na lang ako sa isa sa mga couch doon at kumuha ng magazine na made by our Company. 

I work in Make Magazine as a content writer, we publish magazines na related sa lifestyle, news, sports, advertising etc. I write articles about the business world. Ini-interview ko 'yong mga successful owner ng ibat-ibang company. 

Ilang minuto ang lumipas at nakita ko agad ang paglapit ni Mrs. Acosta sa akin kaya tumayo muna ako at yumuko ng bahagya na ankasanayan ko nang gawin kapag humaharap sa kanya.

"I'm sorry if pinaghintay kita, Ava." 

"Naku, okay lang naman po! Hindi naman matagal," sambit ko.  

Mrs. Acosta smile at itinuro ang sofa para umupo kami, siya ang una kong pinaupo at tumabi ako sa kanya. 

"I was talking to one of our editors about sa ilalabas nating Magazine for next month. Kailangan nating paghandaan dahil marami ang nag-aabang nito. Kaya ngayon pa lang kinakausap na namin ang mag-aayos ng magazine at kaya kita pinatawag ay dahil ikaw ang napili ko na magsulat ng article at mag-interview ng magiging face of the magazine natin." 

Nanlaki naman ang mata ko sa narinig. "A-Ako po? Sigurado po ba kayo?" Itinuro ko pa ang sarili ko kaya bahagyang natawa ni Mrs. Acosta. 

"Oo naman, ayaw mo ba?" nakataas pa ang kanyang kilay.

Agad akong nailing at naigalaw ko pa ang mga kamay ko. "G-Gusto ko po! Nagulat lang po ako dahil, katatapos lang ng projects ko this month tapos may iniaalok na po kayo agad." 

"Because we saw your hardwork, at sold out agad ang mga copies natin sa apat na magazine na nilabas this month!" masayang sambit ni Mrs. Acosta. Bahagya pa siyang napapalakpak kaya napatingin sa amin ang ibang employees. 

Parang gusto ko maiyak sa tuwa dahil sa narinig. Sold-out? Edi may bonus ako? Nayakap ko bigla si Mrs. Acosta at nagpasalamat. Oh my god! Makakakain na ulit ako ng samgyupsal dahil sa bonus kung meron man! Sana basbasan ng Anghel ang management at madagdagan talaga ang sweldo ko!

"Ikaw din ang pinili namin for this project dahil na-satisfied ang critics sa interview mo with Mr. Travis Guevara at Mr. Chua. So, we also expected na maganda rin ang kakalabasan ng interview mo with this one." 

Napaisip naman ako sa narinig. Mr. Guevara and Mr. Chua are very approachable kaya hindi ako nahirapan sa dalawa. Madali at maayos silang kausap. 

"Hindi rin po ba ako mahihirapan sa taong i-interview-hin ko? I mean, syempre po naranasan ko na rin ang ma-reject ng mga taong katulad nila na ayaw talaga magpa-interview." 

Kinagat ko pa ang ibabang labi ko after sabihin iyon. Sumilay ang matamis na ngiti kay Mrs. Acosta at marahan na umiling. 

"We are very sure na hindi ka mahihirapan. Dapat dati pa natin siya na-interview pero busy talaga ang schedule niya at ngayon lang talaga tayo nagkaroon ng pagkakataon na kausapin siya," masaya niyang sambit. 

Tumango na lang ako sa sinabi niya at ngumiti. 

"Sure na po ba na ako talaga?" sambit ko. Sinisigurado ko lang baka kasi mamaya ay magbago bigla ang isip at malungkot ako kapag nangyari 'yon.

"Oo naman, we are planning to give something in return na tiyak ikakatuwa mo. It will also become your rewards for your hardwork and dedication to this work." 

Lumundag naman ang puso ko sa narinig. Para akong kinilig na teenager. Bonus is what I really want. Marami akong gastusin sa buhay at kailangan ko ng pera. Nag-iipon din kasi ako. 

"I'll take that project po, makakaasa po kayo namagiging maganda rin ang kakalabasan nitong interview! Thank you po!" masayang sambit ko. 

"Eh, sino po pala ang taong iinterview-hin ko?" mahinang tanong ko. 

Tiningnan ako ni Mrs. Acosta at ngumiti bago ako sinagot.

****

Nakaramdam ako ng pagkabagot habang nakatitig sa monitor. Padabog kong inalis ang kamay ko sa mouse, kinuha ang tupperware na nasa mesa ko at sinimulang kainin ang binaon kong pagkain. Buti na lang nasa tago ang cubicle ko at hindi ako makikita na kumakain pwera na lang kung lapitan talaga ako. Lunch time din naman kaya ayos lang. 

Kahit may laman pa ang bibig ay sumubo ulit ako. Mataman kong tinitigan ang picture ng isang lalaki na naka-flash sa computer ko. Pagkatapos kasi ng paguusap namin ni Mrs. Acosta ay bagsak balikat akong bumalik sa area ko at tumunganga. Parang nagsisi tuloy ako bigla na tinanggap ko 'yong alok niya sa akin. 

I want to back out. Kausapin ko kaya 'yong isa naming writer? Baka pumayag siya? Napapitik ako na maalala 'yong kwento niya sa akin last week na nagaantay din siya ng project na gagawin.  Sumubo ulit ako ng pagkain at tumayo. Natanaw ko ang mga employee na nagkekwentuhan ang iba ay nakaharap sa desktop. 

"Ava!" 

Namilog ang mata ko nang marinig kung kaninong boses 'yon. Tinawag at sinenyasan ko si Sheen na pumunta sa akin. 

"Yuck, Ava! Tumalsik pa 'yong kanin sa bibig mo!" Reklamo ng employee na nasa harap ko. Hindi ko namalayan na may tumatalsik na pala mula sa bibig ko. Nilunok ko iyong kinakain ko at uminom ng tubig. 

"Sorry, Dave!" natatawa kong sambit. Narinig ako ng tawanan sa paligid. 

"Sus, kunwari galit! pero deep inside kinikilig ka! Baka kainin mo rin 'yang tumalsik!" mas lumakas ang tawanan dahil sa sinabi ni Sheen nang makalapit siya sa amin. Napakamot na lang si Dave sa batok at binalik ang tingin sa ginagawa. 

Nakita kong humila si Sheen ng swivel chair at pumasok sa cubicle ko. Umupo na rin ako at hinarap siya. "Oh, may tsismis ka bang nakalap?" natatawa niyang tanong. Umiling ako at itinuro 'yong naka-flash sa monitor.

Namilog ang mata niya at nilapit pa ang mukha para titigan iyon. "Anong gagawin ko diyan? Gwapo, pwede na! Sino ba 'yan?" Bumagsak ang balikat ko sa narinig. 

"Hindi mo kilala?" Umiling naman siya.

"CEO ng Five Star Holdings!" sambit ko. 

Nanlaki ang mata niya at tinitigan ulit ang monitor. "Seriously?! Akala ko ba matanda na at uugod-ugod na ang may-ari no'n?" hindi makapaniwalang tanong niya.

Umiling ako, kahit ako rin ay hindi makapaniwala sa nasearch. Padabog akong sumandal sa kinauupuan at tumingin kay Sheen. Lumapit pa si Sheen sa desktop ko at nagpipindot doon. 

"Shocks, ang gwapo naman! Bakit mo sinisearch? Don't tell me siya ang next mong project?" Tumango naman ako. 

"Pwede bang ikaw na lang?" tanong ko, nagbabakasakali na pumayag siya. Kumunot ang noo niya sa narinig. 

"Bakit naman? Ayaw mo ba rito?" Hindi naman ako sumagot. 

"Kung ayaw mo, pwede naman ipalipat sa iba kaso si Mrs. Acosta ata ang nagbigay sa'yo nito noh? Nako, love na love ka no'n! Baka magtampo kapag nagback-out ka!" 

Sumimangot naman ako. Naririnig ko rin sa mga employee na gustong-gusto raw ako ni Mrs. Acosta lalo na pagdating sa mga kailangan namin ifeature na business men sa Make Magazine. Dapat pala una pa lang tinanong ko na agad kung sino 'yong ifefeature namin para nakapagdesisyon agad ako. 

"Mukha namang mabait ang isa na 'to, bakit ba ayaw mo?" 

Lumapit ako sa desktop ko at may sinearch para lumabas ang pangalan ng lalaking may-ari ng Five Star Holdings. Itinuro ko iyon kay Sheen.

"Read it," sambit ko. 

Inilapit niya 'yung mukha niya at tahimik muna na binasa. Nakita ko ang unti-unting panlalaki ng mata niya at pag-awang ng labi niya.

"What the hell? Totoo?" Marahan akong tumango. Dumaan ang galit sa kanyang mata at nagulat ako sa biglang pagsigaw niya. 

"Dominic Montoya?! Eto 'yong gago mong Ex-boyfriend eh!"