Chapter Eight

 XANDRIA

Pagkatapos ipaalam sa amin ni Mommy ang desisyon nilang sa America na tumira, naging mas madalas ang pagkain namin ng magkakasama dahil request niya iyon sa amin. Minsan ay sa labas pero kadalasan ay sa bahay lang at nagluluto na lang siya para sa amin. Hindi na raw kasi niya magagawang ipagluto ang mga anak niya kapag nakaalis na sila, kaya gusto niyang sulitin ang pagkakataon. Malapit na ang pag-alis nila, 2 weeks from now.

Nagulat kami nang inanunsiyo iyon ni Mommy sa amin habang nagdidinner kami sa bahay. Labag sa kalooban ng magkakapatid lalo na asawa ko. Pero wala silang magawa dahil doon naisipan ni Zarah na ituloy ang pag-aaral.

Nandito kami ngayon sa bahay nina Kuya Matteo. Nagrequest kasi ito na sa rest house naman daw nila dito sa Tagaytay gaganapin ang salu-salo.

Nasa terrace kaming dalawa ni Mommy. Busy ang lahat. Ang mga lalaki ay nasa baba at nag-iinuman. Si Ate Karinne naman ay nag-aalaga ng dalawang anak a