Chapter 30

        Parang replay lang ang nangyari. Ang sabi ng school nurse okay naman daw si Ashley. Baka puyat at pagod lang kung kaya't hinayaan na siya ng School Head na iuwi ang dalaga sa kanila. Dahil walang malay sa buong durasyon ng biyahe ay hindi na ginising ni Zanjoe si Ashley sa pagkakatulog. Dahil naitawag na niya ito sa bahay ng dalaga ay hindi na siya nahirapang ipasok ang sasakyan sa bakuran. Pinangko niya ito at dire - diretso na siya sa silid nito matapos tanguan ni Manang Lydia.

        Kahit nag - aalala sa dalaga ay hindi niya naiwasang mapansin na wala na ang lahat ng posters ni Hugh sa dingding. Ang nakakagulat ay ang mga pumalit na posters ng mga endorsements niya. Is it true? Hindi ba siya nananaginip lang? 

        Agad niyang ibinaba ang dalaga sa kama nito. Inalis niya ang suot nitong sapatos upang maginhawahan ang pakiramdam nito. Pakiramdam niya ay bumalik s