Abala sa paghahanap ng kakantahin ang mga babae sa song catalog ng videoke nina Andrei. Masaya namang kumakanta at sumasayaw sina Marc, Jebon, at Alvin. Nakasarado ang music room na may katamtamang laki kaya tiwala sila na hindi maririnig sa buong kabahayan ang boses nila.
Nang matapos ang tatlong lalaki ay kaagad na bumirit ng madamdaming kanta si Nannette. Nakatayo naman sa magkabilang tabi niya sina Norma at Angelie, sumasabay sa pagkanta niya habang pumapalakpak na may ritmo.
Natutuwang inasar sila ni Mon. "Bigyan n'yo nga ng mic iyang dalawa at birit na birit na! Baka agawan na nila ng mic si Nannette." Tumawa siya nang panlisikan siya ng mga mata ng dalawa. "Kung maka-emote kasi kayo, akala mo naman inlab na inlab!"
Sabay naman siyang binelatan nina Angelie at Norma. At dahil hindi sila tinatantanan ng pang-aasar ni Mon ay nagkasundo ang dalawa na huwag nang pansinin ang mga banat sa kanila ni Mon.
"Tingnan mo 'yang dalawa," ani Mon kay Andrei, "siguro kung una silang nagkakilala baka sila ang mag-bestfriend ngayon."
Napangiti naman si Andrei sa narinig habang nakatingin kina Norma at Angelie. Tila nga close na close ang dalawa ngayon. Agad namang umasa ang puso niya na lalawak ang close network ng kaibigan niya. Gusto rin naman niyang makitang lumaki ang mundo ni Angelie at dumami ang mga totoong kaibigan nito na maaasahan nito sakaling wala siya.
"May chance! Puwede ngang mapalitan si beshy Andrei!" susog naman ni Jebon habang nakatayo malapit kina Andrei at Mon. At pabulong niyang idinugtong ang naisip, "pero baka mag-away din sila dahil kay Papi Andrei!" Pabiro pa niyang kinurot ang pisngi ni Andrei.
"Kung ano-ano na'ng iniisip mo diyan," saway niya kay Jebon. "Let's enjoy this peaceful evening, okay?" At sinenyasan ni Andrei si Jebon na umupo sa tabi nila. Tumalima naman ito.
Pinagbigyan naman ni Nannette na makagamit ng microphone ang dalawa. Pinakanta niya sina Norma at Angelie ng tig-isang stanza, pero tiniyak niyang siya ang kakanta sa chorus part. Salitan sa pagkanta ang mga babae kaya napakamot na lang si Mon na gusto rin sanang kumanta.
Pumasok naman si Ronald, ang ama ni Andrei, sa music room. Sandali niyang pinanood sa pagkanta ang mga babae. Nang si Angelie na ang tumayo at buhos ang loob sa pagkanta ay niyaya niya ang mga lalaki na lumabas. "I have something for you, boys," aniya sa mahinang boses. Sumunod naman ang mga lalaki sa kaniya patungo sa garahe.
Ipinakita ng ama ni Andrei ang lumang bisikleta ng binata na inayos niya. "Customized na ito for long trail and mountain adventures. Baka may bike din kayo, gamitin n'yo na."
Nasorpresa naman si Andrei sa ginawa ng ama. "Inayos n'yo po pala ang bike ko?"
"Ang gara naman ng bike mo, bro!" Hinipo pa ni Marc ang naturang bisikleta, at umiling-iling. "Wala, napag-iwanan na talaga ang bike ko."
"Hindi mo rin naman ginagamit," mabilis na sagot ni Jebon kay Marc.
"Paano ko magagamit," sagot niya naman kay Jebon, "'di mo pa nga sinosoli." Nagtawanan naman ang lahat sa narinig sa dalawa.
"Hindi ka lang talaga marunong mag-bike, kaya nawawalan ako ng ganang isoli iyon sa iyo," hirit pa ni Jebon, na lalong ikinatawa ng grupo.
Hinintay muna ni Ronald na pumayapa ang lahat bago siya muling nagsalita. "Nakausap ko ang old friend ko. May gagawin silang bike-a-thon sa may Marikina River," panimulang paglalahad ni Ronald sa mga binata. "If you want, I'll register your names so you can be part of their noble cause. They pledged to support the government's clean-up drive of the river. Chance n'yo na rin iyan to be healthy, guys."
"Maglilinis po kami ng ilog?" May himig ng pag-aalala sa tanong na iyon ni Jebon.
Nakangiti namang sinagot ni Ronald si Jebon. "No. But your membership registration will be used to help them clean the river. Saka, balita ko'y wala pa kayong mga nobya. It's a good event to start a good relationship with someone."
Na-excite naman ang mga binata sa narinig, pero agad na nalungkot si Marc dahil sa naisip niya. "Wala po akong extra cash, Sir," ang pag-aalala niya.
Ngumiti naman si Ronald sa binata. "Ako na ang bahala diyan. Ang role ninyo lang ay sumali sa event at mag-enjoy doon." Nang nakitaan niya uli ng excitement ang mga kaharap ay hinugot niya ang cellphone mula sa bulsa para mag-dial. "That should give you a chance to get your girl," aniya kay Alvin at kinindatan pa niya ito.
Alanganin namang ngumiti si Alvin kaya tinapik siya sa balikat ni Ronald. "I'm sure, my son won't mind," bulong niya rito. Kinausap na niya ang sumagot sa kabilang linya. "Pare!" Lumayo siya sa mga binata habang nagsasalita. Naiwan naman ang mga binata na excited sa inaabangan nilang bike-a-thon.
SA may Riverbanks Center ang starting point ng bike-a-thon. Doon din nakalagay ang tarpaulin na may nakasulat na "Save the Marikina River". Lahat ng cyclist ay nakasuot ng helmet, knee pads at elbow pads. Pinayagan silang magdala ng backpack para sa kanilang inuming tubig at camera.
Napansin ni Andrei na tila hindi komportable sa pagkakaupo si Angelie sa nirenta nilang bike para sa kaniya. Kulay pink ito, pinili ni Ronald para katerno ng outfit ni Angelie. "Okay ka lang ba?"
Alanganin namang tumango sa kaibigan ang dalaga. Nahihiya siyang magreklamo lalo at nakatitig sa kaniya ang ama ni Andrei.
"Are you sure? Baka gusto mong magpalit tayo ng bike?" Nang hinawakan niya ang bike nito para magpalit sila ay umiling sa kaniya si Angelie.
"She will be fine. Hindi n'yo naman kailangang maging pinakamabilis. Just enjoy your adventure," ang sabi ni Ronald, at tinapik niya sa balikat si Angelie, kapagkuwa'y si Alvin. Sinenyasan pa niya si Alvin na lumapit sa babae. Sumunod naman ito.
Nang dumating si Norma kasama sina Grecia at Vens ay masaya niyang binati ang tatlo. "Heto na pala ang magagandang dilag!"
"Goodmorning po!" ang sabay na pagbati ng tatlo. May shade of purple ang suot na outfit ni Vens, Lilac naman ang kay Grecia, at violet ang kay Norma. Katerno ng biking gear na suot nila ang kulay ng kanilang bisikleta.
Masayang ginagap ni Ronald ang kamay ni Norma. "Good morning, beautiful girl," nakangiti niyang binistahan ang outfit nito. "Color violet, fit for a royal-looking girl." Iginiya niya ito para tumabi kay Andrei. Pinatabi niya rin sina Vens at Grecia. Pinapuwesto niya sa bandang likuran nina Andrei sina Mon, Jebon, Marc, Nannette, at Melrose. Pinausog naman niya sa bandang hulihan sina Angelie at Alvin. Hinawakan niya sa balikat sina Angelie at Alvin habang kinakausap ang dalawa. "Noong college kami, madalas kaming sumama sa ganitong events. This is where we meet people. People you meet can stay in your life, while others are just for temporary enjoyment." Tiningnan niya sa mukha si Angelie, "it is important to be able to determine the person who will stay with you. You should appreciate the love that is offered to you. Don't close your doors."
Nagbuka ng bibig si Angelie, pero pinili niyang manahimik na lang. Naisip niyang mababalewala lang din ang kung anong sasabihin niya. Ayaw din niyang maging dahilan ng pagbangon ng tension sa grupo nila. Kitang-kita pa naman niya ang excitement sa mukha ng mga kasama.
Sasarilinin na lang niya ang nararamdamang sama ng loob. Sa palagay niya ay inilalayo siya ng ama ni Andrei sa anak nito. Pero kaya niyang ngumiti sa lahat. Kaya niyang magpakasigla.
Kinawayan ni Ronald ang grupo nang magsimula na ang bike-a-thon. Dumaan sila sa may amphitheatre, sa may floating stages, sa may Chinese Pagoda, at ilang tourist spots. Pero sa may estatuwa ng isang babae na tinatawag na Maria Quina napatitig si Alvin habang nagba-bike. Nang paliko na siya ay saka niya napansing hindi na niya kasabay si Angelie. Nag-aalalang tumingin siya sa bandang unahan, pero hindi niya nakita ang dalaga. Halos magkandahaba na ang kaniyang leeg sa paglingon sa may likuran. Marami kasing sumali na bikers kaya hindi niya agad nakita si Angelie. Hinintay niyang maubos ang mga nagbibisikleta bago niya binalikan ang pinanggalingan niya.
Nakita niya sa isang tabi si Angelie na nanlulumo. "Angelie!"
Ipinakita ni Angelie sa kaniya ang sirang upuan nito. "I guess I'm not lucky, huh!"
Naawa naman siya sa dalaga. "Di bale, you can use mine. Mauna ka na do'n, I'll try to fix this," aniya sa babae habang kinukuha niya rito ang kulay pink na bike.
"But how? Wala kang tools."
Tama naman ang dalaga. Nakalungayngay na ang upuan at wala siyang magagamit na tools. "Di bale, maglalakad na lang ako. Mauna ka na lang, Ange." Naaawa siya sa babae na pinamumulahan na ng mukha.
"No. I will not leave you here."
Naglakad silang dalawa. Saktong tumatagaktak na ang pawis nila nang sumulpot sa harapan nila si Andrei.
"Hey, guys!"
"Besh!" Tila batang gustong magsumbong ni Angelie kay Andrei.
Napailing si Andrei nang makitang sira ang nirentahan nilang bike para kay Angelie. Agad siyang nag-dial sa cellphone. "Hello! Pakikuha ho ang bike n'yo rito."
Napatingin si Andrei sa ginawa niyang upuan kagabi. Wala naman sana siyang planong magpaangkas sa biking event nila ngayon pero ewan niya naisipan niyang ibalik ang upuan na tinanggal ng ama niya. 'Mabuti na lang pala at ibinalik ko. Hindi sana nag-enjoy si besh kung hanggang doon lang kami', ang nasa isipan niya habang nakatingin siya kay Angelie.
NAGTAGIS ang bagang ni Ronald nang makitang nakaangkas sa kaniyang anak si Angelie. Tiningnan niya si Norma. Nakita niya ang gumuhit na sakit na naramdaman sa mga mata nito. Gusto niyang paglubagin ang kalooban ng dalaga na sumama dahil sa nangyari.
Kapit lang po, dear readers. Mabubuo rin ang parts nito. Keep reading po.
EXCITED si Angelie habang naghihintay kay Andrei. May usapan kasi silang dalawa na magkikita sila ngayon. Susunduin siya ng kaibigan para mag-jogging. Twenty minutes before five siya susunduin pero alas kuwatro pa lang ng umaga ay nakabihis na siya. Nang malapit na ang oras ay bumaba na siya at nag-abang sa lobby. Nang makita ni Angelie ang papalapit na taxi ay agad siyang lumabas ng building. "Good morning!" Masaya niyang kinawayan ang binata. "Good morning!" Pinagbuksan niya si Angelie para makaupo sa backseat ng taxi, sa tabi niya.. Agad namang sumakay ng taxi si Angelie. "Mabuti, walang ulan ngayon. Tama ang weather prediction mo." Kinikilig pa ang dalaga habang nakikipag-usap sa kaibigan. Bahagya namang natawa si Andrei. "Internet iyong tinanong ko." Parang hindi siya makapaniwala sa nakikita niyang kasiglahan ng babae. "Alive na alive yata ang nocturnal naming dalaga ngayon." Bumungisngis naman siya agad. "I'd like to shed some fats." "Oh!" Hindi muna niya tinanggal ang ka
HINDI mapakali si Angelie habang tinitingnan ang oras sa ka iyang cellphone. Kanina pa siya naghihintay sa may corridor. Malapit na ang oras ng ensayo nila para sa nalalapit na cheering competition, pero wala pa rin si Andrei. Kahit na friendly competition lang ang isasagawa ay gusto pa rin nilang mag all-out sa kanilang performance. Ito ang dahilan ng pagbabago nila ng cheering uniform. Bagay kasi ito sa bago nilang cheering moves. Hindi pa nakikita ni Andrei ang bago nilang uniform kaya't gusto niyang sorpresahin ang kaibigan. Pero malapit na siyang ma-late sa cheering practice nila. 'Andrei?' Nakikita na niya ang noo at buhok ni Andrei. Natatakpan ng ilang estudyanteng naglalakad ang mukha ng lalaki, pero natitiyak niyang si Andrei ito. Dahil kailangan na niya itong makausap, halos patakbo niya itong sinalubong. "Besh,..." tawag niya kay Andrei nang malapit na siya rito. "O? Besh,..." nakangiti siyang binistahan ang suot na cheering uniform ni Angelie. "Iba yata ang uniform n'y
HINDI niya kayang mawala sa kaniya si Angelie. Alam din niya na mahihirapan si Angelie kapag mawala siya sa buhay ng dalaga. Isipin pa lang niya na magkakahiwalay silang dalawa ng landas ay ramdam na niya agad ang kalungkutan, at ang pagkaawa kay Angelie. "This is just a test to our friendship. Self, don't give in," mahina niyang sambitla habang nakatingin siya sa sarili sa harap ng salamin. Kinurot-kurot pa niya ang sariling mga pisngi at kapagkuwa'y tinampal-tampal ito ng mahina. "Don't imagine weird things," ang bilin niya sa sarili bago siya umalis ng bahay. Habang nakasakay siya ng bus papuntang school ay mukha ni Angelie ang nakikita niya sa kaniyang isipan. Napabuntunghininga na lang siya. Mukhang hindi siya pinakinggan ng kaniyang 'self'. Kung sino ang pinipilit niyang huwag isipin kanina ay siya namang nag-aabang sa kaniya sa paaralan. Masaya siyang sinalubong ni Angelie sa may lobby. "Andrei!" Nang magtagpo sila ay agad nanulis ang nguso ng babae na tila nagtatampo. "Wha
HINDI pa rin siya makapaniwala na nagawa niyang dampian ng halik sa labi si Angelie, kaya madaling-araw na ay hindi pa rin siya makatulog. Hindi niya maipaliwanag ang naramdamang sensasyon sa isang segundong halik na iyon. Ang mahirap, hanggang ngayon ay kinakabahan pa rin siya sa tuwing naaalala niya ang sandaling iyon. Umaga na. Heto siya ngayon, hindi alam kung paano iiwasan si Angelie sa school. Nakita niya ang dalaga na naglalakad sa lobby patungo sa direksyon niya. Bigla siyang lumiko para makaiwas sa dalaga. Mabilis siyang naglakad at nagpaliko-liko. Pagdating niya sa classroom nila ay nagtaka siya dahil walang tao. Gusto niyang tawagan si Angelie para magtanong, sa halip ay si Mon ang tinawagan niya. "Bro, nasaan ka?" ang bungad na tanong ni Mon sa kaniya nang sinagot nito ang tawag niya. "Nandito ako sa classroom natin. Bakit walang tao rito?" "Bakit ka nandyan? Nandito na kami sa school ground. Ikaw na lang ang wala rito!" "Ba't kayo nandyan? Ano'ng meron?" Wala siyang
Legit ang kalungkutan sa puso ni Andrei. Pinanindigan niya ang pag-iwas na makipag bonding kay Angelie tuwing matapos ang school time. Hindi na rin siya nakipagkita sa kaibigan kahit sa weekend. Mag-isa siyang naglaro ng basketball sa likuran ng bahay nila. Ginusto niyang magpapawis. Habang nagdi-dribble ay hindi pa rin makatkat sa isipan niya ang kaibigang si Angelie. Iniisip niya na kawawa ito, na paniguradong malungkot ito ngayon. Nalulungkot siya para sa kaibigan. Pero hindi pa kasi niya ito handang harapin, habang ginugulo pa siya ng 'weird' niyang imaginations tungkol sa kanilang dalawa. Ayaw niyang maging unfair sa dalaga. DUMATING na ang coronation ng Campus Crush. May dance ball sila ngayong gabi. Kagaya ng inaasahan nilang magkakaklase, si Angelie ang nanalong Female Campus Crush. Siya naman ang nanalong Male Campus Crush. Dati ay Campus King and Queen ang naturang patimpalak. Pero binago ito at idinaan sa botohan ng mga estudyante. Ang hindi lang binago ay ang araw ng n
"Just for experience lang naman," ang narinig niyang sabi ni Nannette kina Angelie at Melrose habang magkasama na nakaupo ang mga ito sa canteen. Sinadya niyang magpahuli ng pagpunta sa canteen, baka sakaling magkaroon siya ng dahilan para sa iba muna siya makigrupo for this lunch time at hindi muna kina Angelie. "Andrei!" Tinawag siya ni Angelie at automatic naman siyang umupo sa tabi nito. Muli siyang tumayo para kumuha ng pagkain. Habang pumipila para kumuha ng pagkain ay natawa na lang siya sa sarili. Wala ring nangyari sa pagpahuli niya, heto at gutom na siya pero doon pa rin ang puwesto niya sa tabi ni Angelie. Sina Mon naman ay nasa katabing mesa lang nila. Pinili niyang tahimik na kumain habang nag-uusap ang mga katabing babae. Pero hindi naman papayag ang mga ito na hindi siya sasali sa usapan nila. "Payag ka ba, Andrei?" ang tanong ni Nannette sa kaniya. "H-ha?" "Di pa raw kasi nagkaka-boyfriend si Angelie. Irereto ko siya sa pinsan ko." Kinilig pa siya na bumaling ka
"She loves me,... she loves me not," ang mahinang usal ng binata habang isa-isang itinuturo ng kaniyang hintuturo ang mga talulot ng tanim na rosas ng kaniyang ina. Ayaw niyang pigtalin ang mga talulot kaya itinuturo na lang niya ito. Nakakatatlong rosas na siya na laging "she loves me" ang huli niyang nasasambit. "She loves you, Kuya!" ang biglang bungad sa kaniya ni Errol. Pabatok naman itong sinaway ng ina niyang si Flor. Nagulat man sa ginawa ni Errol ay ngumiti na lang si Andrei. Pinilit niyang itago ang tila paglundag ng puso niya dahil sa sinabi ni Errol. "Pumasok ka na nga doon," utos ni Flor sa anak. Kakamot-kamot naman sa ulong tumalima naman ito. Ngumiti si Flor sa binata. Tinabihan niya ito. "May gumugulo ba sa isipan mo?" Kanina pa kasi niya napansin na tahimik na nakaupo rito ang binata. "Para kasing malalim ang iniisip mo mula pa kanina." Saglit namang nag-isip si Andrei. Tinitimbang ang sasabihin niya sa katulong nila na itinuring na niyang parang kamag-anak. Nasa
SINIKAP ni Andrei na makabawi sa grupo. Itinodo niya ang pakikipaglaro sa mga ito habang nagtatampisaw sila sa tubig. Ilang oras lang ang ilalagi niya rito kaya ibinuhos na niya ang kaniyang lakas kahit na pagod pa siya. Mahaba kasi ang ibinyahe niya. Habang nakikipagkulitan siya sa mga kaibigan ay pinili niyang dumikit sa mga lalaki kesa sa mga babae. Tuwing tinatawag naman siya ni Angelie ay nagpapasama siya kay Alvin, gayon din ang ginagawa niya tuwing tinatawag siya ni Norma. "Hanep, parang kayo na ang mag bestfriend ngayon ni Alvin, ah. Baka naman magselos na sa kaniya si besh mo," ang panunukso ni Mon sa kanya. Tinawanan niya lang ito. Sanay na siya sa pagiging observant at mapang-asar ni Mon. Sila pa ring dalawa ni Angelie ang magkatabi sa bus sa uwian. Expected na ito ng lahat. Palagay niya'y magtataka ang lahat kung hindi siya tatabi kay Angelie. Sa kabila namang linya ng upuan ay nandoon sina Melrose at Nannette. Pare-pareho silang pagod, kaya hindi na siya nagtaka na hi