Fifth Attack

Seriously, init na init na talaga ako sa suot ko dahil pinuno nila ng leather ang katawan ko.

"Dudulas lang ang ngipin ng mga zombies d'yan kaya maganda kung puro leather ang suot mo," sabi ni Cedrick habang matamang nakatingin sa akin. Nanliliit ang mga mata niya at nakalagay pa ang dalawang daliri niya sa chin niya na para bang iniisip kung may kulang pa ba.

Unlike Maximus, Cedrick's body is leaner and slimmer. Sakto lang ang kulay niya. Hindi sobrang puti o sobrang brown. His nose is pointed and his lips are red.

"At hindi masakit sa mata, di gaya ng suot mong hospital gown kanina," dugtong naman ni Celine habang inaayos ang collar ng leather jacket na suot ko.

Pinahiram niya ako ng spaghetti strap sando, binigyan nila ako ng leather jacket, faded jeans at combat shoes. Binigyan din nila ako ng gloves. Kung saan nila nakuha ito, hindi ko na alam. Mas okay nga ang suot ko ngayon kaysa kanina.

"Gusto mo bang magkaroon ng bangs kagaya ko?" tanong ni Celine habang nakangiti sa akin. Ipinakita niya ang bangs niyang abot na hanggang sa  ilong dahil matagal na yata noong huling magupitan. Bahagya naman akong umiling. Ayoko ng bangs. "Oh? Sige na! Para nga pareho tayong may bangs eh!"

Umiling ulit ako. Tumalikod siya sa akin at lumabas ng pinto. Dinala nila ako sa isang room na may isang kama at bedside table. Ito yata ang kwarto ni Celine pero dahil dalawa na kaming babae dito sa Squad, dalawa na kaming matutulog dito. Mukha namang wala lang sa kanya kung may katabi siya.

"Wag mo nang pansinin 'yun si Celine. Gustong-gusto niya lang talagang magkaroon ng nakababatang kapatid na babae." Paumanhin ni Cedrick sa akin.

Nakaupo ako ngayon sa kama at suot ang mga damit na pinasukat nila sa akin. Nakatayo naman ang tatlong lalaki sa harap ko at iniisip parin kung ano bang kulang sa suot ko.

"Ilang taon ka na ba, Collier?" tanong ni Maximus sa akin.

Kumunot ang noo ko at pilit piniga ang utak ko para malaman ang mga impormasyon tungkol sa akin pero wala talaga akong maalala.

"Twenty-five," sagot ni Nate. Buti pa siya kilala niya ako samantalang ako, hindi ko kilala ang sarili ko. "Seven years ago, ako ang last dance mo sa debut mo."

Sabi niya na ikinagulat ko. Siya ang last dance ko?! Does that mean, he really matters to me?!

"Really, Nate? You're not feeding us with lies?" Pinanliitan ni Maximus ng mata si Nate.

Nate shook his head. "Believe it or not, you used to like me. Sabi mo kasi dati, ayaw mo sa mga playboy o badboy at mas gusto mo ang mga tahimik na kagaya ko."

I just felt goosebumps. Is he telling the truth or he's just using my condition to raise his ego?

Cedrick chuckled. "You're still lucky, Collier."

"Ano pang alam mo tungkol sa akin?"

"You are Collier Harrington."

Harrington? That doesn't even ring a bell.

"May dalawa kang kapatid. Sina Ate Shan at Kuya Ryle. Ang Mom mo ay sina Tita Becca at ang Dad mo ay si Tito Raven. Nakatira ka sa North wing."

Kahit anong paliwanag niya ay wala akong matandaan. May ate at kuya ako? Si Mom ay Becca ang pangalan? Si Dad ay Raven naman?

Kahit hindi ko maintindihan ay pinilit kong ipasok sa utak ang mga impormasyon.

"Hmm. Oo nga pala, may apat na wing sa bansa. Ang north, east, west at south," paliwanag ni Cedrick at nakaturo pa ang hintuturo sa kisame. "Bago pa lumaganap ang zombies, iba pa ang pangalan ng mga lugar pero nung dumami ang zombies, hinati nalang sa lima. At ang pang lima ay ang Center."

"May pag-asa ba akong makapunta sa North wing?" Nandoon ang pamilya ko, kailangang makarating ako doon.

Bahagyang napailing si Cedrick. "Dadaan ka muna sa Center. At sa Center matatagpuan ang mga Fascists. Kung liliko ka pa sa Eastern boundary o western boundary, masyadong malayo."

"At isa pa, sobrang daming squad sa East wing. Sa West wing naman, sobrang masukal at pwede kang maligaw papunta sa Center," paliwanag naman ni Maximus. "Based on experience."

Pero hindi pa rin imposible. Pwede akong dumaan sa west wing kahit masukal ang daan.

"Dito sa South wing ang pinakaligtas na lugar dahil zombies lang ang kalaban natin dito. Sobrang daming zombies," paliwanag pa ni Max.

"Mas okay nang zombies ang makaharap ko kaysa mga Fascists," komento naman ni Cedrick.

Ano bang nangyari sa akin bago ako mawalan ng ala-ala? Ugh, wala akong mapiga sa utak ko.

"Dapat pareho tayong may bangs!"

Muntik na akong mahulog sa inuupuan ko nang biglang sumugod si Celine habang may hawak-hawak na gunting. Nanlaki ang mga mata ko ng lumapit siya sa akin at akmang gugupitin ang buhok ko.

"S-sandali... Ayoko ng bangs," angal ko pero parang wala siyang naririnig. Kinuha niya ang unahang parte ng buhok ko at sinuklay gamit ang mga daliri niya. "S-sandali lang, Celine..."

"Pagbigyan mo nalang siya. Hindi talaga 'yan titigil hangga't hindi nakukuha ang gusto niya," sabi ni Cedrick.

Tinignan ko sina Max at Nate at nanghingi ng tulong pero umiling lang sila at sumenyas na hayaan ko na lang.

"Paano ba ang gusto mo? Diretso lang o pa-slant? Gusto mo ba straight lang-"

"Ayoko nang may bangs..."

Pero wala parin siyang narinig at itinuloy ang pagsukat. Binanat niya ang buhok ko pababa at inihanda ang gunting.

"Wag kang gagalaw. Ayaw mo naman sigurong mabulag." Hagikhik niya.

"W-wait... Alam mo ba talaga ang ginagawa mo?"

Hindi na siya sumagot at napapikit nalang ako nang maramdaman ko ang pagkaputol ng buhok ko. Nanatili akong nakapikit at ilang segundong katahimikan ang namayani sa silid. Dahan-dahan kong iminulat ang mga mata ko at nagulat ako sa mga hindi maipintang mukha ng apat na tao sa harap ko. Ilang segundo lang ay nagtawanan na ang mga kalalakihan.

"Oh, shit. May higad ka sa noo!"

"What the fuck? Anong ginawa mo sa kanya, babe?!"

"Hindi mo dapat hinila 'yong buhok niya dahil kapag nagupit 'yon, mag-iiba 'yon ng length. Tingnan mo, sobrang ikli ng bangs niya, ni hindi man lang umabot sa kilay."

Napahawak ako sa bangs ko at naramdaman kong hindi nga ito umabot sa kilay ko. Shit. Kung pwede lang pumatay ngayon.

Agad akong napatakbo sa harap ng salamin at doon ko nakita ang resulta.

What the fuck?

Hindi parin tumitigil sa pagtawa si Maximus kahit na sinisiko na siya ni Nate.

"Uh..." ang tanging nasabi ni Celine.

Kinunutan ko lang siya ng noo. Sino ba naman kasi ang matutuwa kung hindi manlang umabot ng kilay ang bangs mo? Worst, hindi mo pa ginusto ang bangs.

"Okay lang yan para hindi maharangan ng buhok mo yung paningin mo kapag bumaril ka," natatawang saad ni Cedrick.

"M-may elastic band ako rito..." Ngumiti nang awkward si Celine. Alam niyang kasalanan niya ito kaya gumagawa siya ng paraan para palubagin ang loob ko.

"I hate you all," tangi kong sabi.

"Pakitawag nga si Pisces sa kwarto niya. Sabihin mo hapunan na." Nag-iwas ng tingin si Cedrick habang may binubuksang de lata gamit ang kutsilyo niya.

Naghahanda ng mga plato si Celine. Kumukuha naman ng upuan sina Nate at Max. Ako lang ang walang ginagawa kaya ako nalang ang inutusan niya.

Pero ayoko sa aura niya. Nakakakaba. Nakakatakot. Parang anytime, pwede kang saksakin.

"Uh, kung gusto mo, ako nalang ang magbubukas niyan..." sabi ko sa kanya pabalik habang inaayos ang bangs ko.

Binigyan ako ni Celine ng rio at itinali ko naman yun sa bangs ko. Kaya ang resulta, umangat silang lahat at exposed na exposed na ang noo ko. Mukha rin akong ipis na may antenna. lahat ng ito, kagagawan ni Celine.

"Ikaw na. Kaya mo 'yan." Pagpapalakas-loob sa akin ni Nate. May gut feeling ako na ayaw lang talaga nilang makaharap ang team leader kaya ako ang inuutusan nila.

Wala akong nagawa kung hindi ang tumayo. Wala naman akong ginagawa e.

"Bakit hindi siya nakikihalubilo sa inyo?" tanong ko sa kanila.

"Loner," maiksing sagot ni Nate habang inaayos ang mga upuan.

"Three inches paabante," utos niya kay Maximus. Bakit ba nila inaayos ang upuan ng sobra? Kakain lang naman ng sardinas.

"Mas gusto niya ng tahimik na lugar kaysa marinig ang maingay na bunganga ni Celine," sagot naman ni Max habang inaayos ang upuan na itinuro ni Nate. Dapat yata silang bigyan ng ruler.

"Duh! Mas gusto niya kasing kumanta ng malungkot na kanta buong araw. 'Wag niyo ngang isisi sa akin ang pagkukulong niya sa kwarto niya."

Malungkot na kanta?