Chapter 24

[Present]

BIGLA kong nakita si Mama na papunta sa amin pero nang makita niya ako ay bigla siyang nagulat at mabilis na napa-atras.

“Anong ginagawa niya dito?” ang tanong matapos makitang nakasunod sa kanya si Papa.

Kita ko ang kaba sa mukha ni Mama matapos akong magtanong.

“Napadalaw lang ako, Aaron,” ang sagot ni Papa.

“Maayos ang buhay namin kaya hindi mo kailangang dumalaw.”

“Aaron,” ang saway ni Mama at saka lumapit sa akin. “’Wag ka namang magsalita ng gan’yan sa Papa mo.”

Pero hindi ko pinakinggan si Mama. “Ano bang kailangan mo? Naubos na ba ang perang binigay ko sa inyo?”

Gumuhit ang galit sa mata niya matapos ko iyong sabihin. “Wala kang galang, a!”

Hindi ko siya pinansin at tumingin kay Mama. “Sa kwarto lang po ako,” ang sabi ko at nilampasan sila.

“Napakawalang-modo, porket artista’t sikat,” narinig