Chapter 26

NAGISING ako at agad hinanap ng mga mata si Thalia. Muntik pa akong bumangon para hanapin sa labas.

“Aaron?”

Napalingon ako nang lumabas siya mula sa banyo.

“Akala ko umalis ka na,” ang sabi ko matapos makahinga nang maluwag.

“Naghugas lang ako ng kamay,” ang sagot niya at lumapit sa akin. “Humiga ka ulit, hindi ka pa magaling.”

Sinunod ko ang sinabi niya at muling nahiga. Tiningnan ko sa side-table ang orasan. Malapit na palang magtanghali.

Napansin ko ang damit niya. Kahapon niya pa ito suot. At sigurado akong hindi pa siya nakakauwi sa kanila. “Baka hinahanap ka na sa inyo.”

“Nagpaalam na ako kay Daddy at Mommy kaya ayos lang.”

“Pero kasi…” Pagkatapos ay tinuro ko ang suot niyang damit.

“Bakit?” ang tanong niya. Mukhang hindi nakuha ang ibig kong sabihin.

“Kahapon pa kasi ‘yang suot mo. Baka lang hindi ka na komportable.”

Sandaling lumikot ang mga mata niya.

“Kung okay lang sa ‘yo may extra akong damit d’yan. Never ko pang nagamit. Pwede ka rin