Share

Kabanata 1.2

GAVIN POV

Makikita mo ang galit sa mukha ni Kent pero kalmado lang itong babaeng ito na alam kong mas lalong kinaiinisan ni Kent. 

“Ibalik ko kaya sayo yung tanong, bakit mo ako tinapunan?” Walang emosyon niya pa ring saad. Simula ng makita namin siya kaninang umaga ay wala pa rin siyang kaemo-emosyon. Iisa lang ang reaksyon niya—blangko. 

“Dahil mayabang ka! Hindi ko gusto ang pagmumukha mo!” galit na ani ni Kent. 

“That’s enough Kent Chester. Babae yang inaaway mo!” awat na rin  ni Chase sa pagitan nilang dalawa. 

“He’s right Kent, marami ang nakakakita dahil kahit anong sabihin mo, baliktarin mo man ang mundo babae pa rin yan.” Singit ko na rin. 

“Ha! kinakampihan niyo ang babaeng ito?!” turo niya sa babae. 

“Hindi naman sa ganun bro pero tama silang dalawa, mali ang ginawa mo.” Sa wakas nagsalita na rin si Kendrick.

“Napahiya ako mga pre! Dahil sa babaeng ito!” duro niya sa babaeng wala pa ring reaksyon ang mukha. She’s weird. Kung ibang babae yan baka umiiyak na. Napabuntong hininga na lamang ako dahil nag-uumpisa nanamang mambully si Kent. 

“Ikaw naman ang nauna eh! Napahiya mo rin siya! Come on bro.” Hinila siya ni Chase palayo sa babae. 

“Fine palalampasin kita ngayon! At huwag mo ng ibalandra yang pagmumukha mo sa harapan ko.” Habol pa niyang saad bago siya tumalikod. Sinundan namin siyang tatlo saka ko sinulyapan ang babae na nagpupunas na sa mukha niya. 

Gago talaga kahit kelan ka Kent. Pinapaitang kambing pa naman yung inorder niya. Kaya pala kambing ang inorder dahil hindi naman pala kakainin, kailan ba kumain ng kambing ang gagong ‘to? Sinundan namin siya sa locker room at nanguha ng damit niya. 

“Gagong yun akala mo kung sinong siga. Hambog!” galit niya pa ring saad habang inilolock ang locker niya saka nagtungong banyo.

“Here we go again.” Parang sumusuko na ring saad ni Chase.

“He’s doing it again.” Sambit na rin ni Kendrick.  

“Akala ko pa naman tuloy tuloy na ang pagbabago niya hindi pala.” Nawawalang pag-asa kong sambit. 

“Napahiya yung babae pero gusto niya siya pa rin ang kampihan natin? Gagong Kent.” Iiling iling na saad ni Kendrick.

Hinintay na lamang namin si Kent sa labas saka kami lumabas at kumain sa tapat ng school na restaurant. 

ASHERY POV

Wala akong nagawa kundi ang maligo dahil mula ulo hanggang dibdib ko ay malangis! Ano bang problema ng lalaking yun?! Tahimik akong kumakain tapos tatapunan niya ako ng pagkain niya. Nagsasayang siya ng pera. Halos maubos ko ang liquid soap ko at ilahat sa ulo ko ang isang sachet ng shampoo at conditioner. Lintik na yun ang kapit pa naman ng amoy ng pinapaitan niya!

“Ash ok ka na ba?” rinig kong tanong ni Aira na naghihintay sa labas ng shower room. Nagbihis na ako saka ako lumabas at pinunasan ng twalya ang basa kong buhok. 

“Oh my God. We’re sorry Ash.” Tinapunan ko lang siya ng tingin saka ako naupo sa bench at pinagpatuloy ang pagpupunas ng buhok ko. 

“Anong ginagawa niyong lahat dito?”malamig kong aniya saka tiningnan ko sila isa isa. 

“Ah nag-aalala lang sila sayo Ash.” Si Aira ang sumagot. 

“I don’t need your worry hindi ko kayo kilala.” Tumayo na ako saka ko inilagay sa locker ang basa kong twalya. Mamaya ko ng uwian kunin. 

“Suklay oh.” Abot sa akin ni Aira, kinuha ko naman iyun saka naglakad palabas. 

“Pasensya ka na talaga Ash, first day nyo sa school namin pero ganiyan pa inabot mo.” Hindi ko pinansin ang nagsalitang iyun dahil hindi ko naman sila mga kilala. Nakarating kami ng room namin at umupo sa pwesto ko kanina. Napansin ko namang nasa unahan ko ang dalawang babae samantalang nasa gilid naman ni Aira yung bakla. 

“Siya nga pala ako si Sophia sya naman si Freya.” Pakilala ni Sophia. 

“Ako naman si Benjamin, Jamin na lang for short.” Si bakla. Tinanguan ko na lang sila saka tumingin sa harap. 

“Siya naman si Ashery Myth, Ash for short.” Pakilala sakin ni Aira. 

“Ako naman si Aira.”

“Oh nice to meet you guys hehe.” Si Freya.

Hindi naman na sila nag-ingay pa ng dumating na ang prof namin. Hindi ko alam kung magiging masaya ba ako dito, nakakaboring ang mga subjects dahil mga pinag-aralan ko naman na ang lahat ng yan. Tsss. 

Nagdiscuss na lang ng nagdiscuss ang prof namin tulala naman akong nakatingin sa harapan. 

“Tara na Ash.” Napatingin ako kay Aira na nakatayo na. Inilibot ko naman ang paningin ko at isa isa na pala silang nagsisitayuan. Hindi ko namalayang tapos na pala ang maghapong subjects. 

Naglalakad na kami papuntang locker room. 

“Oo nga pala Ash anong club kayo sumali?” tanong ni Sophia. 

“DT ” Maikli kong sagot. 

“Anong club yun?” rinig kong tanong niya kay Aira. Nauuna kasi akong maglakad sa kanilang lahat. 

“Bakla ka, DT na lang hindi mo pa alam. Dance troupe yun. Para mabawasan ba ang tuition?” hindi ko na sinagot si Jamin at papasok na sana ako ng locker room ng may biglang bumuhos mula sa taas. 

“BWAHAHAHAHAHA”

“HAHAHAHAHA.”

Rinig kong tawanan ng mga nasa paligid ko. 

“Ash.” Nag-aalala nanamang tono ni Aira. Inihilamos ko ang isa kong palad sa mukha ko at blangkong tiningnan ang mga estudyanteng nasa paligid ko. Ang sarap subuan ng malalaking bato ang mga bunganga nilang nakanganga katatawa. 

Bumuntong hininga na lamang ako at inilibot ang paningin ko para hanapin ang may pakana ng pagkaisip bata at mula sa dulo ng locker ay nakita ko siyang nakangisi habang nakasandal sa locker. 

“Uiy bakla ok ka lang ba? Sino bang gago ang gumawa nito?!”  Si Jamin. 

“HAHAHAHA bagay sayo yan, mukha kang b****a.” Rinig ko sa mga estudyanteng nasa paligid ko.

“Namiss ka yata ng mga anak mong b****a hahahaha.”

“HAHAHAHA.” Napakuyom na lang ako at humugot ng isang mahabang hininga. Calm yourself Ash. Hindi nila deserve ang oras ko lalo na ng atensyon mo. 

Naglakad na lang ako at nagtungong locker ko. Malas, katabi pa ng locker ko ang sinasandalan ng warfreak na ‘to.

Hindi ko na siya pinansin at binuksan ang locker ko saka ko kinuha dun ang huling pamalit ko. Mukhang kailangan kong punuin ng pamalit ang locker ko. 

“Bagay sayo, amoy kang b****a.” Rinig ko pang sabi niya. Pinagpatuloy ko na lang ang pag-aayos ng gamit ko. Badtrip naman wala akong twalya, basa pa.

“Ash twalya oh.” Nilingon ko si Aira saka kinuha ang inaabot niyang twalya. Humarap na ako sa warfreak na to saka siya blangkong tiningnan. Ngingisi ngisi lang ang loko. Tinalikuran ko na sila at nagtungo nanamang banyo. Lintik lang talaga. 

“Gago ka talaga Kent.” Rinig ko pang saad ng kasama niya bago ko buksan ang pintuan ng banyo dito. Humarap ako sa salamin at tiningnan ang sarili.

Naliligo nanaman ako sa mabahong amoy, ang lagkit pa ng mga sauce na ‘to. 

Mariin akong napapikit at paulit ulit na isinusumpa ang pesteng yun. Hindi ko aakalaing unang araw ganito ang nangyari? 

Isa pa, isang beses mo pa akong gawan ng hindi nakakatuwa, iiyak ka sa gagawin kong biro sayo. Hindi ako maganda magbiro. 

Mabilis na lang akong naligo saka lumabas. 

“Sa tingin ko kailangan mong kausapin si Kendrick, Sophia para kausapin niya si Kent.” Si Freya. Kinuha ko na ang gamit ko sa pang-umaga bukas para hindi na ako dumaan dito sa locker. 

“Wala akong karapatan para kausapin siya tungkol sa ginagawa niya Freya.” Si Sophia. 

“Pero malay mo makinig siya sayo lalo na at nanliligaw siya sayo.” Nauna na akong maglakad hanggang sa makarating ng parking lot. Isinuot ko na ang helmet ko saka ako sumakay. 

“Nakamotor lang kayo?” hindi makapaniwalang tanong ni Freya. Ano naman ngayon kung motor LANG Kami tsss. 

“Ah oo hehe ito lang meron kami eh.” Si Aira.

“Mauna na ako.” saad ko saka pinatakbo ang motor ko. 

Nababadtrip pa rin ako sa payat na warfreak na yun. Huwag ka lang talagang lalampas sa linya ginoo dahil hindi mo ako kilala. Huwag na huwag mong uubusin ang pasensya ko. 

Kaugnay na kabanata

Pinakabagong kabanata

DMCA.com Protection Status