KABANATA 3

Inayos niya ang damit na suot at tyaka lumabas na ng cubicle. Naabutan niya si Reez na nag-aalalang nakasimangot habang bitbit ang uniporme niya.

"Ano ba kasing ginagawa mo? Ang dumi tuloy ng damit mo, oh. Tsk tsk," sambit nito.

"Okay lang yan. Nangyari na eh," sabi niya at kinuha na ang damit niyang naka-plastic. 

"Pasalamat ka talaga at may dala akong damit at puti pa. Dahil kung hindi, naku, mukhang gusgusing bata ngayon," sambit pa nito.

Alam niya. Alam niyang kaunti na lang ay pukpukin na siya  ni Reez ng inodoro kung hindi lang siya nito kaibigan.

Naghugas siya ng kamay at tiningnan ang sarili sa salamin bago sila nagsimulang maglakad pabalik ng room.

Nasa hagdan na sila nang magsalita si Reez.

"Ano ba kasing ginagawa mo?" Tanong nito.

"Pagka-pasok natin kanina galing canteen, nakita ko si Jake na nagpupupok dun sa harap ng board—"

"Kaya ka pala nawala kanina tapos pagtingin namin sayo nakaupo na kayo ni Jake."

"Ayun na nga. Tapos tinulungan ko siya kasi mukhang nahihirapan siya. And then nakita kong di pa pala tapos kulayan yung ibang designs dun sa background natin kaya nag-suggest ako na kulayan namin." 

"Habang nagpipintura kami, naisipan kong tanungin kung dito nga ba siya nag-aral nung grade 5. Sabi niya oo daw. Tapos tinanong ko kung bakit, sabi niya, lumipat daw kasi yung papa niya sa Maynila kaya dapat silang sumama. Tapos di ko namalayan na sa sobrang tutok ko sa kwento niya, ayun naisandal ko na pala yung brush na may pintura sa damit ko." Dagdag niya pa.

Nahinto siya sa pag-akyat sa hagdan nang mapansin niyang wala na sa tabi niya si Reez. Nang tingnan niya ito  pabalik ay nakalagay ang daliri nito sa baba na animo'y parang may balbas at umaaktong nagiisip habang mariing nakatitig sa kanya.

Nakakunot noong tiningnan niya ito pabalik. "What's with that look?" Tanong niya.

"You lose your focus infront of someone, Just. That's new. No, that's totally new," sambit nito habang lumalapit palapit sa kanya.

"So?" Nakataas ang kilay na tanong niya.

"Are you feeling butterflies, Justine Sloane Quezon?" 

Kaagad niya iyong naintindihan kaya naman agad siyang umiling. "No. I don't. And wala sa isip ko ganyang bagay. Bata pa ako. Grade 7 lang tayo, Reez." She said on a normal voice.

Nagpatuloy sila sa pag-akyat hanggang sa makarating sila sa room. 

Nakita niya si Jake na nakatayo sa pwesto nito sa jingle, nakikipagtawanan sa mga kaibigan nito.

Wala siyang nararamdaman rito, yun ang nasisiguro niya. Bata pa sila at wala yun sa isip niya. Isa pa, si Jake, para sa kanya ay isang kaklase at katabi lamang sa upuan. Pumasok na siya sa loob nang makitang parang magsisimula na ang mga itong mag-practice. 

"Just." Rinig niyang tawag sa kanya ni Viah na nasa harapan na para magturo. Itinaas nito ang kamay na naka-sigh ng "ok" habang may reaksiyong nagtatanong.

Tumango naman siya bilang tugon.

Pumunta na siya sa pwesto niya sa may bandang dulo. Dalawang linyang mahaba ang ginawang pwesto ni Viah. Nasa bandang dulo siya sa unang linya. Karamihan ng mga lalaki ay nasa likod nila.

Tinuro na ni Viah at ng isa pa naming kaklase ang choreo na napagkasunduan nila. Seryoso si Viah habang nagtuturo at parang hindi nila ito kilala.

"Pagkatapos niyong sabihin ang 'Kumain ng gulay para magka-buhay' may pupunta sa gitnang anim na students at para sabihin ang 'Handa na ba kayo helenians' then habang ginagawa nila yun ay kukunin niyo ang mga pinapagawa kong gulay sa likod ng background at tyaka kayo babalik sa pwesto at itataas ito. Bibigyan ko kayo ng 10 seconds para gawin yun." Turo ni Viah.

"Sige na. Mag-water break na muna tayo for 10 minutes," pahayag ng isa nilang kaklase. 

"Tatawagin ko na lang ang mga napili namin para sa anim na estudyante." Dagdag ni Viah at tumalikod na para umupo sa upuan at kuhanin ang tubig nito.

Naglakad siya para lapitan ito. Pero bago niya pa gawin yun ay nakita na niya ang nakangiting mukha ni Jake.

"Kamusta? Malinis ka na?" Tanong nito.

Pabirong umirap naman siya. "Malinis naman talaga ako sadyang nadala lang ako sa kwento mo." 

"Asus. Sa kwento ko lang ba talaga? Sa pagkakatanda ko, grabe ka kung tumitig sa akin eh." Nakangising sambit nito.

Napamulagat naman siya rito. Aba, itong lalaking to. "Teka. Kung makapag-salita ka ay parang hindi ka tumitingin sa salamin." 

Kumunot naman ang nuo nito ngunit may naglalarong ngiti pa rin sa labi. "Ano?" 

"Hindi mo kasi alam na hindi ka naman gwapo." Taas niya ang kilay rito sabay pabirong binungo ang kanyang balikat sa balikat nito at tyaka siya nagtuloy na maglakad palapit sa kaibigan.

Nang makalapit siya kay Viah ay umupo siya sa upuan nito habang nakatayo ito sa harap niya at umiinom ng tubig.

Sinulyapan niyang muli si Jake na nakatayo pa rin kung saan sila nagusap kanina. Ngunit hindi katulad kanina, nakaharap na ito sa kanya ngayon. 

Maliit ang mga mata at may naglalarong ngiti sa mga labi habang nakahawak ang kamay sa baba na animo'y nagiisip.

Ngisi lang ang ginanti niya rito at binalik na ang tingin sa kaibigan nang magsalita ito.

"Just, ano sa tingin mo? Ayos na ba yung choreo kanina?" Tanong nito at umupo sa tabi niyang bakanteng upuan.

"Ayos na. Maganda nga eh. Tyaka para sakin, wala naman yan sa ganda o ano pa. Nasa gagawa talaga yan. Kung malamya ang iba sa atin ay papanget talaga," sabi niya.

Ngumuso naman ito at kumunot ang noo. "Kaya nga eh. Paano ba naman kasi yung mga kaklase natin kaala mo naman hindi kumakain. Mukhang mga makatayin." Asar na sabi nito.

Natawa naman siya. "Gawin niyo na lang lahat nang maisip niyong displina sa mga yan." 

"Kulang na lang ipakain ko na sa kanila yung mga upuan dito eh." Sagot ni Viah.

Nagkwentuhan pa sila nang ilang sandali hanggang magsabi si Viah na tapos na ang waterbreak. 

Bumalik na siya agad sa pwesto niya at nagsimula nang gawin ang mga dapat gawin. 

Nang matapos nila ang presentation ay tinawag na ang mga napili nila Viah na anim na estudyante na pupunta sa gitna habang kumukuha ang iba ng props.

"Jake." Tawag ni Lyke, ang lalaki nilang kaklase na katulong ni Viah sa pagagawa ng choreo at jingle.

"Licy." 

Habang nagtatawagan sila ay naisipan kung tulungan ang iba pang gumagawa ng props. Naisipan niyang dito na lang siya tutulong sa pagdidilit. Medyo natakot na siyang mag-pintura at baka umuwi na talaga siyang mukhang abstract art.

"and... Justine." 

Napalingon siya nang tawagin ang pangalan niya. Tiningnan niya si Viah gamit ang nagtatanong na mukha. 

Tinuro lang nito ang iba pa nilang napiling kaklase. Tumayo siya at lumapit kay Licy na isa rin sa mga napili.

Pumunta si Viah sa gitna habang nasa tabi nito si Lyke.

"So pumili kami ng dalawang lalaki at dalawang babae dahil kami na ni Lyke sa dalawa." 

Tumango naman sila. 

"Bale ganito. Naisip namin na magkakaroon ng kaunting mellow dance habang kumukuha yung iba ng mga gulay at prutas nila tapos tyaka tataas yung beat then next is ending na." 

"So kami na ni Viah ang mag-partner. Licy and Rain kayo naman. At Jake and Justine," banggit ni Lyke.

Napatingin siya kay Jake. Nakatingin na rin ito sa kanya. Nagsimula na silang mag-practice ayon sa utos nila Viah.