Chapter 05

"Hey mahal na Siniorita, ano naman ho ang pumasok sa iyong napakagandang isipan para ikaw ay mamasukang yaya sa aking pinsan?" Tanong sa akin ni Blue, ng maabutan niya ako sa likod bahay ni Justine na kampanteng nakaupo at nakatanaw sa malayo.

"Malayo ang tingin, iyon pala'y duling." Nang aasar pang kanta niya.

"Ulol! De jame' solo por pabor!"  (Utang na loob iwan mo ako). Bulyaw kong pagtataboy kay Blue. Ganitong badtrip ako baka makalbo ko itong hayop na 'to sa pang-aasar niya.

"De mi gusta mi siniorita, sungit naman nito may regla ka ano? At saka 'wag mo akong ma ispa-espanyol diyan at baka hindi kita matantya pakuhanin kita ng isang baldeng tubig!" Pasigaw rin na bwelta niya. Wala na talagang pag-asa ang kolokoy na 'to. Sagad na hanggang buto ang kakulitan, at hobby niya na talaga ang mang pikon.

Sana lang talaga mapansin niya si Lenny hindi lang bilang kaibigan, kundi bilang katandem sa pagiging buang!

"Hoy bughaw ha 'wag na 'wag mong mabanggit diyan sa pinsan mong iyan ang tungkol sa akin. Ayaw kong umuwi sa hacienda. Not now!" Pananakot ko sa kaniya habang tinuturo pa ang mukha niya.

"Bakit na in love ka na ba sa pinsan kong bato? Nako day pag-igihan mo para naman makalimutan niya na 'yong ex niya, at ng maging totoong tao na siya." Sa sinabing 'yon ni Blue mas lalong naging palaisipan sa akin ang love story ng gwapo kong amo.

Aba siguro may tagas na ang utak nang ex niya kaya iniwan siya. Dahil kung ako lang, nunkang iwan ko iyong kalabaw na 'yon. I mean, hes handsome, rich, macho bukod sa lahat macho siya gwapo at mayaman! Napakarami niya kayang katangian halos di nga mabilang! Pero bakit ko ba siya iniisip! Crush ko na ba siya?

"Ano bang nangyari sa kanila?" I ask him curiously.

"That's not my story to tell. Even me, di ko pa nakita iyong si Pau. At ikaw naman saksakan ka ng chismosa." Sa sinabing iyon ni Blue binatukan ko siya ng pagk lakas-lakas, 'yong tipong maaalog buong pagkatao niya.

Nagtatanong lang chismosa agad? Ano pa iyong mga tunay na chismosa sa daan, na akala mo mga cctv kung makatingin at daig pang globe? Hindi lang mundo ang abot nila kun'di buong kalawakan!

"Alam mo Zafy ito ha advice lang. Huwag mong hayaang mahulog ka kay Justine, panigurado kung di ka masasaktan mabubuntis ka lang!" Ang walanghiyang bughaw! Hahambalusin ko sana kaso biglang tumakbo.

"Madapa ka sana 'yong una ang nguso tapos durog ang bungo!" Pahabol kong sigaw sa walanghiya. Pero tinawanan lang ako.

***

Meanwhile, Justine is busy preparing his things for three days working on site.

Ang office firm niya ang napili ni Janrick para sa expansion ng negosyo nito. Matagal na rin nilang na plano at napag-usapan 'yon, at hanggang ngayon nga ay hindi pa tapos dahil sa nuknukan ng arte ng kaibigan niya. Nasabihan at na meeting niya na rin ang buong team niya, para sa pagbabago na naman na gagawin nila sa kagustuhan na rin ng hayop niyang kaibigan.

As I went to my closet to get some clothes, nakita ko ang kwintas na binigay sa akin ni Pau noon. Kinuha ko iyon at pinakatitigan habang pinag-iisipan kung isusuot ko pa ba o hindi na. Pero para saan pa, e wala naman na siya? I face our lifesize photo hanging on the wall and talk to her like idiot. 

"Hey, hope you're doing fine. Are you happy now? Sana masaya ka at naabot mo ang pangarap mo. Lagi mong sinasabi na ang pangarap mong iyan ay hindi lang para sa'yo. But for me and for you're family also, how was that? Nakakatawa mang isipin pero wala naman akong ibang pangarap kun'di ikaw lang. Ang makasama ka lang habang buhay. But you choose your dreams, you left me."

Hindi ko man ginusto at sinasadya, pero may luhang pilit na kumawala sa mga mata ko habang inaalala 'yong nakaraan naming dalawa. Kung pwede lang ibalik. Di sana sumama na lang ako sa araw ng pag-alis niya. But the question is, Em I willing to give up everything just to be with her? I dont think so. Yes, I love her but I cant loose my job that time.

Nagsisimula pa lang ako halos sa firm ko noon. Though, I came from a wealthy family. I' am not the type of  guy who live and sleep peacefully under my family's wealth.

I want to prove myself. I want to do better. Gusto kong ipakita at marinig sa pamilya ko na sabihin nilang "that's my son and we're so proud of him". Siguro nga pareho lang kaming may gustong marating at patunayan. Kaya mali na pinapili ko siya. Kasi nakampante ako. kampante akong ako ang pipiliin niya. But knowing Pau's personality, No one can dare let her down, at ilihis ang tingin sa daang gusto niyang tahakin. 

Nasa ganoong pag-iisip ako ng bigla pumasok ang magaling kong katulong sa kwarto ko, ng walang paalam o pasabi man lang. Ni hindi rin siya kumatok bago man lang pumasok.

"Ah Sir, mag papaalam sana ako eh. May date kasi ako ayos lang ba?" Tanong ng katulong ko habang paminsan minsang lumilingon sa picture namin ni Pau, na nakasabit sa pader.

Pero sabi niya may date siya. May boyfriend na pala itong yaya ko? Sabagay maganda si Zafy. Gandang hindi mo aakalaing mag-aapply bilang isang katulong.

"Sige. Pero sa susunod sana kumatok ka man lang. I'm a private person, ayaw kong may pumapasok dito sa kwarto ko ng walang pahintulot ko." Sunod sunod kong litanya sa kaniya. Kahit na medyo na gi-guilty ako sa klase ng pananalita ko sa kaniya. Kaya tumalikod na lang ako at ipinagpatuloy ang ginagawa.

"Sorry, promised I won't bother you next time. Thanks anyway." Halos mabali naman ang leeg ko sa agarang pag pihit para tignan siya dahil sa mga sinabi niya.

Lalo na sa wikang ginamit niya. Tatanungin ko pa sana siya but its too late, dahil lumabas na siya kaagad pagkasabi niyon. Ngayon sigurado na akong hindi basta basta ang katulong ko. Sisiguraduhin kong malalaman ko rin kung may itinatago ba siya sa akin o wala.

***

Hindi naman alam ni Zafy kung bakit bigla na lang siyang nakaramdam ng paninikip ng dibdib.

I thought that Justine's ex was sophisticated, glamorous, gorgeous and look intimidating. But when I saw their picture hanging on the wall in Justine's room, it seems like theres nothing special about that girl. What is her name anyway? Pauline?

Mas maganda pa ako sa kaniya, mukhang mas sexy rin. Pero bakit iniiyakan siya ni Justine? Kanina bago ako pumasok sa kwarto ni Justine kakatok sana ako, pero bahagya naman nakabukas kaya akala ko ayos lang pumasok.

But I got stunned when I heard him talking. At nang sinilip ko siya nakita kong kinakausap niya 'yong larawan ng ex niya. Nakakatawang tignan kung paano niya iyon kausapin. Gusto ko man siyang gulatin at asarin ngunit hindi ko nagawa. Lalo na nang makita ko ang luha sa mga mata niya. Mahal na mahal niya nga siguro 'yon. Wala tayong laban day!

***

Pagkalabas ko ng bahay, siya namang pagpasok ng haliparot na babae ni Blue sa sasakyan ni Blue. Pasakay na rin ang hudas pero nakita akong lumabas.

"Saan ang larga ng Senioritang yaya?" Tatawa tawa pa itong Blue na ito. Ang sarap talagang sungalngalin.

"Magkikita kami ni Lenny. Kaya ihatid mo ako sa Airport para naman may silbi kang bakulaw ka!" Sagot ko sa kaniya. Nag message kasi sa akin si Lenny na uuwi siya dahil may dapat siyang asikasuhin tungkol sa amo niya.

Pagkasakay ko sa sasakyan ni Blue, katakot takot na panlilisik ng mata ang napala ko kay Meria.

"Why did you make sama that yaya hon?" Kung pwede lang hilahin ang dila ng gagang to ginawa ko na.

Napakaarte akala mo naman kung sinong maganda. Mas maganda pa naman sa kaniya si Lenny pwe! At talagang umabrisete pa ang malanding higad sa leeg ng bakulaw na si Blue. Akala niya naman type ko ang bughaw na iyan. Sorry di ko favorite ang blue!

"Meria honey, hayaan mo na. And I will drop you in your condo. May aasikasuhin lang ako." Hinalikan pa ni Blue ang malanding higad pagkasabi niya no'n. Kung pwede lang sumuka dito sa sasakyan niya baka sumuka na ako kanina pa. Nakakadiri silang dalawa!

After an hour, naihatid na namin si Meria. Habang kami naman ni Blue ay papuntang Airport upang sunduin ang lukaret na si Lenny.

"I saw Pauline already." Mahina kong saad kay Blue. Muntik naman akong mangudngod sa biglaang pag preno niya ng sasakyan pagkasabi ko no'n.

"Ano ba?! Kung balak mong magpakamatay please lang mamaya na lang ihatid mo muna ako sa Airport!" Malakas na bulyaw ko sa kaniya. Bwisit na Blue to. Balak pa yatang bangasan ang maganda kong mukha!

"Anong sinasabi mo?. Saan mo nakita si Pauline? As in si Pauline na ex ni Justine?" Sunod sunod niyang tanong. At talagang balak pa muna niyang makipagchismisan sa akin. Pero sige pag bigyan.

"Yep! Naroon sa kwarto ni Justine nakasabit sa dingding." Baliwalang sagot ko. Kumunot naman ang noo ni Blue at nagtatakang tumingin sa akin.

"Buti pinapasok ka niya sa kwarto niya, I mean napakaprivate nang taong 'yon. What did you do?" Kunot noong tanong niya.

Kung alam niya lang. Kahit nasaktan ang ego ko doon okay lang, at least nakita ko na kung sino ang ka kompitensya ko. Teka! So crush ko na siya talaga? 

"Ano ba ang tipo ng pinsan mo?" Instead of answering his question, I ask him. Nagtataka man ay sumagot pa rin siya sa akin. Ngunit kung alam ko lang, sana pala hindi ko na siya tinanong.

"When it comes to woman, I think he like's simple yet with sense. Sexy but not too much. Brainy but not nerd. Know's how to cook, at may talent. Basta lahat ng wala ka!" Eksahiradong sagot niya.

"Gago!"

Bwisit na Blue! Maniniwala na sana ako pero may ganoong kasunod pa. Eh ano naman ngayon kung mahirap akong abutin? Ano naman ngayon kung super sexy ako? Ano naman ngayon kung matalino ako? Ano naman ngayon kung di ako marunong magluto at kung wala akong talent? Ang mahalaga napatawa ko na siya at malaking achievement na 'yon.

I smile with that thought. Totoo namang napatawa ko siya sa corny kong joke dati. Kung kailangan kong mag-isip ng maraming jokes para sa kaniya, para mapasaya siya. Araw araw kong gagawin para makapasok na rin ako sa puso niya hanggang sa dumating yung araw na ako na ang mundo niya.

I smiled again and send him a simple joke. Baka sakaling matuwa siya at maalala niya ko kahit wala ako sa tabi niya.

To: mybebelabs❤️

"Knock knock!" 

Napangiti ako nang ma i-send ko sa kaniya ang mensaheng 'yon. Iniisip ko pa lang ang magiging reaction niya, parang gusto ko ng kurutin yong pisngi niya ng paulit ulit.

"Tagal naman mag reply ng bebelabs ko!" Mahinang usal ko habang naghihintay ng reply ni Justine.

From: mybebelabs❤️

"Sorry but who's this?" 

Agad kong binuksan ang cellphone ko ng bigla iyong nag vibrate at pangalan ni Justine ang nakarihestro.

Nang mabasa ko ang reply niya napangisi ako. Oo nga pala hindi niya nga pala alam ang number ko. Ako kasi kinuha ko ang number niya kay Nay Meling.

To: mybebelabs❤️

"Zafy 'to, pinakamaganda mong yaya sa balat ng earth!" 

Reply ko sa kaniya bago nag send pa ulit ng isa pang text sa kaniya.

"Kapag sinabi kong knock knock sumagot ka ng who's there! Panira naman ng moment to."

From: mybebelabs❤️

"Ok, asked me again." 

Ayy bongga ang bebe ko nag demand pa talaga.

To: mybebelabs❤️

"Knock knock." 

Muli kong text sa kaniya, na agad niya namang sinagot.

From: mybebelabs❤️

"Who's there?" 

To: mybebelabs

"Anong bansa na kapag binigkas mo'y hindi gagalawa at mag didikit ang labi mo?"

Ilang minuto na ang nakalipas pero wala pa rin siyang reply. Masyado yatang nahirapan.

From: mybebelabs❤️

"Idk, say it." 

Sa tinagal tagal kong naghintay ng reply niya, ay iyon lang pala ang sasabihin niya?Anak ng tokwa!

To: mybebelabs❤️

"HONGKONG" 

Ano ba yan ang boring naman pala katext ng taong to. Hindi marunong makisabay sa joke!

Nag send pa ako ulit ng text sa kaniya. Hindi ko na inisip kung magagalit siya o ano. Ang mahalaga nakatext ko siya. Sapat na 'yon sa akin.

To: mybebelabs❤️

"Ito last na, kung si Mickey ay may Minnie. Si Mr. Bean ay may Teddy. Sino naman ang kay Justine?"

From: mybebelabs❤️

"Sino?" 

Aba ang bilis mag reply!

Napangiti akong muli, bago sumagot sa kaniya.

To: mybebelabs❤️

"Edi si Zafy!" 

I smile as I sent that text and wait for his reply. Pero nakarating na kami lahat lahat sa Airport, wala man lang naging reply ang magaling kong amo. Siguro nga hindi niya na gets o baka naman napikon.

***

Blue and I sat in the bench while waiting for Lenny to come out. Ilang minuto na rin kaming naghihintay pero ang bruha wala pa rin. Naligaw na yata sa loob ang gaga.

Nasa ganoong pag-iisip ako ng biglang nag vibrate ang cellphone ko. And I saw the message coming from my boss.

As I open and read it, daig ko pang nanalo sa lotto habang impit na tumitili. Gusto ko pa sanang tumalon talon kaso baka pagkamalan na akong baliw.

From: mybebelabs❤️

"Pwede, bagay!"

++++++++++++++++++++++++++++++++