Share

The Dark Side Of Love
The Dark Side Of Love
Author: Hazzel Quinn

Chapter 1

Ano na balak mong gawin ngayon?" tanong ni Drake, kaibigan ni Asha. Ngayon ay nasa isang fast food chain sila para kumain ng tanghalian kahit 6pm na.

"Matulog," maikling sagot ni Asha na nababagot na kakahintay sa pagkaing in-order nila. 

"Punta ka kaya muna sa probinsiya, tamang tama hinahanap ka ni lola eh dalawin mo na muna," suhestiyon ni Drake. 

Kakatapos lang ni Asha sa isang misyon at ngayon ay may ilang linggo itong pahinga para na rin gumaling ang mga sugat nito. 

"Sure, tingin ko mas okay na doon na lang muna ako magpahinga," pagsang-ayon ni Asha. 

She can feel the pain in her back, thighs, shoulder, and arms. Unti-unti na kasing nawawala ang anesthesia na itinurok sa kanya kanina para matanggal ang bala sa balikat niya.

Asha wear dark colored clothes at naka jacket pa para matakpan ang mga sugat at pasa niya sa katawan.

Buti na lang at daplis lang ang natamo niya sa labanan sa misyon niyang iligtas ang mga babaeng nabiktima ng human trafficking para sa sexual exploitation at mayroon pang mga minor de edad.

"You look pale Ash,pagkatapos mong kumain ihahatid na kita sa condo mo para makapagpahinga ka," nag-aalalang sabi ni Drake sa kaibigan. Wala kang makikitang emosyon sa mukha at mata ni Asha kaya aakalain ng iba na ayos lang ito pero ang totoo ay nasasaktan ito.

Nakita lahat ni Drake ang mga natamong pasa at sugat nito sa katawan. Nakokonsensiya na hindi niya naprotektahan ang kaibigan. Kung sana lang isinama siya ng superior nila sa misyon ni Asha baka hindi na ito masyadong nasaktan.

"I'm fine Drake, the anesthesia is doing well wala akong maramdamang sakit," pagsisinungaling ni Asha, nakikita niya kasing nag-aalala ito sa kanya.

Dumating na ang order nila, kaya saglit na nakalimutan ni Asha ang sakit ng kanyang katawan ng magsimula na siyang kumain. Food is her comfort, pagkain lang ang katapat ng lahat ng pagod at sakit ng katawan niya.

"Hey Ash, kumusta? Dami ng pagkain ah," bati ni Easton na kakarating lang. Nakangiting aso ito kay Asha na agad namang inikutan ng mata.

"Ano ginagawa mo dito? Mambuburaot ka na naman ba?" asik ni Drake, may pa akbay akbay pang nalalaman si Easton habang nakangiting nakatitig sa mga pagkain.

"Umalis ka rito Easton, hindi ka welcome. Sa amin lang itong mga pagkain," pagdadamot ni Asha. Ugali na nitong mamburaot ng pagkain kahit kanina basta kakilala nito.

Mas malakas pang lumamon kaysa sa alaga nitong aso. "Grabe ka naman Ash, kinakamusta lang naman kita," nagtatampong turan ni Easton. Madrama itong ngumuso sa kanya at nag puppy eyes pa.

"Hindi ka naman pulubi, may trabaho ka kaya may pera ka," masungit na sabi ni Asha at nagpatuloy na sa pagkain.

"Hindi rin, hindi naman lahat ng may trabaho may pera. Yung iba kakahawak mo pa lang maya maya wala na," malungkot na tugon ni Easton at nakiupo na sa kanila.

"Saan napunta?" kuryosong tanong ni Drake. Nagtataka siya kung bakit mawawala agad, kung ninakaw siguro mawawala agad pero hindi naman nananakawan itong si Easton, sa galing nito sa martial arts malabong may magtangkang mangnakaw sa kanya.

"Napunta sa utang," nakapangalumbabang sabi ni Easton at naglalaway na nakatingin lang kina Asha at Drake na sarap na sarap sa kinakain.

"Imposible, last time I check hindi pa naman nagkakaroon ng financial crisis ang kompanya mo," sabi ni Drake. Minsan talaga ang weird ni Easton, kung ano ano na lang ang pinagsasabi nito.

"Pahingi na nga lang," sabi ni Easton at agad kinuha ang fried chicken ni Drake. Agad nitong nilamon ni Easton kaya wala ng nagawa si Drake kundi ang awayin ito.

"Kahit kailan talaga magnanakaw ka, dapat hindi ka na naging agent kasi magnanakaw ka ng pagkain," galit na sabi ni Drake kay Easton at nang hindi makapagpigil ay binatukan niya pa ito.

"Hoy hindi ko ito ninakaw, nagpaalam ako sayo," giit ni Easton habang nilalamon ang fried chicken.

"Hoy tumigil na nga kayo nakakahiya kayong kasama," inis na sabi ni Asha, hindi na niya tuloy ma-enjoy ang pagkain niya dahil sa ginagawa ni Easton at Drake sa harapan niya.

"Ito kasi eh hindi na lang bumili ng kanya," pagdadahilan ni Drake at agad inilayo ang pagkain kay Easton ng makitang naubos na nito ang fried chicken.

"Nagtitipid ako," sabi ni Easton at akmang kukuha ulit ng pagkain ng sipain ni Drake ang tuhod nito kaya napaupo ito ulit.

"Nagugutom ako kaya wag mong ginagalaw ang pagkain ko, galitin mo na ang lasing wag lang sa gutom dahil baka mapatay kita," galit na sabi ni Drake.

Pero dahil makulit si Easton ay hindi siya nakinig sa sinabi nito, hindi naman siya kayang patayin ni Drake alam niya yun.

Nagkakagulo ang dalawang lalaki sa lamesa nila kaya marami na ang taong nakatingin sa kanila, wala ng pakialam si Asha basta kakain siya dahil kanina pa siya nagugutom at isa pa sinaway na niya ang mga ito.

Maya maya pa ay nagsusuntukan na ang dalawa pero walang pakialam si Asha basta wag lang siyang guluhin ng mga ito. 

Lumapit na ang dalawang guard ng fast food chain at inawat ang dalawa, "Mga sir wag po kayong gumawa ng gulo rito nakakapirwisyo na po kayo," sabi ng guard na mukhang napipikon na sa dalawa. 

Nagsukatan ng tingin ang dalawa habang umuusok naman ang ilong ni Drake, para sa isang agent na nasa hukay ang isang paa ay importante sa kanila ang pagkain. 

Kahit hindi masarap ang pagkakaluto basta makakain lang ay masaya na sila. Pinapahalagahan nila ang mga simpleng bagay na ginagawang basic lang ng iba. 

"Drag that m*ron out of here, ninanakaw niya ang pagkain ko," sumbong ni Drake sa dalawang gwardiya na mukha namang hindi kombinsido sa dinahilan niya. 

"Hindi pagnanakaw 'yun, nanghingi ako sayo," giit ni Easton. "Saka ka lang nanghingi nong nalamon mo na," sabi ni Drake pero ngumisi lang si Easton at akmang susugurin ulit ni Drake si Easton ng agad siyang pigilan ng dalawang guard. 

Nasisiyahan si Asha sa napapanood niyang away ng dalawa habang kumakain siya, para lang siyang nanonood ng sine habang lumalamon ng popcorn. 

"Sayang ang gagandang lalaki niyo sana pero kung mag-away kayo dinaig niyo pa ang mga babaeng nagsasabunutan," dismayadong sabi ng isang guard na medyo may edad na. 

Natawa si Asha sa sinabi ng gwardiya, kung tutuosin totoo ang sinasabi nito. Parang bata kasing mag-isip ang dalawang lalaking ito. 

Agad naman itong sinang-ayunan ng kasamahang guard, "Alam niyo mga bata, pagkain lang yang pinag-aawayan niyo pwede naman kayong bumili ulit tutal mukha naman kayong mga galante," pangaral ng isa pang guard.

"Ito kasi eh----." Hindi na pinatapos ng guard ang iba pang sasabihin ni Easton dahil piningot ito ng guard.

"Aray ko po mamang guard, wag po dyan m-masakit," reklamo ni Easton na agad namang ikinalukot ng mukha ni Drake, "Ang sagwa mo pakinggan," sabi ni Drake.

Maya-maya pa ay napagawi ang tingin ng dalawang guard kay Asha na tahimik na kumakain at nanonood sa kanila.

"Aba ang ganda pala ng taste niyong dalawa, magaling kayong pumili," makahulugang sabi ng isang mamang guard habang nakatingin ang dalawang guard kay Asha.

Alam ni Asha ang ibig sabihin ng sinabi nito, namula ang pisngi ni Asha sa sinabi ng mamang guard pero hindi dahil sa kilig kundi dahil sa inis na nararamdaman niya sa dalawang baliw na kaibigan niya.

Hindi na lang itinama ni Asha ang sinabi ng mamang guard, tahimik lang siya at tiningnan isa isa sa mata ang mga kaibigan niya.

May panganib na nakapaloob sa mga titig ni Asha na agad ikinalunok ng laway nina Drake at Easton dahil alam na nilang nanganganib ang buhay nilang dalawa.

Hindi lubos maisip ni Asha kung papaano naisip ng guards na pinag-aagawan siya ng dalawang baliw na lalaking ito. Tsk, kung magkakagusto ako sa lalaki bakit sila pa, ayaw ko ng sira*lo.

"Ano nangyayari rito?" tanong ng kakarating lang ng isang baklang malaki ang tiyan. Ito siguro ang manager ng fast food chain.

"Wala po sir, okay na," sabi ng mamang guard at iginaya paupo ulit ang dalawang baliw na nakayuko na.

"Oh sige, balik na kayo sa pwesto niyo," utos ng baklang manager at kakaiba ang tingin nito kay Drake, natipuhan yata si Drake.

Binalingan ng tingin ni Asha si Drake at Easton na nananatiling nakayuko.

Hinampas ni Asha ng malakas ang lamesa na ikinagulat ng dalawa, para itong nahuli ng ina na nangungupit kasi kapwa nakayuko. "Ash, magkaibigan naman tayo di ba?" nagpapaawang tanong ni Easton sa kanya.

Nanlilisik ang mata ni Asha, "Nakakahiya kayong dalawa," tanging nasabi ni Asha.

"Hindi ko sinasadya si Drake kasi ang damot," reklamo ni Easton at inikutan pa ng mata si Drake. 

"Hoy kung hindi ka lang likas na matakaw at kuripot sana bumili ka na lang sayo," sabat ni Drake na umuusok ang ilong sa inis. 

"Nagtitipig nga ako, bakit hindi mo na lang ako bigyan," sabi pa ni Easton na namumula na rin ang tainga sa inis niya kay Drake. 

Napahilot sa sintido si Asha at napapikit. 

Hindi naman niya pwedeng bugbugin ang dalawa sa harap ng maraming tao kaya mamaya na lang.

Kaugnay na kabanata

Pinakabagong kabanata

DMCA.com Protection Status