Chapter 8

Tinulungan ni Asha si Apollo na tumayo. Nakita niya itong nakatayo lang sa gitna ng kalsada habang may paparating na truck kaya agad niya itong tinulak.

“Dapat hindi ka lumalabas ng walang kasama,” nag-aalalang sabi ni Asha. Kakatapos lang nilang maglibot ni Jill at ito na naman ang naabutan niya.

“Wala kang pakialam,” masungit na tugon nito habang pinapagpagan ang sariling damit para matanggal ang dumi. 

“Tsk ang sungit,” bulong ni Asha sa sarili. “Ano yun?” biglang tanong ni Apollo na mukhang narinig ang sinabi niya. 

“Huh? Ah wala yun,” sabi niya at inayos ang sarili mabuti na lamang ay hindi sumalpok ang truck sa kabahayan pagkatapos makaiwas kay Apollo. 

“My god Apollo! Ano bang ginagawa mo ha!” singhal ng ina nitong namumula ang tainga sa galit at pag-aalala sa anak.