Isang malutong na sampal ang iginawad sa akin ni Tita Taliana pagka-uwi ko. Nagulat ang lahat lalo na ang mga kasambahay.Nasapo ko ang pisngi at muntik nang maupo sa sahig dahil sa lakas ng pagkasasampal niya.“Ang kapal ng mukha mo para gabihin umuwi!” sigaw ni Tita Taliana sa akin sa harap ng maraming tao.Wala si Papa sa paligid kaya siguro harap-harapan niya akong sinasampal at pinapahiya sa harap ng mga tao.Gulat ko siyang nilingon. “Ano ba ang ginawa ko sa ’yo?”“Ang kapal ng mukha mong paghintayin ang mga Del Real!” sigaw niya na ikinagulat ko.Agad-agad kong inilibot ang tingin ko at napasinghap ako nang makita ko na may tao roon. Isang eleganteng babae at matipunong lalaki na hindi nalalayo sa edad ni Papa. At ang nagpatigil sa akin ay ang matatalim na tingin ng lalaking humalik sa akin noong
“You are Alexa?”Naiilang ako ngayong nandito ako sa malawak na sala ng mansyon. Hawak-hawak ngayon ng eleganteng babae na tingin ko ay ina ng lalaking kasama ko ngayon.Napangiwi ako nang hinaplos niya ang kamay ko at malaki pa ang kanyang ngiti.“Opo,” naiilang ko na sagot.Nakita ko ang pag-irap ni Tita Taliana sa akin. Nakaupo siya sa tapat namin habang may dalang pamaypay sa kanyang kamay.“Ilang taon ka na? Ang ganda mo, hija…”Namula ako at nag-iwas ng tingin.“Twenty po,” agad kong sagot at yumuko.Grabe! Don’t judge the book by its cover talaga, eh! Ang sungit-sungit ng mukha pero kasing kulit pa ito ng Nanay ko—ay hindi, mas malala pa siya sa Nanay ko.“Tatlong taon lang naman pala ang tanda sa anak ko
“Magandang umaga, Ma’am, Sir!” bati ng isang lalaki habang pinapakain ang alagang kabayo.Binitiwan na ni Sheldon ang kamay ko nang makarating kami sa kwadra. Inilibot ko ang aking paningin sa buong kwadra at nakita ko ang iba’t ibang klase ng kabayo.“May available ba na kabayo rito?” seryoso na tanong niya sa lalaki. “We want to ride on it…”“Meron sir, may tatlo! Gusto niyo bang tig-isa kayo ni Ma’am?” tanong ng lalaki sabay baling sa akin.“Uhm…”“She doesn’t know how. She will ride with me,” sagot niya sa lalaki sabay baling sa ’kin.“Sige, Sir! Hintay lang po kayo. Kukunin ko si Kulot.”“Kulot?” nagtataka ko na tanong.Mahinang humalakhak ang lalaki sabay haplo
Hawak-hawak niya ang kamay ko habang papatungo kami sa sinasabi niya na batis. May naririnig na ako na agos ng tubig kaya malapit na kami. Napalilibutan ng mga punongkahoy ang dinaraanan namin kaya wala akong ibang naramdaman kundi ginaw.“We’re here…” Binitiwan ni Sheldon ang kamay ko at naunang naglakad sa may batis. “You like it?”Agad akong tumango at niyakap ang sarili. Kahit hindi ka sumulong sa tubig ay ramdam na ramdam mo na ang lamig sa tubig ng batis.Tinuon ko ang pansin ko sa batis at hindi ko mapigilan ang mamangha dahil sa sobrang linaw.Narinig ko ang malalim na buntong-hininga ni Sheldon. Nang binalingan ko ito ay naghuhubad na ito ng pang-ibabaw na damit.\Namilog ang mata ko. “H-Hoy!” sigaw ko na ikinatigil niya sa paghubad.Kumunot ang kanyang noo at binalingan ako. Nakataas na ang ka
Sapo-sapo ko ang buong mukha ko ngayon habang nakatitig ako sa salamin. Hanggang ngayon ay ramdam na ramdam ko pa rin ang kanyang paghalik sa akin. Inilagay ko sa tapat ng dibdib ko ang palad ko at pinakiramdaman ang bilis ng tibok ng puso. Umawang ang labi ko nang maramdaman na hanggang ngayon ay mabilis pa rin ang kanyang pagtibok. Hindi ko alam kung ano ito pero kinakabahan ako. Sinuklay ko ang aking buhok at pilit winala sa isip ko ang kanina. Hindi ko dapat iniisip iyon. Hindi pa man ako naka-experience ng pagjojowa, hindi naman ako masyadong tanga para sabihing mabait at ideal man lahat ng lalaki. Judging from the way he moves, marami na siyang babaeng nakasalamuha. Kaya hindi dapat ako magpadala sa kanya. Tinapos ko na ang pagsusuklay ko at akmang tatayo na sana ako nang may biglang kumatok sa pinto. Bumuntong-hininga ako at tumayo mula sa pagkauupo. Dumiretso ako sa may
Ilang araw ang nakalipas ay biglang nagbago ang lahat. Biglang bumait sa akin sina Tita Taliana at Arissa sa ’kin. Siguro magandang desisyon na hindi ako maikasal, para magkasundo rin kami.“You want to go with me?” maligayang tanong sa akin ni Arissa habang kumakain kami sa hapag. “Gagala kami sa bar ngayong gabi with friends! Maybe you want to come!”Siya lang ang maingay sa hapag at tahimik na ang iba. Nakita ko sa gilid ng mata ko ang pagtaas ng kilay ni Tita Taliana sa kanyang anak. Si Papa naman ay napaangat ng tingin kay Arissa.“It’s good that you are treating her as your sister, Arissa,” sambit ni Papa sabay baling sa ’kin. “Why don’t you go with her, Alexa?”“Of course, Daddy! She’s my sister after all…” Kumindat siya sa akin at binalingan si Papa. “By the way, Dad, kailan ta
Hindi ko maiwasan ang pagdudahan siya. Ang dali niya kasing sabihin na gusto niya ako, eh, isang linggo pa lang kaming magkakilala.Tinulak ko siya at kinuha ko ang baso na may alak sabay lagok.“Shit!” Agad niyang inagaw mula sa akin ang baso at dinaluhan ako. “I told you not to drink!”Pumikit ako at lasang-lasa ko ang pait sa lalamunan ko. Nagmulat ako ng tingin at lumayo sa kanya.“Lumayo ka nga sa ’kin!” inis kong sambit at sinamaan siya ng tingin. “Hindi ako naniniwala sa ’yo, bukod sa hindi kita gusto, bago pa lang tayo magkakilala, kaya isang tanga lang ang maniniwala sa ’yo!”“I have a crush on you, then,” aniya sabay hawak sa braso ko. “I have a crush on you. Is it acceptable enough to marry you?”Mabilis na kumalabog ang puso ko dahil sa sinabi n
Sa pagpasok ko sa loob, bumungad sa akin ang malawak na sala ng kanyang condo. Ngayon ko lang na-realize na hindi ito basta-basta ordinaryo na condo unit. Maybe he bedded his girls here. I wonder. “You want to eat?” tanong niya at agad akong tumalikod nang bigla siyang maghubad sa sala. Grabe naman ’to! “Bakit ka ba bigla-biglang naghuhubad?” inis kong tanong habang nakatalikod pa rin. “Respeto naman, may babae kang kasama!” He chuckled. “I’m sorry. I will change.” Bumuntong-hininga ako at dumeretso sa salaming pintuan ng kanyang condo. Kitang-kita ang buong syudad ng Azura kaya naisampa ko ang dalawang kamay ko sa salamin. Kinagat ko ang ibabang labi ko. Marami akong insecurities. Naiinggit ako sa mga kapatid ko sa totoo lang. Hindi lang dahil tanggap sila ni Papa, kundi nakukuha nila ang mga g