Share

Chapter 2

Cold Stare: Let me tell you my story.

Nakauwi na ako sa bahay at narito ako sa kuwarto nang paulit-ulit na um-e-echo sa isipan ko ang nabasa ko kanina habang nasa school pa lang ako. There is something strage in that notepad or journal of him.

Napaka-mysterious naman kung sino man ang nagma-may ari nitong notepad. Pakiramdam ko ay malalim ang pinaghugutan niya ng lakas ng loob para isulat pa ang mga naganap sa buhay niya. I, actually want to that. Ang isulat lahat ng mga nararamdaman mo at yung mga pangyayari sa buhay mo. Pero hindi ko ginawa, I was afraid. Takot ako na baka may makabasa nito o kaya ay may makatuklas sa sinulat ko. That's why I end up handling my own unsaid and unwritten emotion by myself. Mahirap ikimkim kaya idinadaan ko na lang sa pakikinig ng music. Malibang man lang ako kahit pansamantala.

Hindi ko na binasa pa kung ano ang kasunod na pahina. Ayokong manghimasok sa buhay ng iba. Kung may maghahanap sana mahanap na lang niya ako. 

Nang gabing 'yon ay hindi ako makatulog. Laging nasa isip ko ang nangyari sa amin nila Mama. Kung sana ay kasama lang namin si Papa, edi sana walang nangyaring aksidente. Si Papa? Hindi ko alam kung nasaan siya. Walang nakakaalam.

Nakinig na lang ulit ako ng music gamit ang earphones ko. Hanggang sa dinalaw ako ng antok.

---

Kinabukasan ay maaga akong pumasok sa school. Hindi ako dumiretso sa room namin at umupo ako sa isang bench na nakakalat sa paligid ng school. 

Naka-earphones ulit ako habang nakatingin sa notepad na napulot ko. Yes, lagi ko itong dala para kung sakaling may naghahanap ay agad niya itong makita. Bubuksan ko sana ulit ito nang may nagsalita sa likuran ko. Isang malamig na boses.

"Have you read it?" hindi ko siya sinagot at binalewala lang.

Hindi ako namamansin ng kahit na sino. Wala akong interest na makipag-chitchat o kung ano man. I just want a peaceful mind and a surroundings.

"I'm talking to you, Miss," sabi niya sa isang malamig boses pa rin.

Bakit ba ang kulit nito? Ang lamig pa ng boses niya pero ang kulit niya. Ayaw ko ngang makipag-usap e.

"Hoy, kausap ka na ni baby Jairus ko. Ang swerte mo nga at kinakausap ka pa, pipi ka ba?" 

Isang babae ang bigla na lang lumitaw sa harapan ko at nakapameywang pa ito. Hindi ko rin siya sinagot. Nakita kong napairap siya sa kawalan at pagkatapos ay tinaggal niya ang earphones ko.

"So, siguro naman naririnig mo na—" hindi na niya natapos ang sasabihin niya nang biglang nagsalita itong lalaki na nasa likuran ko.

"Shut up," aniya at nakita kong ang pagkapahiya sa mukha ng babae.

Pagkatapos umalis ang babae ay sakto naman ang pagtunog ng bell. Magsisimula na ang mga klase. Tumayo ako habang dala ko ang note pad. Sa pagtayo ko ay nakita ko ang lalaking nasa likuran ko. Nakatingin lang ito sa akin.

Wala akong makitang reaksiyon at pati ang uri ng titig niya ay napakalamig. Hindi ko mawari kung ano ang gusto niya sa akin. May kailangan ba siya?

"Excuse me," sabi ko at iiwan ko na sana siya nang magsalita ulit siya.

"Miss, just give me my notepad," aniya at napakunot ang noo ko.

Sa kan'ya ito? Ano nga ulit ang pangalan niya? 

"Are you sure this is yours?" tanong ko at wala man siyang ibinigay na sagot sa akin.

Dahil magsisimula na nga ang klasi ay mabilis akong naglakad. Ang bagal niya kasing sumagot. Ma-li-late pa ako sa ginagawa niya e. 

Mabuti na lang at kasabay ko lang ang teacher namin nang makapasok na ako sa room. Umayos naman agad ang mga kaklasi ko. 

Pagkaupo ko sa upuan ko ay inilagay ko sa ibabaw ng desk ko ang notepad. Pagkatapos ay itinago ko na muna ang earphones ko at pinakinggan na ang teacher namin.

"We need a participants who will represent the whole grade 12 and ofcourse the school too. Dahil kayo ang unang section ay inaasahan na dito manggagaling ang representative," sabi ng Teacher namin at nagsimula nang mabulungan ang mga kaklasi ko. "Quiet! Ang mga contest na sasalihan natin ay Quiz bee, Oral Spelling and a Instrumental Music Contest. Raise your hand if you're interested to join," dagdag pang sabi ng Teacher namin.

Hinayaan ko lang sila. Napatingin ako sa bintana at nakita kong kumukulimlim ang langit. Uulan pa yata. 

"Okay, we have Viola for the Quiz bee, Chris for the Oral Spelling. In Instrumental Music Contest, who will join?"

Natahimik ang buong room kaya napatingin ako sa harap. Napatingin ang lahat nang tumayo si Viola. 

"Ma'am, I will suggest Melina for that contest," sabi niya at ang lahat ng tingin nila ay nabaling sa akin.

"Is that okay with you, Melina?" tanong ng Teacher namin.

"Aarte pa 'yan, oh," rinig kong sabi nung kaklasi kong malapit sa akin.

"Melina, sige na! Mahilig ka naman sa music 'di ba?" Si Viola.

"I'm in," sabi ko at ibinaling na nila ang tingin sa harapan.

Marami pang sinabi ang teacher namin sa gaganapin na contest. Walang pumasok sa isipan ko dahil ang tingin ko ay nasa labas. Nagsimula na kasing umulan ng malakas. Lumalamig na rin ang ihip ng hangin. Tumayo ang isa kong kaklasi at isinara ang lahat ng bintana. 

"May bagyo ba?"

"Hindi ko alam. May payong ka bang dala?"

"Wrong timming naman 'tong ulan! May date pa kami ng boyfie ko e! Wala akong payong."

Naririnig kong sabi ng dalawa kong kaklasi na nasa harapan ko. Kinuha ko ang earphones ko at inilagay ko sa tenga ko. Kakalabas lang din kasi nung Teacher namin. 

Habang nakikinig ako ng music ay napatingin ulit ako sa notepad na nasa desk ko. Binuksan ko ito at binasa ang pangatlong pahina. Napakunot ang noo ko sa nabasa ko.

You really curious, huh? Well, get ready.

Eyes here. Don't blink. Just Read. If you don't, you're just wasting your time. Get it? Now proceed!

Seryosong ba ang taong sumulat nito? Kailangan talaga hindi pipikit? Ibabalik ko na lang nga ito sa may-ari. Isasara ko na sana ito nang may mabasa ako sa pinaka-ibaba nitong pahina. Na mas lalong nagpagulo sa akin.

It's raining, am I right? I hate rain, I really did hate the rain.

Lahat kami ay nagulat at napatingin sa pintuan nitong room nang bigla na lamang itong bumukas nang napakalakas dahilan para matakot ang iba. Isang malamig na ihip ng hangin ang bumalot sa amin. 

Kaugnay na kabanata

Pinakabagong kabanata

DMCA.com Protection Status