Share

Kabanata 6

Game of Love

Lahat kami ay nasa isang mahabang lamesa at sunod-sunod na nakahilera. Ngayon kasi namin mami-meet ang bagong image model ng Mall. Malaki ang pasasalamat nila kay Mark kasi tinulungan n'ya akong makapili ng modelo kung hindi namomroblema pa rin sila hanggang ngayon.

Wala akong ideya sa sinasabi ni Kim na huling baraha. Sabi kasi ni Kim may inihanda daw si Mint na huling baraha na siguradong hindi ko matatanggihan na maging model ng Mall. Bigla tuloy akong na-curious kung sino s'ya, hindi ko daw matatanggihan? Tsk! Asa sila, itong si Regine nga napilitan lang akong piliin na model para sa Mall para hindi na sila ma-stress eh kung may choice pa, hindi naman s'ya ang pipiliin ko.

"Sa wakas nakapili rin 'tong kumag na 'to." bulong ni Kim nang mahina kay Mint. Pero naririnig ko naman dahil katabi ko lang s'ya. Sumunod si Mint na katabi n'ya. Sa kabilang side naman sila Nychaa at Masu. Si Mark hindi namin kasama kasi busy na s'ya sa sweet shop business n'ya.

"Kaya nga eh," sabi ni Mint.

Sinabihan ko sila na manahimik dahil uumpisahan ko na ang pag-iinterview kay Regine. Alam naman nilang lahat na ako lang ang tanging pwedeng mag-interview kaya manahimik sila para hindi sila makasagabal.

"Thank you very much Mr. Kugimiya for choosing me as a new image model of Kugimiya Mall, isang malaking karangalan ito para sa 'kin." nagagalak na sabi ng model. Siya si Regine, s'ya ang sinasabi ni Mark na isang rising star model na umiingay ang pangalan sa industriya. Kita ko sa mata n'ya at ekspresyon sa mukha n'ya ang kasiyahan.

"Hindi mo na kailangan magsalita ng kung ano Ms. Regine, sagutin mo lang kung anong mga itatanong ko sa' yo. Isa pa, huwag kang magpasalamat. Ang gusto ko gawin mo nang maayos ang trabaho mo, naiintindihan mo ba?" sabi ko sa kanya. Ang daldal kasi, ang dami-dami pang sinasabi hindi ko naman hinihingi opinyon n'ya.

Dahil sa sinabi ko kay Regine, yumuko s'ya dahil medyo napahiya.

"Just do what I tell you."

"Y-yes sir."

"Turn around slowly." Nagtataka man pero sumunod na lang si Regine.

"Do you smoke?"

"No sir"

"Do you drink alcohol?"

"N-no sir"

"Are you sure? Ayaw ko ng sinungaling," madiin kong tanong sa kanya, habang tinitingnan ko s'yang maigi sa mata para malaman kung nagsisinungaling s'ya o hindi.

"Ah s-sir yes, pero hindi masyado."

"Do you have a boyfriend?"

"W-wala po."

"Well, siguraduhin mo lang dahil number one rule ng mga nagiging model namin ay bawal ang boyfriend, may asawa o may anak dahil nakakagulo lang ito sa trabaho. Ang gusto ko focus." Hindi pa rin ako gano'n kakumbinsido sa mga sagot ni Regine. Kaya naman ipapa-background check ko ang pagkatao n'ya, mahirap na. Ayaw kong masira ang image ng Mall nang dahil sa kanya.

"Y-yes sir."

"Lumapit ka dito."

Unti-unting lumapit si Regine papalapit sa 'min, nanginginig ang mga tuhod n'ya. Ang kaninang ngiti sa mukha n'ya napalitan ng takot.

"Open your mouth."

"Huh?"

"Ano, nabingi ka na!" Gusto ko lang naman kasi na makita ang ngipin n'ya.

"Barry, sobra naman na yata 'yang interview mo? Ano to, physical exam? Pati ngipin gusto mong tingnan kung may bulok, gano'n? Pati kaya hininga amuyin mo na rin kung bad breath," saway na bulong ni Kim sa'kin.

"Kailangan ba talagang gawin ni Regine 'yan?" dagdag na bulong ni Kim sa'kin.

"Shut up Kim!" pabulong pero may diing sagot ko kay Kim.

"Sabi ko nga eh, shut up na ako" Nakagat na lang ni Kim ang pang-ibabang labi at tumahimik na. Akala ko sasagot pa eh, makakatikim na talaga s'ya.

"Tapos na ang interview, nawalan na ako ng gana!" inismiran ko si Kim at muling tumingin kay Regine.

"Ms. Regine, sila nang bahalang magpaliwanag sa' yo ng mga dapat mong malaman," sabi ko at hindi ko na sila ulit nilingon pa. Bahala na sila d'yan, nawalan na ako ng gana.

"Napakatopakin talaga, tsk!" narinig ko pang bulong ni Kim bago ako tuluyang nakalabas.

*******************

Dumiretso na ako umuwi ng bahay, nawalan na kasi talaga ako ng gana. May isang oras din ang byahe pauwi ng bahay magmula sa Mall. Natatanaw ko na ang malaking signboard ng Happy House Village, ibig sabihin malapit na akong makauwi.

Bago tuluyang makauwi sa bahay, may madaraanang playground. Sinadya ko talaga itong ipagawa, hindi ko alam kung bakit.

"Secret garden playground," mahina kong bulong nang madaan ako sa playground, bakit nga ba ito ang ipinangalan ko?

"Because you miss her so much," anang ng isang boses sa isip ko na kaagad naman akong umiling para mawala ito.

Pagdating ko sa bahay, kaagad kong ipinark ang kotse at pumasok sa loob. Kumuha ako ng isang bote ng beer. Dumiretso ako sa terrace at dito nagsimulang uminom habang nakatanaw sa malayo.

Nakita ko ang kaha ng laruang sigarilyo sa ibabaw ng lamesa. Isa pa 'to, pitong taon na ang nakakalipas pero hindi ko pa rin matapon-tapon. Ang sabi ko sa sarili ko, tama na. Kailangan ko na s'yang kalimutan, pero bakit ganito? Pilit ko s'yang inaalis sa isip ko, pero paulit-ulit naman s'yang sumisiksik dito sa puso ko. Ito na naman ako binabalik-balikan ang nakaraan.

*********Flashback****************

"Do you smoke? "

"Kanina ka pa d'yan? Ang kulit mo talaga Manang. Sabi ko sa 'yo huwag ka na tatambay dito, hindi ba? "

"Hindi kasi ako makapag-review, ang ingay nila Kim. So, naninigarilyo ka nga?

"Obvious ba? Kapal na nga ng salamin mo bulag ka pa!"

"Masama 'yan sa kalusugan, teka! May kukuhanin ako, hintayin mo 'ko." Saglit s'yang nawala at pagbalik n'ya may dala s'yang laruan na sigarilyo.

"Ano 'to?"

"Bulag ka ba? Eh di laruang sigarilyo."

"Ano namang gagawin ko dito?"

"Masama ang paninigarilyo, kaya imbis na mag-smoke ka 'yan na lang ang ipalit mo."

*********End of Flashback***********

"Yumi," bulong ng isip ko na paulit-ulit. Bwisit, bakit ba hindi ko s'ya makalimutan? Nag hithitbuga ako ng hangin at ininom ang natitirang beer pagkatapos ay inihagis ko ito sa baba ng terrace. Nagkalat ang bubog pero hindi ko na pinansin.

Dumiretso ako sa kwarto ko, gusto ko nang magpahinga. Pagod na pagod na ako at wasak na wasak na ang puso ko. Gusto ko na lang matulog, baka sakali sa pagtulog ko hindi ko na s'ya makita do'n. Kahit sandali magkaro'n ako ng katahimikan.

**************************************

Related chapters

Latest chapter

DMCA.com Protection Status