Share

Kabanata 9

"What the..."

Gulat na nasabi ni Alyssa nang bigla siyang hilahin ni Mark papasok sa loob ng cabin. At bago pa man niya matapos ang kanyang sasabihin ay sinenyasan na siya nito na huwag siyang maingay. Nakita niyang lumapit si Mark sa tabi ng bintana. Hinawi nito nang bahagya ang kurtina para makita kung ano o sino ang nasa labas. 

"Sila ang dumukot sa akin." Mahinang sabi ni Alyssa kay Mark, habang matamang nakatingin sa labas ng bintana. Hindi niya maaaring makalimutan ang mga itsurang iyon.

"Are you sure?"

"Yes." Mariing sagot ni Alyssa. Hinila ni Mark ang isang drawer at may kinuha doon.

"Here, take this." Inabot nito sa kanya ang isang baril. "For protection in case you'll need it."

"Okay."

"Sa likuran tayo dumaan."

Mabilis silang naglakad papunta sa back door. Sinenyasan siya ni Mark na ito muna ang mauunang lumabas para icheck kung makakaraan sila doon. Dahan-dahan nitong binuksan ang pinto. Tiningnan muna nito ang paligid at nang makumpirmang safe naman, mabilis na itong lumabas kasunod siya.

Maingat silang naglakad palayo sa cabin. Nakita pa nilang gumawi sa unahang bahagi ng cabin ang grupo ng mga kidnapper kaya hindi nito napansin ang kanilang pag-alis. Gawing bukana ng kagubatan ang tinahak nilang direksyon. Ilang saglit pa ay huminto sa paglalakad si Mark.

"Dito muna tayo. Mas safe dito kaysa sa cabin." Lumapit ito sa isang malaking puno ng narra. "Mauna ka nang umakyat sa itaas para makapagpahinga ka." Itinuro ni Mark ang itaas na bahagi ng puno. Nang tumingala si Alyssa, nakita niya ang isang tree house.

"Nasa gilid ang hagdan paitaas."

Lumapit si Alyssa sa gilid na bahagi ng puno at agad naman niyang nakita ang sinasabi nitong hagdan. Nakaukit ang bawat baitang nito sa puno at may gabay itong puwedeng hawakan kaya hindi magiging mahirap ang pag-akyat. Bago umakyat si Alyssa ay nilingon pa niya ulit ang binata.

"Paano ka?" Tanong pa niya dito.

"Huwag kang mag-alala. Aakyat din ako mayamaya." Nakangiting sabi nito. Nagsimula nang umakyat si Alyssa sa puno. Sa bawat paghakbang niya, hindi niya maiwasang ma-excite. Pakiramdam kasi niya ay may naghihintay na sorpresa sa kanya sa itaas.

Ang tree house ay nakukubli ng mga sanga at dahon kaya hindi ito masyadong pansinin kapag tiningnan mo mula sa ibaba. Kaya lang naman niya ito natukoy na tree house kanina dahil nahawi ang mga dahon na nagkukubli dito ng biglang humangin. Ang hagdan ay hindi rin pansinin unless lalapitan mo ito nang malapitan. 

Pagdating ni Alyssa sa itaas, isang napakagandang tanawin ang kanyang nakita. Tanaw kasi mula roon ang kagandahan ng buong isla - ang dagat at ang kagubatan. 

Sa cabin...

"Boss, mukhang walang tao rito." Sabi ng isa sa mga kidnapper. Gumawi ang tinukoy nitong boss sa veranda. Nakita nito ang dalawang tasa sa upuang narra.

"Nandito lang sila sa paligid." Sabi nito habang hawak ang isa sa mga tasa. Mainit pa ang tasang kanyang hawak kaya alam niyang hindi pa nakakalayo ang mga gumamit nito.

"Halughugin ang buong paligid. Hindi pa sila nakakalayo."

"Yes, Boss." Sabay-sabay na sagot ng iba pa nitong kasama. 

Kaugnay na kabanata

Pinakabagong kabanata

DMCA.com Protection Status