Chapter 12

Nagmamadaling lumabas ng opisina niya si Luca nang marinig ang report ni Barnald, nanggugulo na naman daw sa Casa de Lujuria si Mr. Sandoval. Hindi talaga matinag ang matandang iyon, ngayon pa lang nanggigigil na siyang sapakin ito sa mukha. Pagdating ni Luca ng main floor nagkakagulo pa rin ang mga staff at guests. Hindi niya tuloy makita ang nagaganap sa unahan niya dahil sa kumpulan ng mga tao sa harap.

“What is happening here?” tanong niya sa matigas na boses. Gumilid agad ang mga tao nang makita siya at makilala.

“Isa po sa mga guest ang nanggugulo sir, may niña siyang kinaladkad palabas. Mabuti na lang at nakita ng bartender natin at hindi natuloy ang pagkuha sa babae.” Pumitik agad ang kaba sa dibdib ni Luca nang marinig ang paliwanag ng staff, isa sa mga niña niya ang sapilitang kinaladkad palabas ng casa. That mustn't be her!

Hindi natapos ng staff ang pagkukwento nang iwan niya ito upang makita ang nagaganap sa unahan. Labis siyang nagulat nang maki