Chapter 18.1

"Wala ba kayong lakad ng nobyo mo ngayong araw?" Mula sa pagtutupi ng malinis na mga damit, nag-angat ng tingin si Carnation sa madrasta na hinahain ang dala niyang tanghalian sa maliit na lamesa sa sulok ng silid.

“Wala po, busy si Wregan ngayon. May pictorial po siya sa Vigan at sa Lunes na marahil siya uuwi ng Maynila,” magalang na sagot niya at muling inatupag ang pagtutupi ng damit.

“Ah, edi dito ka lang sa hospital ngayon.” Tumango siya bilang sagot sa madrasta, ang atensyon ay nasa pagtutupi pa rin. “Nga pala, nakausap ko ang doktor ng daddy mo. Pinayagan na niya ang daddy mo na umuwi at sa bahay na lang ipagpatuloy ang recovery niya. Maganda rin para hindi na mabigat sayo, wala na tayong hospital bills na iisipin, mga gamot na lang ng daddy mo.

Nag-angat muli ng tingin si Carnation sa madrasta, ngunit sa pagkakataong ito ay kunot na ang kanyang noo. “Bakit siya uuwi? Mas mabuting dito muna si daddy para siguradong may susubaybay sa kondesyon niya, may