Chapter 22

Wala sa mood si Luca nang bumaba ng sariling sasakyan. Pabagsak niyang sinara ang pinto ng kotse at mabilis ang kilos na tinungo ang main door ng mansion ng kanyang ama.

Napakarami ng mga ginawa niya kanina. Sunod-sunod ang meeting na dinaluhan niya, may client pa sila for investment na bigla na lang umatras, bad trip tuloy siya dahil doon. Ilang oras siyang naghintay sa napag-usapan nilang location pero hindi ito nagpakita sa kanya. Nalaman na lang niya sa sekretarya ng ama na umatras ito dahil sa personal na dahilan. Tsk!

Natutuwa siya dahil sa sobrang busy wala na siyang oras na isipin ang ibang bagay. Maging ang pagkain ay nakalimutan na niya minsan, wala ng puwang sa isipan niya si Carnation, sa trabaho na niya naibabaling ang buong atensyon. Gusto niya ang ganito, ngunit minsan nasusubrahan naman siya at naapektohan ang sariling kalusugan. Minsan naman ay ang mood niya, tulad na lang ngayon. Bad trip siya—sobrang bad trip!

"Maaga ka ngayon, ah?" Nahi