Kabanata 1584

Nahirapang sumagot si Quincy sa tanong ni Sharon. Nakakatakot pakinggan ang kaniyang sitwasyon.

Matapos ang sandaling katahimikan, sinabi niyang, “Hindi ko alam ang nangyayari…Kahit na nag-aalala ako noong nalaman kong buntis ako, masayang-masaya ako. Pero noong nakaraang buwan…Nagsimula akong magkaroon ng masamang panaginip gabi-gabi.

Kumunot ang noo ni Sharon matapos marinig ang sinabi niya. “Masamang mga panaginip?”

Tumango si Quincy at sinabing, “Oo, paulit-ulit kong napapanaginipan ang aksidente ng mga magulang ko. Palagi silang balot ng dugo, katakot-takot ang itsura…”

Nawala ang mga alaala niya at hindi na maalala kung anong nangyari noong naaksidente ang kaniyang mga magulang, pero palaging malinaw ang mga imahe nila sa kaniyang panaginip.

Palagi silang nakatitig sa kaniya nang masama habang puno ng dugo ang buong katawan. Para bang galit na galit sila sa kaniya.

Napahawak siya sa kamay ni Sharon. Hindi niya mapigilan na kilabutan nang maalala niya ang mga eksena sa kaniy