EPISODE 13

“Miss Zoelle, nakahanda na po ang hapunan sa baba.”

Nilingon ni Zoelle ang pintuan ng kwarto nang marinig ang pagkatok at sinabi na ‘yon ng isa sa kanilang kasambahay. Madilim na sa labas ng kaniyang bintana, nakapaligo na siya at nakapagpahinga nang halos isang oras sa kwarto niya magmula noong muntikan na siyang malunod sa pool.

“Hahatiran ko na lang po ba kayo ng pagkain?” tanong pa nito.

“Hindi po, bababa na rin ho ako.”

Napahinga siya nang malalim at tumayo na mula sa pagkakaupo sa kama.

Kanina pa siya nakatulala. Hindi man siya nakararamdam ng gutom, ayaw naman na niyang magpaasikaso pa at huwag na lang mag-isip pa ng sobra.