CHAPTER 48

AMETHYST'S POV

Napalunok na lang ako nang tuluyan na kaming pumasok sa loob ng gate ng bahay ni Aivan.

Ilang sandali pa ay huminto na ang kotse nito sa may tapat ng pinto ng bahay.

Hindi ko pa man nahahawakan ang pinto ay nagbukas na iyon dahil sa isang tauhan ni Aivan kaya agad na lang akong lumabas.

Pagbaba ko ay napatingala agad ako at tinitingnan ko lang mula sa labas ang malaking bahay ni Aivan.

Inilibot ko pa ang paningin ko sa paligid.

Wala namang masyadong nabago rito maliban sa mas dumami ang mga halaman at puno.

Ang presko tuloy sa mata.

Nagbaba na lang ako ng tingin nang maramdaman ko ang mga palad ni Jewel sa kamay ko.

Matamis lang itong nakangiti sa akin habang tila kumikislap ang mga mata n'ya sa tuwa kaya tipid ko na lang s'yang nginitian.

Excited s'ya na titira na kami sa iisang bubong.

Maya maya pa ay nagbukas na ang pinto at iniluwa no'n ang tatlong babaeng nakabihis pangkasambahay.

Ang isa sa kanila ay pamilyar sa akin.

Si Manang Sally!

In fairness, maayos na mga ng